جزيره النخله الدخول لها عادي جدا ومجاني تجيها من طريق الشيخ زايد او طريق الجميره بس مافيها شي تشوفه الا فندق اتلانتس والدخول له ايضا مجاني ولكن خدمه ايقاف السياره ب 150 درهم والافضل الذهاب بتاكسي والرجوع بتاكسي اذا ما راح تسكنون في اتلانتس وفيه الاكواريوم والحديقه المائيه ومطاعم رائعه
بالنسبه للممشي ذا ووك الطريق له سهل من شارع الجميرا تخلي رويال ميراج علي يمينك والمدينه الاعلاميه يسارك وتروح علي طول وبعد الحبتور قراند فيه شارع يدخلك علي المريديان ادخل معاه وامشي علي طول وبعدين يسار وتلقي الممشا وبالتوفيق

مابزيد على الاخ بس ماتفق اتروح بالتاكسي
وقفو على جنب وامشو لين داخل

لا تروحون في ناكسي ولا توقفون على جنب ... وقفوا قدام المدخل وعطوا السيارة للموظفين وادخلوا داخل اتعشوا في مطعم اسمه (زافرون) بوفيه سي فود وانتوا طالعين عطوا كرت الموقف للمطعم بيعطوكم كرت صغير عطوه لموظف المواقف وبيكون الموقف ببلاش .

مشكورين وماقصرتم بالتاكيد انا استفد معاكم وياليتكم تكونو معاي على الخط ...
ولكم مني خالص الدعوات ...

مسائكم خير
حابة اسال عن رحلات السفاري هل تنصحون بيها وكيف نحجز فيها وهل هيا ممتعة
مع العلم احنا عائلة من ستة أفراد .....

رحلات السفاري ما انصح فيها هالأيام .. الجو ما يساعد ... السفاري تحلا في مهرجان دبي للتسوق (وقت الشتا ) .
ممكن تاخذون لكم جولة بحرية في مطعم البوم مع العشا .

وعليكم السلام ورحمة الله وبركاته
حياكم الله في داركم الثاني الإمارات
the walk بالظبط بعد مدخل جزيرة النخلة(المؤدي لفندق اتلانتس)
بوصفلك بالترتيب من ( جميرا - الصفوح ) كلهم على شارع واحد.
إذا كنتي جاية من جميرا:
برج العرب+ الوايلد وادي على يمينك
ثم سوق جميرا(فندق ميناء السلام + القصر) على يمينك
ثم فندق رويال ميراج على يمينك
ثم فندق الوستن على يمينك (اتكملين سيدة الصفوح)
مطاعم المرسى (المارينا) على يسارك، عند إشارات مبنى الإعلام
اتكملين سيدة بيجي مدخل(جسر) جزيرة النخلة على يمينك، اللوحات الإرشادية واضحة
إذا مادخلتي يمين للجزيرة وكملتي سيدة بيجي the walk (جميرا بيتش ريزيدنس)مدخلة أيضاً على اليمين بس مش واضح انتبهولة.
وأيضاً تقدرين توصلين للأماكن المذكورة عن طريق شارع الشيخ زايد.
اي سؤال ثاني نحن حاظرين
أتمنى لكم إقامة سعيدة

حاليا انا في دبي ..
وهذا رابط زيارتي للممشى + النخله
https://artravelers.com/p/re/306961
بالنسبه لرحلات السفاري .. بصراحه الجو ما يساعد . المولات والاماكن المغلقه افضل
تحياتي لك ,,,