- الاسأله :
- في التنقل من محطه القطار الى الفندق والعكس ؟
- 2) الخروج من لوزان والتوجه الى انترلاكن
- 3 ) الخروج من انترلاكن والتوجه الى ايطاليا وبالتحديد فينيسيا
السلام عليكم ورحمه الله وبركاته
بعد الصولات والجولات في المنتدى والاسأله اللي ما تخلص مع العذر طبعا .. ولانها اول مره اروح اوروبا وبشهر عسل فأكيد كلكم عارفين ان الشئ في بدايته صعب ..
عموما هذي الاسأله الاهم اللي واجهتها واحتاج اجابه دقيقه ومضمونه علشان ادونها في مدونه احملها وياي في الرحله وتكون مرجع لي في حال حبيت استرجع معلوماتي ..
الرحله الى سويسرا تكون تحديدا ليلتين لوزان وليلتين انترلاكن ..
ادري طولت .. ندخل في المهم .. الاسأله :1 ) الوصول الى مطار زيورخ ( ZRH - Zurich Airport, Terminal M ) راح انزل من المطار وانطلق بعدها مباشره الى لوزان.
الاسأله :
- قرأت ان لازم اختم السويس باس اللي عندي من شباك التذاكر .. هل هذا صحيح .. وهل عليه رسوم معينه والا يكون مجانا ؟ لو نسيت وما ختمتها شنو لازم اسوي ؟
- هل في قطار قريب من المطار ياخذني دايركت الى لوزان والا لازم اروح محطه قطار بعيده عن المطار ؟
- ما هو اسم محطه القطار ؟ واي خط اسلكه ؟ وهل في توقف وتبديل القطار والا نفس القطار ما انزل منه الا في محطه لوزان ؟
وشنو اسم محطه لوزان القريبه من فندق ( NH Luzern ) ؟ وهل اقدر اروح للفندق من المحطه مشي والا لازم تاكسي ؟ وهي في طريقه استفيد من السويس باس اللي عندي
في التنقل من محطه القطار الى الفندق والعكس ؟
- شلون اعرف ان هذي هي المحطه المقصوده عشان انزل فيها ؟ هي في القطار في تعليمات عن اسماء المحطات القادمه ؟
- التخطيط لرحله واحده فقط وهي قطار الشوكولاه نظرا لضيق الوقت ( ليلتين فقط ) ، شلون احجز للقطار ؟ وشلون اعرف ان هذا هو قطار الشوكولاه والا لا ؟
هل في تخفيض على الرحله لو كنت املك السويس باس درجه ثانيه ؟ وكم تكلفه الرحله ؟
2) الخروج من لوزان والتوجه الى انترلاكن
- ما هو اسم اقرب محطه قطار تأخذني من فندق ( NH Luzern ) الى انترلاكن مباشره ؟
- هل القطار يأخذني مباشره الى انترلاكن والا لازم انزل من القطار واركب قطار ثاني ؟ او ان نفس القطار ما انزل لين ما اوصل انترلاكن ؟
- اقرب محطه قطار الى فندق ( Weisses Kreuz ) ؟ وهل اقدر اروح للفندق من المحطه مشي والا لازم تاكسي ؟ وهي في طريقه استفيد من السويس باس اللي عندي
في التنقل من محطه القطار الى الفندق والعكس ؟
- التخطيط لرحله واحده فقط وهي جبل قمه اوروبا ( Top of Europe ) نظرا لضيق الوقت ( ليلتين فقط ) ، شلون احجز للرحله ؟ وشلون اعرف ان هذي هي الرحله ؟
هل الحجز من الفندق ممكن ؟ هل يوجد تخفيض لو كنت احمل السويس باس درجه ثانيه ؟ وكم تكون التكلفه ؟
3 ) الخروج من انترلاكن والتوجه الى ايطاليا وبالتحديد فينيسيا
- ما هو اسم اقرب محطه قطار من فندق ( Weisses Kreuz ) استطيع من خلالها الانطلاق في الرحله الى ايطاليا وبالتحديد فينيسيا ؟
- ما هو اسم آخر محطه قطار في سويسرا قبل الانطلاق الى ايطاليا ؟
يعني ابغي استفسد من السويس باس الى آخر يوم وآخر لحظه لي في سويسرا فأبغي اعرف التذكره اللي راح اقطعها من اي محطه ؟ وهي المحطه اللي توديني دايركت الى فينيسيا ؟
وكم محطه راح اوقف فيها ؟ وهل لازم ابدل القطار والا القطار نفسه ما انزل منه الا لين اوصل فينيسيا ؟
السؤال الاهم : شلون اعرف ان الاكل حلال والا حرام ؟ وشلون اقدر اتأكد خلو الاكل من الخمر ؟ يعني بمعنى اصح شلون اقدر آكل اكل وانا مطمأن ؟ وحتى الحلويات مثل الكاكو شلون اقدر اتأكد من حلالها من حرامها ؟
هذا تقريبا اهم الاسأله اللي تدور في مخي واللي اذا حصلت جواب دقيق وواضح لها راح ارتاح نفسيا ههه ..
وشكرا جزيلا ..
جزاكم الله خير