عليكم السلام ورحمة الله وبركاته
1- الوزن علي الماليزيه بالعاده 25 كيلو تقريبا ولكن ممكن يختلف من ماليزيا لإستراليا
والعفش بشكل اكيد يبين وقت ماتحجز يطلع لك الوزن المسموح لكن بالعاده 25 كيلو
وعدد القطع برضه يحدد علي حسب الوجهه وبالعاده قطعتين ولكن اكثر قطعه ماتتعدي 32 كيلو
حتي لو العفش المسموح 25 كيلو وتدفع الفرق بس اهم شي القطعه الواحده ماتتعدي 32 كيلو
2- ترانزيت 30 ساعه اكثر من يوم كامل وفيه فندق ممتاز في المطار ولكن اشوف انك تستغله
وعندك خيار تسكن في سيلانقور الصن واي لاقون او بورت ديكسون إذا تبي تجرب فندق ببركة
سباحه خاصه داخل الغرفه كتغيير روتين و تجديد نشاط لمواصلة السفر لإستراليا
فيه خيارات كثير قريبه من المطار وافضلها مثل ماقلت لك سيلانقور او بورت ديكسون
3- بالنسبه لشحن العفش مباشره ما يصير لأن الخطوط تختلف بتروح علي السعوديه إلي ماليزيا
ثم من ماليزيا إلي إستراليا علي الماليزيه فشي طبيعي العفش ينزل بكوالالمبور
وعندك حلين انك تحجز من السعوديه لماليزيا علي الماليزيه والمواصله علي الماليزيه افضل واريح لك
او انك تسافر علي الإماراتيه بس بيزيد عندك ترانزيت في دبي بس ممكن تواصل من دبي لإستراليا مباشره
4- اللي أعرف ان الماليزيه و غيرها ماعاد فيه حجز إنتظار يا أكيد او مافيه ولكن ممكن تكلمهم في جده
او الدمام ورقمهم في جده 026670011 او 026635879 والدمام 038091089
5- أعتقد لا لأن الترانزيت المواصله علي خطوط ثانيه اللي هي الماليزيه
فبتكون رحلتك علي السعوديه خط نهائي ماهو ترانزيت
انا جاوبت علي حسب مافهمت من اسألتك ان رحلتك لماليزيا علي السعوديه
ورحلتك المواصله من ماليزيا لإستراليا علي الخطوط الماليزيه

اشكرك يا اخي zazaz
على سرعة ردك وتجاوبك
صحيح زي اللي انت فهمت نفس خط السير
انا اخذت التذاكر خلاص
مكتوب التذكرة الرحلة على السعودية 50 كيلو
اما الماليزية مكتوب قطعة واحدة فما ادري كم راح يكون الوزن
وحجزي عن طريق مكتب الخطوط السعودية هم اللي وفروا لي الماليزية

إجابات خبيرنا zazaz كافية ووافية
أما عند تجربة مشابهة لتجربتك فليس لدي تجربة مشابهة
وبالنسبة للوزن على الماليزية ارفع عليهم السماعة وإسألهم وراج تلقى الجواب الأكيد
وبالتوفيق إن شاء الله