وعليكم السلام ورحمة الله وبركاته
اول شئ من ناحية الكتاب ماعندي علم فيه ،، في كتاب ثاني الي هو Essential Grammar In Use يعلمك على
قواعد جدا ممتاز اذا حاب تشوف صوره له موجود في موضوع الاخت جود (كتب منوعة في مختلف الغات )
ومن ناحية الكتابة الصحيحة حاول تقرا كثير هذا بيرسخ صوره الجملة او الكلمه وتحاول تعرف السبيلنغ للكلمة
ومن رايي الشخصي استماع للقناة السعوديه 2 مفيده جدا لحالتك اولا نطقهم صحيح وتستطيع تفهم الكلمة

thankkkkkkkkkkkkkks i remain for you

اعتقد في القواعد اذا كانت لديك مبادئ في القواعد تستطيع بعدها ان تتعلم القواعد عن طريق الاستماع
وكثرة لمحادثة ...وتلقاك تقول القواعد بطريقة صحيحة بشكل تلقائي والله اعلم

تطوير مهارة القراءة عن طريق القراءة المستمرة اليومية ...
ابدأ في قراءة القصص القصيرة
وهذا موقع جميل به 100 قصة سهلة بالصوت والمحادثة والكلمات ايضا
http://www.rong-chang.com/qa2/
اما بالنسبة لمهارة الكتابة فالأفضل انك تكتب بشكل يومي ايضا
اكتب عن حياتك اليومية ، الرياضة ، قصص لك ، اي شيء
اذا اردت ان تتعلم أي مهارة حاول ان تفعلها بشكل يومي
بالتوفيق للجميع

ودي اتعلم بس ما عرفت يقولون لازم سفر لخاارج
عاادي يا حسره هذي صعبه

السلام عليكم ورحمة الله
نصيحة لك ولكل من يرغب تعلم اللغة الانجليزية او أي لغة اجنبية من شخص مجرب وجربت هالخطة على اكثر من شخص والحمدلله نجحت بتفوق.
اولا لازم تكون متأكد ان اطلق معهد او اطلق مدرس مستحيل يعلمك لغة انجليزية اذا لم تبذل جهد في التعلم
المفردات اهم شىء مستحيل تتعلم لغة انجليزيه بدون ما تتعلم وتحفظ الكلمات
1- ابدء برنامج لحفظ 500 الي 700 كلمة انجليزية دارجه " لو بحثت في قوقل رح تلقى ملف فيه اكثر الكلمات الدارجه "
احفظ الكلمة ومعناها مو شرط تعرف تنطقها ( لاحظ وركز على مو شرط تعرف تنطقها )
حط لك جدول يومي مثلا تاخذ لك دفتر فاضي ابو ميتين ورقه ويوميا تكتب عشرين كلمة وتعيد كتابتها لين ما تحفظها واخر اليوم تكون قادر على كتابة العشرين كلمة و كل كلمة ومعناها بالعربي
اليوم الثاني عشرين كلمة جديده واليوم الثالث عشرين كلمة جديده واليوم الرابع تختبر نفسك في ستين كلمة لا تنتقل لعشرين كلمه جديده الا بعد ما تختبر نفسك في ستين كلمة وتجيبهم كلهم صح .
رح تحس اول يوم وثاني يوم وثالث يوم بصداع وطفش وملل بس لا تستسلم لان رابع يوم لو جبت في اختبار الستين كلمة 100% رح تحس بالانجاز وتحس انك تقدر تحفظ باليوم اكثر من خمسين كلمه .
بعد ما تعلمت 500 الي 700 كلمة في شهر او اقل رح تحس الحين بقوه وحب وجرائه انك تكمل المشوار
تقدر تفتح كتاب قواعد اللغة الانجليزية وتتعلم صيغة الكلام ومتى تحط الكلمات الي تعلمتهم في صيغة ماضي او مضارع او مستقبل .
لو سجلت في معهد رح تلاحظ نفسك افضل طالب ورح تتعلم القواعد ونطق الكلمات الي انت حافظها بسرعه هائله
لو عندك قدره ماليه وسافرت كندا او نيوزلاندا يبي لك بس شهرين رح يلاحظون في المعهد او العائله الي تروح لهم ان عندك كم هائل من المفردات وانك افضل طالب يمر عليهم ورح ترجع بلبل في اللغه...... لانك مارح تضيع وقتك في حفظ الكلمات رح تستغل وقتك في التحدث ونطق الكلمات بشكل صحيح .
طبعا نصيحه لا تربط نجاحك في اللغه الانجليزية بسفرك لانك ممكن تتعلم اللغه هنا .
ونصيحه اخرى لا تحس بالاحباط انك ماقدرت توصل باللغه بطلاقة الامريكان او البريطانيين لانها لغتهم الام ويستخدمون اللهجه الدارجه
يكفي من تعلمك انك تقدر تتكلم مع اي اجنبي ويفهم منك اشتبي وانت تفهم منه
بالتوفيق ا نشاء الله
و أي سؤال او استفسار انا في الخدمه.
ابو دانه

