um_nono
25-08-2022 - 10:27 pm
السلام عليكم ورحمة الله وبركاته..
بغيت استفسر منكم عن افضل وقت للذهاب الى كوانزو للتأثيث في هالفترة وقبل شهر 3 (مارس).. بحيث انه ما يكون في وقت فيه مهرجانات او مناسبات او معارض عشان نحصل فنادق وما يكون التنقل صعب والاسعار غالية ..
متى تنصحوني اسير .. علما بان بيتي بيجهز ان شاء الله بعد شهر ونص تقريبا (قولوا امين) .. وكم المدة اللي تاخذها المصانع عشان التصنيع وبعدها الشحن .. يعني كم يبالها عشان توصل الامارات (فترة التصنيع والشحن للامارات)؟؟
ومشكورين ما تقصرون ..
وانا في انتظار ردكم ..
حيا الله اهل الامارات كلهم
وان شاء الله يكون منزلك منزل الرزق وسكن العافية يارب اللهم امين
بالنسبة للمناسبات الصينية فهي كالتالي
Jan 1-3, 2011
February 3-8, 2011
April 3-5, 2011
May 1-3, 2011
June 4-6, 2011
September 10-12, 2011
October 1-7, 2011
هذه جميع المناسبات الصينية للسنة القادمة 2011 ولو تلاحظ عندك شهر فبراير 5 ايام واكتوبر 6 ايام وهم اكثر شي اما الباقي مجرد يومين فقط
حاول تنسق سفرتك على هذا الاساس
وبالنسبة لأسعار الأثاث مااعتقد انه تغلى عند المناسبات لأنه انا توي مشتري أثاث في وقت الالعاب الاولمبية واسعاره كما هي ما زادت ولكن الفنادق زادت اسعارها
وللمعلومية انت ماراح تتعامل مع مصانع لأن الكمية اللي بتاخذها قليلة وراح تشتريها من محلات الاثاث في سوق فوشان شنده ومعظمهم يحتاج الى يومين او اربعة ايام لتجهيز طلبك هذا ان لم يكن جاهز بالمستودعات لديهم
اما لو عندك موديل معين وحاب انهم يفصلونه لك طبعا راح تحتاج وقت اطول وطلب كمية اكبر
بالنسبة للشحن الى دبي من جوانزوا تقريبا تحتاج الى 20 يوم
هذا من وجهة نظري الشخصية واترك المساحة للخبراء يفيدوك اكثر
تقبل مروري وربنا يوفقك
تحياتي