والله يااختي كاس عسل ممكن تلاقين الاقمشة الرخيصة في سوق الجملة بجانب سوق الذهب وايضا سوق السور في الشارجة ..
لكن اذا تبين اقمشة حلوه واسعارها مابين المناسب والغالي بتلاقينها في البستان ومركز المنال ..

أقمشه حراير روعه بس غاليه شوي
محلات شارع الرقه للأقمشه .............. ومركز الغرير
محلات (( الكلف )) اللي يبيعون التدخيلات بالامتار
محل كيوتو في شارع الرقه بس مو بالجمله وتدخيلاته حلوه
وإذا تحبون القطع الهنديه الغريبه...دايما يستخدمونها للجلابيات .. والفساتين أيضا
سوق مينا بازار
عموما سوق مرشد مختص بالجمله والمفرق...وفيه كل شي

مرحبا اختي
اذا بغيتي اسعار ارخص من المراكز عندج
السوق الكويتي وله اسم ثاني بس ناسيه شو هو! وهو جنب سوق نايف
وبعد هناك محلات متفرقه تبيع الاقمشه يمكن تلقين شي بسيط لانه الاسعار رخيصه بس بالخياطه والموديل يمكن يطلع سمبل وحلو
ومثل ما قالوا الخوات القطع الراقيه في المراكز مثل البستان..الغرير الطابق الثاني..المنال..شارع الرقه..ومحل ياسمين في شارع الضيافه..
اما محلات الكلف
اعتقد بتلاقين عند الوشيعه (موجود في مركز بن بطوطه..ومركز وافي) بس اسعارهم مرتفعه شوي
في بعد ورا سوق الذهب في ديره فى مكان يسمونه سوق الجمله في كم محل يبيعون الكلف اعتقد مب متأكده واكيد بيكون ارخص بوايد
والسموحه

مينا بازار في بر دبي وهو سوق جملة
اما نصيحتي ان تؤجل السفرة الى ان تبدا فعاليات المهرجان
حتى تتمكن من زيارة القرية العالمية
والتي ستكون فرصة مناسبة لشراء الاقمشة الجديدة والمميزة والرخيصة نوعا ما
خصوصا في القرية الهندية والباكستانية والصينية والفيتنامية
وكثير من القرى تعرض اقمشة رائعة .