الشاااامل
10-06-2022 - 05:03 am
السلام عليكم
الاخ حدي مصر شاكر لك تعاونك ولو سمحت ممكن تفيدني
حنا ثلاثة رحلتنا لسريلانكا يوم العيد الاقلاع الساعة العاشرة مساء
يعني الوصول تقريبا 4 الفجر هل بتكون المكاتب مقفلة؟ مثل Keerthi De Silva وعبدالعزيز وزهران وغيرهم؟ وهل من الافضل نروح لفندق نريح فيه ونرجع للمطار في اليوم الثاني عشان نحجز. لاننا ما راح نراسلهم من هنا بنروح وبنضبط امورنا هناك على رواقه ، واذا كان كذا وش اقرب فندق للمطار نروح ننام فيه عشان نرجع للمطار ثاني يوم؟ وهل يقدرون المكاتب وخصوصا كيرثي يضبطون لنا مع برنامج سريلانكا برنامج لجزر المالديف ويحجزون لنا طيران؟ مع العلم بان رحلتنا 15 يوم.
ورايكم في هالترتيب للمناطق اللي ناوين نزورها :
نوجومبو
دامبولا
كاندي
نورليا
بوريالا
بنتوته
كولومبو
جزر المالديف
كولومبو - الرياض
احس انها صارت كثيره وش نحذف منها ؟ وهل ترتيبها كذا صحيح؟ او الصحيح بنتوته قبل بوريالا
، ولكم الشكر والتحية
الشامل
حياك الله اخوي
انا وصولي كان تقريبا الساعه 5 الفجر و المكاتب كلها فاتحه وعبدالعزيز (مدير المكتب) براسه استقبلني...لانك لازم تحط ببالك شغله اذا فيه رحله توصل لكولومبو من اي مطار لازم ناس تكون موجوده تستقبل السياح وتظبط امورهم و اللي اعرفه ان اغلب الرحلات توصل مابين الساعه 4 الفجر الى 10 الصباح فتطمن ان شاءالله بتحصلهمانصحك اول ماتنزل من الطياره ضبط امورك مباشره معهم لانك ماتقدر تدخل المطار مره ثانيه عشان تقابلهم...ضبط امورك من المطار وريح بالك...عموما مجرد ماتتفق مع مكتب بيقول لك اسكن ليله في كولومبو او نوجومبو وبيجيك من صبح يوم ثاني وتتفقون على شيء زي ماصار لكثير من الخبراء و الاعضاء فا البوابه
با النسبة للمالديف اعتذر ماعندي خبر بس تقدر تكلمهم وتسالهم با النسبة للمالديف
با النسبة للبرنامج خله على النحو التالي
نوجومبو (كولومبو) ليله تريح فيها الفنادق: اما سينامون جراند او الجالداري في كولوبمو او نوجومبو بيتش في نوقومبو
دامبولا ليلتين في الامايا لاك (اطلب غرفه كلوب وليس ايكو) Club Vilage
كاندي ثلاث ليالي ليله الهوناس فالز و ليلتين الايرلز ريجنسي
نورياليا ليلتين الجراند (جولف وينج)
بنتوته ليلتين التاج اكزوتيكا
كولومبو ليله سينامون جراند او جالداري او تاج سامودرا
المالديف ثم العوده لكولومبو و المسافره منها الى بلدك
احذف بورياليا لانها قريبه من بنتوته ومافيها شيء مميز حتى فندق عدن اللي مميز في بورياليا كثير يذمونه واعتقد بنتوته تفي با الغرض
رحله موفقه