السلام عليكم ورحمة الله وبركاته ::
هلا والله اخوي حمود ..والله ييسرلكم سفرتكم .
ما شاء الله اختيار جيد لمحطة الوصول والمغادرة .
على فكرة ..ماهي وسيلة التنقل ..سيارة ولا قطارات ؟؟
والمخطط المقترح لمدة 12 يوم كالتالي:
ميلان يومين
انترلكن خمسة ايام
باريس ثلاثة ايام
جنيف يومين .
الفيزا تطلع من الدولة الاكثر اقامة ..يعني على المخطط اللي فوق..ايطاليا يومين سويسرا سبعة ..فرنسا ثلاثة .
يعني من السويسرية .
وبالتوفيق

هلا اخوي ميدو بالنسبة للتنقل راح يكون بالسيارة علشان كذا توزيع الايام على اكثر من مدينتين في سويسرا
مثلا كل مدينة يومين والمشورة لك طبعا مع الشكر والتقدير

ما قصر اخوي ميدو
لاكن وجهة نظري ان تحذف باريس لأنها جدا صعب الوصول لها بالحيل بعيدة ومدة الرحلة جدا قصيرة
لو خليت 3 ايام ميلان يوم منها تزور فينيسيا
وبالقطار تتوجة لوقانو يمكن اقل من ساعة وتستاجر منها السيارة وتقدر تاخذ فيها يوم
وبعد كذا تنتقل لانترلاكن وتاخذ فيها 5 ايام
والمحطة الأخيرة راح تكون جنيف 3 ايام وتسلم فيها السيارة

اخوي ابو حنونه اولا الف شكر لتكرمك والرد ولا يهون اخوي ميدو
بالنسبة لباريس بروح طيران داخلي مدة ساعة وشوي عن طريق جنيف اذا ضبط التخطيط
فينيسيا كيف اروح لها وهل يكفي يوم

بالنسبة لفينيسيا تنتقل لها عن طريق القطار اقل من ثلاث ساعات
ونهار واحد يكفيها لأن الفنادق فيها غالية والجو حار والزحمة ماهي طبيعية
واذا ملزم على باريس يسير الجدول
3 ايام ميلان
وتوجة الى لوغانو وتستاجر سيارة ومنها الى انترلاكن
وتاخذ فيها4 ايام
وتوجة الى بيرن وتسلم السيارة وتحجز على طيران ايزي جت
الذهاب من بيرن والعودة الى جنيف اخترت الذهاب من بيرن لأنها قريبة من انترلاكن
وتاخذ في باريس 3 ايام وترجع من مطار اورلي في باريس لجنيف وتقضي فيها اليومين الأخيرة
واذا ناسبك المخطط علمني لجل اشوفلك الحجوزات لباريسعن طريق ايزي جت

هلا ابوحنونه برنامجك جداً ممتاز بس افكر الغي فينيسيا واكتفي بيومين في ميلان ويوم في لوقانو بعدين استأجر سيارة منها الى انترلكن 5ايام وبعدين اسلم السيارة في بيرن ومنها الى باريس 3 ليالي والعودة الى جنيف بس المطار اللي تقول عنه في باريس بعيد عن المدينة او اقرب من شارل ديجول وهل فيه مترو ام لا

والله فينيسا لو انلغت مافية ذيك المشكلة وممكن يكون اريح
بالنسبة لبيرن اعتقد انو مافيها رحلات من بيرن الى باريس
شيكت اليوم على طيران ايزي جت ووجدت انو ما في خط طيران
من بيرن لباريس فالحل هو ان تتوجة الى جنيف ومن هناك الى باريس
ولقيت عروض ما تتصدق من جنيف لباريس يمكن الشخص 100 ريال
بالنسبة لمطار اورلي في اطراف باريس وطيران ايزي جت ما ينزل الى فية لأن لهم صالة خاصة فية
نصيحة مني اذا جيت رايح للمطار خذ تاكسي ولو كان ازود الصيف اللي فات راحت علي رحلة
كلة عشان توجهت للمطار بالمترو وعطني التواريخ يسير اشيك لك الطيران

اتعبتك معي ابوحنونه عزالله انك ماقصرت بالنسبة للتواريخ
الذهاب يوم 26 - 6 الاربعاء الساعة 7 صباحا الوصول لمطار ميلان
العودة من جنيف يوم 8 - 7 الاثنين الساعة 3 مساء
وحسب ترتيبك الذهاب لباريس راح يكون في تاريخ 4 - 7
الخميس والعودة من باريس لجنيف الاحد 7 - 7
والمغادرة للوطن الاثنين 8 - 7
حصلت حجز من جنيف لباريس على الفرنسية ذهاب وعودة طبعا بحدود 500 للشخص مطار شارل الشكر دائماً لك ابوحنونه

ماش تعب الله يعطيك العافية
شيكت على طيران ايزي جت وجدتها مرة غالية حدود 600 للشخص روحه ورجعة
فخليك على الفرنسية افضل واحجز عليها من بيرن الى باريس لأن بيرن لانترلاكن يمكن اقل من ساعة