تلقاها الله يسلمك في البطحاء مليانه .
او اماكن الحوالات السريعه لانهم يبدلون عملات .

لاهنت ياغالي
متى مواعيدهم اللي بالبطحاء
وهل عندك خلفية كم يحولون لك الريال السعودي الى درهم اماراتي
يعني المية ريال كم يصرفونها لك اماراتي

يارجال وش بطحته الي يسلمك ام الحمام اذا خليت مسجد الملك خالد على يمينك بتل شوي لين يجيك على اليمين بنك الراجحي تحت بنك والدور الي فوق كله حوالات ولا فيه زحمه مره انا دايم هناك البطحاء بعيده وانا اخوك ودواماتهم الظاهر زي البنوك اتوقع اما بنسبه لدرهم هم عاده يكون عندهم كل شي دولار يورو باند يعني جنيه استليني دينار كويتي وبحريني ودرهم وزي كذا من عملات توكل على الله بس انتبه ترا البنوك اخر يوم دومات بكره الاربعاء 26رمضان لين بعد العيد فالحق

عندك المطار 24 ساعةعمل
يصرف بس اغلى شوي من البطحاء

اذا كان المبلغ كبير رح اصرفه من البطحا تحصلهم على يمينك و انت متجه من الجنوب للشمال تحت كبري البطحا
ولانه راح يطلع معك الفرق عن صرافة البنوك في صالحك
وانتبه من الحراميه !!!! بالبطحا
اما لو كان المبلغ صغير رح اي حقين التحويل السريع بتحصل عندهم ان شاء الله
وبالتوفيق

BaDeR.f
هلا BaDeR.f ... يا أخوك وش لك و الدوخة و وجع الرأس ... و تروح البطحاء !! في هالزحمات و الأيام عاد الناس كلها في الأسواق ...
شف كانك تبي تصرف علشان سفرة الأمارات ... خذها مني .. أصرف من دبي و ريح عمرك و الله ما تفرق كثير
سعر الصرف تقريباً ثابت في كل مكان و هو كالتالي:
ال 1000 ريال سعودي بتصرفه ما بين 980 - 975 درهم يعني ما أتعقد إنك بتحصل أرخص من كذا
أنا كنت بدبي قبل شهر .. وما أخذ معاي كاش سعودي و صرفته من هناك من المولات ... بكل سهولة
و تقدر بعد تسحب من الصرافات من حسابك مباشرة .. لا تشيل هم الصرف تراك بدبي ...وسع صدرك

البطحاء أفضل لك من ناحية سعر الصرف

يالب قلوبكم ياغالين
افدتوني جعل اميماتكم بالفردوس الاعلى عقب عمرن طويل

أصرف من دبي و ريح عمرك و الله ما تفرق كثير
سعر الصرف تقريباً ثابت في كل مكان و هو كالتالي:
ال 1000 ريال سعودي بتصرفه ما بين 980 - 975 درهم يعني ما أتعقد إنك بتحصل أرخص من كذا
كلام الأخ الراهي 100% هاذا في حالة أنك بتسافر
اما إذا كانت الدراهم معك هنا وبتصرفها فإنه يعتمد
حسب المبلغ إذا كبير ضروري تقارن أكثر من محل
وبعدها تشوف سعر الراجحي .
عندك المطار 24 ساعةعمل
يصرف بس اغلى شوي من البطحاء
أسمح لي أخي الكريم فرع الرجحي بالمطار
الفرق مهول وكبير جدآ يعني على الأقل في زيادة
0الى 40 % عن سعر الراجحي في فروعة العادية