VARANGUE SUR MORNE وهو من أحد المطاعم الجميلة جدا نظرا لموقعه الشهير و جودة أطباقه و يمكن الوصول له عن طريق السيارة او الهيليكوبتر و يتطلب حجز مسبق و يقع في الجنوب الغربي في منطقة البلاك ريفير
Tel: +230 483.60.10

لا كابيتان : مطعم للأسماك و المأكولات البحرية و الطبق الشهير هو (ميكس سي بلاتير) مع الأرز الأبيض كما يقدم المطعم البرياني (لحم أو دجاج)

منقول من موضوع مشرفنا أبو عزيز
والفنادق هناك كثيره وكل فندق في مطعمين أو ثلاثه

حياك الله اخوي
انا سكنت بنفس الفندقين
الاكل بالاوتيلين بوفيه مو مقبول وبس الا يهبل
الهيلتون بالنسبه لي فطوره احلى وبيل مار عشاه احلى
فيه كورنر بالبيل مار حق باستا تختار اي نوع وهو يطبخها لك قدامك(يمي)
بعدين مو انت تختار المطعم لا
فيه مطعم مخصص للفطور والعشا هو نفسه اللي تاكل فيه كل يوم
وهم لما تسوي التشيك ان يعلمونك مكانه
وكلهم فيهم اكل حلال بس مو كل شي طبعا لأنك بتلقى ورقه صغيره بجنب كل طبق حاطين اسم الاكله
وطبعا اذا كان فيها خنزير بيصيرون كاتبين
وعموما لو زوجتك محجبه فالعاملين هم اللي بينبهونا للاكل اللي فيه خنزير او خمور
لأنه هذا اللي صار معاي عشاني محجبه
وبعدين الجلسات حلوه ورومانسيه يعني تصلح للعرسان بس اختاروا مكان بعيد يعني عالاطراف
عموما الاكل متعه بموريشوس والله

بالنسبة لي جربت اكل الهيلتون كان عالمي
كل يوم بوفيه شكل مرة شرقي (لبناني) ومرة هندي ومرة ايطالي يعني العشاء مافيه كلام حتى الفطور
تلاقي حتى الشكشوكة
ولا تقدر تغير المطعم انت ملزم بالمطعم اللي في حجزك الهاف بورد

Missy والفهد
أشكركم على ردودكم
فرحتوني وطمنتوني
الله يوفقنا واياكم

طيب اخوي سؤال
انت ماخذ هوني مون باكج؟
لأنهم يسوون لك عشاء رومنسي اذا انت ماخذ هالباكج
ويسوون لك حركات تجن زي الورد المنثور وزي كذا
عشان تكشخ عند عروستك

الاخت ميسي
لا الي أخذته ما اظنه هوني مون باكج
أنا أخذت العرض من طيران الامارات
7 ليال في موريشوس
4 في الهيلتون و3 في البيل مار بلاج
شامل فطور+عشاء
والتوصيل من وإلى المطار بسيارة خاصة
وكلفني هذا العرض 14600 تذاكر وسكن وتوصيل
هل هذا العرض كويس؟ وكيف آخذ الخدمات حقت الهوني موون؟؟
بصراحة ودي بها اذا كانت رومانسية وحلووه
في انتظار اجابتك
ومشكور مقدماً

حنا نفس الشي خذينا الباكج من الامارات للعطلات
بس قاللهم زوجي انه هني مون يعني مافي زياده فلوس ولا شي
بس عطهم خبر وتأكد انهم كاتبين كذا بالفوتشرات اللي يعطونك اياها وتأكد انهم معلمين الاوتيلات
وراح يسوون لك حركات رومانسيه ومره حلوه
مثلا ترحيب فيكم بالغرفه بكروت مثلا
ويحطون لكم بتلات ورد بالحمام الله يكرمك
ويسوون لك واحد من الاوتيلات عشاء رومانسي على ضوء الشموع يكون بمكان سبيشل مثلا جنب المسبح
ايه وبالطياره يجيبون لكم كيكه مكتوب عليها مبروك
حنا لخبطوا وجابوا لنا كيكه مكتوب عليها هابي بيرثداي
بس نصيحه لازم تاخذ الهني مون باكج مره رايق

يعطيك العافية
أنا إن شاء الله بمر طيران الامارات وبأكد هليهم يحطون هالأشياء
سؤال: وش تنصحين فيه.. هل أروح مع قرووب سياحي في التنقلات ولا أستأجر سيارة خاصة.
أيضاً وش أفضل الأنشطة الممتعة وإلي تنصحين فيها ؟ أحس ان بعض النشاطات صعب اني أمارسها أنا وزوجتي مثل الغوص أو الدبابات أو السباحة (لعدم وجود الخصوصية) ... فإيش الأشياء الي تنصحين اني ما أفوتها..
معليش طولت عليك في الأسئلة.. وعقبال ما أخدمكم في المستقبل..
تحياتي....