بالنسبه للاماكن اللي تستحق الزياره من وجهة نظري هي
1-الحدائق مثل الخور والبوم
2- المولات مثل بن بطوطه ميركاتو و برجمان (بالذات القسم الجديد اعشقه كله ماركات للي يحبوا التسوق)وبالفاري او المول اللي بفندق ابراج الامارات
3- المتجعات السياحيه والفنادق زي مدينة جميرا وفندق اتلنتس النخله وفندق باب الشمس والريم
4-المطعم الثلجي
5-وايلد والدي
6- مارينا ووك

• ممكن تطلع سفاري او تطلع برحله بحريه تتعشى وانت فيها
• طبعا في الفندق اللي انت ساكن فيه ممكن تلاقي مجلات عن دبي تقول لك كل الانشطه والاماكن اللي ممكن تروحها بالتفصيل حسب اهتماماتك لان على مدار السنه ممكن تلاقي سرك انا شخصيا حضرته مرتين في اماكن مختلفه وكان جدا مميز ومصروف عليه

شارع منخول في بر دبي .. ورا برجمان بالظبط ..
شارع حيوي و فيه فنادق و مطاعم ..

شارع المنخول
فديت هالشارع كان بيتنا القديم هناك لول
اخوي هالشارع في بر دبي ويكون من تقاطع شارع خالد ابن الوليد لين دوار السطوه وفيه شقق فندقيه واايد
وما يبعد عن شارع الشيخ زايد وايد بالكثير 5 دقايق اذا مافي زحمه يعني اذا وصلت لين دوار السطوه لف يسار وروح سيده بتلقى المركز التجاري مقابلنك ولف يمين بتلقى شارع الشيخ زايد..
وبالنسبه لاهم الاماكن في دبي
المولات
امارات مول
ابن بطوطه
ميركاتو
برجمان
الستي سنتر
الفيستفال ستي
دبي اوت ليت ,,, طريق دبي العين فيه اغلب الماركات بتخفيضات تصل الى 70%
مول دبي,,, الافتتاح الشهر الياي ان شاء الله وهو اكبر مول في العالم
مول البحار في منطقة ابراج الامارات
دراقون مارت,,, سوق التنين الصيني
سوق مدينة جميرا
المارينا
خور دبي من جهة شارع السيف في منطقة بر دبي كلها مطاعم عائمه وتقدر تطلع برحله بحريه للغداء او العشاء.
الحدائق
الخور وفيها مدينة الطفل
الممزر
حديقة زعبيل
الوندر لاند,, فيها ملاهي مائيه
الولد وادي ... ملاهي مائيه

بنت الشيخ زايد
صدق من سماكي بنت زايد ماشالله تعرفين اماكن كثيره مره بس صدقيني في اشياء ماتعرفينها ثانيه وبتطلع من اخوانا الاعضاء تراهني على ذلك

جنب النافذه
هلا اخوي
اكيد اعرف اماكن كثيره مب غريبه لاني بنت دبي
وشي اكيد ما اراهنك بشي لان مهما كنت اعرف كل شي بيكون فيه حد اعرف مني
والاخوان ما بيقصرون

بنت الشيخ زايد
والنعم فيكي وفي الشيخ زايد وديرة الخير زايد
انا احب اهل الامارات وهذا الحب ما جاء من فراغ سبق ان تعرفت على ثلاث شباب امارتين في باريس وكانو اكثر من اخوان بصراح ونعم الرجال والله كانو مثل الاخوان في تعاملهم معي بصراحه وحسيت معهم باننا عائلة وحده

انا عندي استفسار
سفاري == هل تصلح للعوائل او لا ..... بعدين شلون اروح او اشترك مع سفاري اذا بغيت اروح .....بكم سعر الشخص
ومن الساعه كم نطلع ومتى نرجع .....؟؟
سؤال ثاني عن خور دبي = الاكلات اللي على البحر او الرحلات البحريه بكم السعر ااذا ممكن ..؟
شاكر ومقدر

وا
مشاري الرياض
والله ياخوي لو اعرف كان قلتلك بس ماعرف ان شالله يجي من يجاوبك
انا بعد ودي اعرف عن القطار العجيب الي يمشي في شوراع دبي بعدين ينزل في البحر ويمشي فيه