الرياض مدينة رائعة بما تحمل من معنى
لكن للأسف .. زياراتي لها كانت لسويعات فقط ..
الزيارة الاولى كانت لمدة 3 ساعات ..
الزيارة الثانية والأخيرة الي كانت في رمضان الفائت كانت لمدة ( 16 ساعة تقريباً ) ..
وأن شاء الله الزيارة الثالثة .. بتكون لمدة أطول من كذا أن شاء الله ..

والله فعلا الناصر المطاعم في الرياض لا يمكن إحصائها
عندك سلسة مطاعم السعودي عمو حمزة ماما نورة يامال الشام داجن
والكثير الكثير شوف كم مطعم في العليا في الضباب التحلية الامير عبدالله المطار القديم
غريب انتشار المطاعم في الرياض غريب جدا

بصراحة المطاعم غالبة اللي بالرياض لها فروع متعددة في كل مدينة
ومن ذلك أعجبني مطعم دارين طريق الأمير عبدالله
أو المطاعم الصينية بالعلياء خلف حراج الكمبيوتر
ومن أشهر مطاعم المثلوثة للي يحبون الثقيل الهدوج أعرف فرع حي الريان
أو السعودي له عدة فروع منها امتداد شارع التخصصي قبل اليورمارشية
مطاعم الوجبات السريعة ماما نوره
مطاعم شعبيات والفول مطاعم القرموشي
وفيه مطعم البطريق سمعت عنه بطريق الملك فهد يمدحونه
وأخيرا المشويات عندك الحراق مرة أكلت من الباكستانية شارع الشميسي ومرضت يومين بسبة الشطة أو الحبحر حسبي عليهم
النابغة3

اخوي الناصر لا يفوتك المطعم المكسيكي المقابل لوكالة جاكوار اللي بالتحلية وخذلك باييلا و مطبق المكسيكان يقرمش وبتدعيلي
ومن بكرا روح للمطعم الهندي " مكاني " قريب من شارع السليمانية رخيص وممتاز وسلملي على الفلفل ...
وبعده روح لزيت وزعتر وخذلك شاورما لحم وزدها ساندوتش دجاج مكسيكية مع حمص باللحم ... ولا تآخذ البيبسي الكبير تراه يتعب وهو ماخلص ...
كل اكلاتي يبيلها تفسير أكمام وشيل الشماغ وبالهنا والعافيه

مطعم أسماك النافوره
مطعم جديد بطريق الملك عبدالعزيز وبالقرب من مركز فال
مطعم رائع جداً وهو تابع لمطاعم النافوره
عندهم الجمبري الجامبو حجمه كبير أكبر من حجم القطو شوي
لا يفوتكم بس تراه غويلي

بالنسبه للمطاعم المندى
لا يفوتك مطعم السعيد للمندي في الصناعيه
صحيح انه بعيد بس عليه مندي شي
والمثلوثه
جرب مثلوثة الرومانسيه في حي العقيق على طريق الملك فهد
والأكلات الشاميه
جرب مطاعم العجمي المنتشره فروعه في شارع الثلاثين والتخصصي والأمير عبدالله وطريق الستين
ومطعم أبوكمال الشهير في شارع الثلاثين
والأكلات التركيه
جرب مطاعم الفخار في شارع الثلاثين المزرعه
ومطعم السرايا التركي بشارع الثلاثين العليا
وبالنسبه للمشويات
فيه مطعم مشويات عراقي
أسمه
درة الرافدين
في شارع الأمير عبدالله ومقابل لماما نوره
ولهم فرع جديد في شارع التخصصي تقاطع الأمير عبدالله ومقابل مطعم هليون
وبالنسبه للهندي
مكاني مثل ما قال ياماس
ومطعم أفاد في التحليه
ومطعم مرحبا في العليا

اخوي ابو محمد اشكرك على المرور ان شاء الله تزور الرياض وتطول فيه وتتمتع بمطاعمها واسواقها وناسها الطيبيين
اشكرك يا بدون ملامح ان شاء الله الزياره الجايه لرياض بنعرج على عمو حمزه وماما نور اشكرك
اخوي النابغه 3 شكلك من اهل الرياض ماشاء الله عليك على المعلومات
المنجمنت حق المنتدى اليا مس اشكرك على المعلومه.
اخوي المهاجر يعطيك العافيه على اثراء الموضوع بهذا الكم من المعلومات اشكركم جميعا الناصر