السلام عليكم ورحمه الله وبركاته
في البدايه ماعندي طاري سفره ابدا هالسنه
المهم كنت انا وخويي نتمشى قال ياولد ماتبي نروح تايلند
قلت والله انه فكره ماهيب شينه
قلت له اسفط عند مكتب فرناس ويلبق وننزل عند ابو هنود
صديق انا يبغى سافر تايلند
طبعا مانعرف نحتسي انجليزي ابد يعني من جنب القده
المهم يطقطق بالكنبيوتر حقه قال فل مليان
قلت صديق شوف هنا هنا اثنين نفر بس وطقطق ابن الحلال قال فيه اوكي ابو ظبي بانكوك
قلنا زين
بس وش يودينا لبوظبي صديق قال يجي اثنين يوم فيه اوكي
ونروح له من بكرا ونقصهن طيران الاتحاد ب 2600 ريال يابلاش والله
طبعا ياجماعه الخير مانعرف شين ابد لا انكليزي ولا تايلندي
يعني مثل الدبش
وانا كل يوم بالمنتدى اكتب اسامي مدن وفنادق وجزر
طبعا رحلتي 23 يوم بالتمام والكمال
ولا ادري وين نروح بتايا اول شي
شنغ ماي مدري راي
بوكت مدري فوكت
انا بكل صراحه اخاف من طيراتهم الداخليه
ودي اتنقل بقطر او سياره بشرط المده ماتتجاوز 3 ساعات بين كل منصقه
وهل احجز للفنادق من هنا ويكون ارخص علي او من هناك
وودي بفناق او شقق يكون في انتر نت دي اس ال مجانا