S30000D
05-04-2022 - 12:19 am
مساكم الله بالخير ..
انا ان شاء الله طالع امريكا الاسبوع الجاي بأذنه تعالي ..
وراح تكون الرحله سياحيه ابتداءا من نيويورك .. وانتهاءا بكاليفورنيا سان فرانسيسكو ..
لكن الكثير يحذرني ويقول انتبه من الحراميه والنشالين .. يكون معاهم سكاكين ويقول لك عطني البوك والساعه وفلوسك .. انا ادري ان هالامور تصير عندنا في السعوديه ..
لكن هل هي بكثره في امريكا ؟؟ ..
وهل الواحد لازم حذر بشده من هالامور ؟؟ ..
واي الولايات الي مشاكلها كثيره ؟؟
وهل هو امان ان والواحد يتمشى في الليل بعد الساعه 8 ولا خطر وما يجوز .. ؟؟
عموما الي عنده اي معلومات مفيده اتمنى انه ما يبخل علينا بأي شي
ويعطيكم الف عافيه
أخوي سعود ( إن كاني ما ني غلطان !! )
مثل ما تفضلت السرقة ممكن تكون حتى بلدك ... عالعموم لاتقلق كثير من هالأمور بس خلك حريص
لا تستخدم الكاش كثير ( قد تضطر لاستخدامه .. ما يخالف بس ابعد عن العملة القوية كالمية دولار وطالع )
لا تمشي منفردا في الممرات الضيقه ( لاختصار الطريق أو ماشابه ذلك )
لا تمشي في الأماكن العامة ( في وقت متأخر من الليل ... أنا بالنسبة لي فوق 10 مساءا وقت متأخر ) وجهة نظري الشخصية
وسلامتك يالغالي .. توكل على الله واستودع نفسك ( فهو خير الحافظين ... التوكل على الله مع فعل الأسباب .. الأذكار والأورده كفيله بحفظك أنت ومن معك بإذن الله )
ولاتدع هذا الموضوع يؤثر فيك كثيرا .... انبسط ووسع صدرك فأمريكا بلد يستحق حقا الزياره
دعواتي لك أخي وجميع المسافرين أن يحفظكم الله جميعا أينما كنتم .. ويعيدكم إلى أحبابكم سالمين غانمين