وعليكم السلام ورحمة الله
أخوي بالنسبة عن انتقالك من المطار إلى الفندق اللي راح تسكن فيه أقرب محطة اندرقراوند له هي محطة Gloucester Road تاخذ الخط الأزرق الغامق ويسمى خط (Piccadilly) من المطار المتجه الى المحطة اللي ذكرتها لك قبل شوي اللي هي Gloucester Road
وللمناطق السياحية، هذي بعض المناطق:
شارع العرب عندك المحطات التالية Edgware Road - Marble Arch
متحف مدام توسو (متحف الشمع): المحطة: Baker Street
ساعة بق بن (مبنى البرلمان) ولندن آي ولندن اكويريم: محطة: Westminster
شارع أوكسفورد (محلات بريمارك و السلفردج): محطة: Bond streer و Marble Arch
محلات هارودز: محطة: Kinghtsbridge
جسر البرج Tower Bridge: محطة: Tower Hill
ساحة قصر بيكنغهام، حديقة سانت جيمس: محطة: St. James's Park
ساحة البيكاديلي: محطة: Piccadilly Circus
محلات هامليز: محطة: Oxford Circus
ساحة الترافلغار: محطة: Charing Cross
عالم أم أند أمز: محطة: Leicester square + Piccadilly Circus
وبالتوفيق إن شاء الله

mahmeed99
على ما انرسم لي من كلامك انو مافيه تغيير محطات من مكان سكني
التوجه مباشره من و إلى على حسب ما ذكرت لي صح؟
وبالنسبه للجو في نهاية اكتوبر بيكون بارد مره او نسبياً

ماقصر خبيرنا
ويوجد موضوع خاص بالاندرجراوند

لا يا خوي ما في تبديل بس راح تمر على محطات وايد قبل ما توصل محطتك يمكن 10 أو 11 محطة
انت قول حق موظف المحطة تبي تروح محطة Gloucester Road ومن بعدها تتبع خط البيكاديلي المتجه إلى Gloucester Road وتركب الميترو اللي راح يوديك بإذن الله لي المحطة القريبة من فندقك وراح تسمع في الميترو قبل ما توصل المحطة يذكرون اسمها ويكتبونها لك في لوحة العرض داخل الكبينه...
ولا تحاتي يا خوي ترى الأمور طيبه هناك وسهله بمجرد ما تدخل المحطة كم مره راح تتعود على طريقة الوصول للاماكن اللي تبغيها
وبالنسبة عن الجو ما عندي فكرة عن شهر أكتوبر بس بحسب ما أعرف انه بارد نسبياً
وتحياتي لك

موادع1
اخوي موادع ادري انه ما قصر ولا راح يقصر اي شخص عنده معلومه مفيده
لكن بعض الواضيع يكون الشرح فيها يبيله تفصيل
عشان كذا حددت احتياجي عشان تسهل علي
لا اكثر ,,,
السؤال هل فيه تغيير بين المحطات اقصد اغير اللون او كلامه لي دايركت
واسف على الاطاله // اتمنى اني اجابة لأسئلتي

mahmeed99
حبيب قلبي والله تسلم وماقصرت واشكرك
وكلك ذوق واسلوبك راقي وشرحك مره رائع لاعدمتك اخوي

الله يسلمك ويخليك
هذا من ذوقك يا خوي

اخونا محمد ابدع
جزاه الله خير
بالتوفيق يالغالي

من ذوقك أخوي بيبسي كولا