اول شي بالتوفيق في حياتك الزوجيه وان شاء الله دوم محبه وهناء وسعاده ....
ثانيا انا انصدمت بالمبلغ اول شي لانه بصراحه مبالغ فيه جدا وبالنسبه لمدينه اوكلاند تعتبر اكبر مدينه بنيوزلندا وما ابغى اقول السعوديين مليان لانهم ما شاء الله بكل محل وانا موجود بكرايس شيرش وحاس بالشي هذا ولو انهم اقل من اوكلاند بكثير....
بالنسبه للدراسه هذا موضوع طويل شوي لكن بحاول اختصر وافيدك بنفس الوقت ..
انتم توكم متزوجين وهذا معناته الغرض من السفر تعلم وسياحه و انا من الناحيه هذي افضل زياده المده حسب المتاح ماديا لانه شهر قليل جدا الا اذا كان مستوى اللغه جيد و بامكانكم التاقلم بسرعه والبدايه بقوه في البرنامج الدراسي ...
التكلفه طبعا تتغير حسب قيمه الدولار في ذلك الوقت والي فهمته من كلامك انكم جايين بعد 8 شهور لان الصيف تقريبا راح يبدا بنهايه شهر 7 هجري !!! والبنسبه لي افضل الدفع من هنا لان المكاتب في السعوديه لا ترحم اطلاقا واسعارها بالدبل وانا مجرب ...
انا اشوف كرايس شيرش اختيار مناسب لكم لعده اسباب منها على سبيل المثال وجود عدد لا باس به من العوايل السعوديه والعربيه وبالتالي ليست هناك نظره حاده للمرأه مع العلم ان الشعب النيوزلندي يحترم جميع الاجناس والاديان اذا وايضا موقع هذه المدينه من بعض المدن السياحيه واهمها كوينس تاون والتي تعتبر المدينه السياحيه الاولى بنيوزلندا واعتقد في الفتره بين شهر 8 و 9 هناك مهرجان عالمي فيها ياتي اليه الناس من كل بقاع الارض ويسمى مهرجان الشتاء طبعا هناك اختلاف في المواسم بين السعوديه ونيوزلندا وايضا بعض الاماكن الجيده في كرايس شيرش حيث يمكنم التنزه والتقاط الانفاس في جو جميل وصافي جدا ...
اتمنى لكم التوفيق مره اخرى و في حاله وجود اي استفسار او حاجه لمساعده فأنا رهن الاشاره فيما تطلبون ..
دودي

هلا بك بالمنتدى....والله يسعدك انت وزوجك بهالرحله
السفر لنيوزلندا من وجهة نظري أفظل من غيرها ولسبب بسيط اللي هو الفيزا للخليجيين سهل الحصول عليها
بغظ النظر عن التكلفه فالمعهد جدا سيء ولا انصح به
شهر غير كافي
اما السفر بعد عيد الفطر فكرة ممتازه لسبب بسيط اولها ان الحو بيكون دافي وقلة الدارسين هناك من طلاب الجامعه لأن بهالفتره بيبدؤا اختباراتهم ويرجعوا لبلدانهم
النصيحه ...فقط تصفحي التقارير اللي بالمنتدى واللي بأرشيف المنتدى وراح تحددي المدينه او القريه بنفسك

الاخ دودي والاخ سميني بنفسك
تسلمون وماقصرتم وبصراحة احترت انا وزوجي باي معهد نروح
لكن عالعموم مشكورين عالرد والله يوفقكم

المعاهد انتي تعالي وجربي بنفسك اسبوع اذا عجبك مددي وبالنسبه للمكتب ماتحتاجيله ليه تعطينه فلوس شوفيك اي معهد تبي وخذي موقعه واغلبها راح يكون من الموقع التسجيل واذا ماتعرفون انجلش خلي احد يسجلكم ويطلبكم هوم استي ويطلب انه يستقبلونكم بالمطار وانتهينا بس شهر قليله اختي الله يعينكم

اوكلند مليانه معاهدها عرب في المعاهد الي تجيك مو بستي سنتر وتلقين الهوم استي جنبها وقريب وبعض الاحيان ماتحتاجون باص وقلة العرب فيها عكس المعاهد الي بالستي لنه المكاتب ماتبعث الا على المعاهد الي باستي عشان هي الي يعرفونا ef معهد فيه عرب طبعا قلت نسبهم بشكل خيالي لنه في الصيف كانو لفل وان كله سعودييه مافي طال اجنبي يعني بشكل خيالي بس الحين قلو بس برضو فيه طريقة تدريسه يعتمد على كتب معينه واذا جيتي انتي طبعا كل اثنين يبدا كورس يعني بتخشين وانتي بنص الكتاب عادي المعاهد الثانيه ماتمشي على كتب وتقول لنه مافي كتاب مكتمل للحين