طريقتك رائعة اخوي GenTle-KSA
ياليت تنزل الملف الخاص ب 700 كلمة انجليزية في المنتدى او تعطيني رابط له ..اذا ما فيه كلافة عليك ..لأني محتاجه كثير هجري الايام ...
بحثت عن طريق قوقل باكثر من طريقة ولم اجد المطلوب ..
والشكر مقدما على تجاوبك

أخ عجيب يوجد في مكتبة جرير والعبيكان إذا كنت من سكان السعودية، كتب كثيرة تضم أكثر 500 كلمة مستخدمة في اللغة الإنجليزية، وسعر الكتاب بين (10 - 20) ريال فقط، كل يوم تعلم 50 كلمة سوف تنهي الكتاب في 10 أيام وسوف تجد الفرق واضح.

مساء الخير يااخوان احب اقولكم شي صار لي في حياتي. دخلت احد المعاهد في السعوديه الحمد الله قدمت شي كويس لكن بعدها سافرت الى خارج السعوديه تعلمت شي جبار في اللغه حسيت اني سويت شي ممتاز وجبار .معاهد اللغه الانجليزيه في السعوديه تأدي دور كويس لكن مش على المستوى المطلوب .لاني اعلمكم الاسباب التي مرت علي:
1 اول ماتخرج من المعهد في السعوديه تبغى تتكلم انجليزي ماتحصل احد تتحادث معه
2 لما تأخذ اللغه الحقيقه تأخذه من صاحب اللغه مش من شحص متعلم من اي جنسيه اخرى مثلا في نيوزلاندا حصلت ياباني يدرس اللغه الانجليزيه في معهد لغته جدا ممتازه لكن في فرق نطق الجمله والكلمه
3 اغلبية اللي يتعلم اللغه في السعوديه واللي انا شايفه يريدون يحصلون على شهاداة ولكن ليس الجميع بل فئه لتقديم على الوظايف وهذه حقيقه
4 تروح البيت وتخلص شغلك ممكن تذاكر صفحه واحده وممكن ماتذاكر تقول انا تعبان خليها بعدين
بنسبه الدراسه في الخارج من ناحيتي انا تعمت اشياء كثيره ومنها:
1 توصل الدوله ماتعرف احد غصبا عنك بتتكلم انجليزي وتحاول تبحث عن اقرب كلمه في بالك لتفهم الشخص الذي امامك
2 تبدا تتعرف على اللي في المعهد وتكون علاقات كذا تجبر نفسك على المحادثه
3 في اهتمام من المعاهد هناك وفي نفس الوقت انت تسكن مع عائله انجليزيه بتفهم كل شي
4 المحيط جنبك لا يوجد عربي فتستغل الفرصه لك والكره في مرماك
لكن في اشياء احذر طالب العلم منها وللامانه:
اول شي لا يخطلط مع عرب وعدم المحادثه معهم
كثر وحاول تكوين علاقات اجنبيه هناك
حاول تتكلم مع العائله وفي الشارع وفي كل مكان واغلط ولاتستحي .كذا تتعلم وتنبسط
نصيحه وامانه اقولها للقارئ حاول تسافر لوحدك انسى كل شي وتشوف النتائج الايجابيه
طبعا في نفس الوقت كويسه المعاهد في السعوديه بس اهم شي تكون قبل ماتسافر تأخذ الي المستوى الرابع في السعوديه وكمل هناك
طبعا في كتاب انا ادرسه اسمه فيس تو فيس .نصحني واحد كندي قالي هذا الكتاب مره جيد وتتعلم منه
ارجو اني مازاعجتكم ولكم مني الحب والاحترام كل من قراء موضوعي وارجو الدعاء لي بتوفيق في حياتي
واجمل بوسه لكم