طبعا اضحكو مع قصتي مع الخطوط السعودية وشعارهم الجديد " نعتز بشحططتكم " أو " نعتز ببهذلتكم "
طبعا محسوبكم كانت رحلته 3 جولاي الساعة 12.10 بعد منتصف الليل طبعا التأخير وارد وهذا من طبع خطوطنا الغراء بارك الله فيها :112::112::112: الساعة الثامنة مساء من يوم الأحد وأتفاجأ بأن الجوال ترن ترن ألو مرحبا معاك الخطوط السعودية وش العلم وش السالفة نعتذر منك أخوي تم تأخير رحلتكم قلنا عساه خير وشكرا على اهتمامكم طيب متى الموعد الجديد قال ابو الشباب الساعة 3 و50 دقيقة وانفجرت على الموظف المسكين قال تكفى يرحم والديك ما لي دخل انت ثالث واحد يهزء فيني اتصل على الحجز واطلب المشرف وعليك به ومحسوبكم ما كذب خبر طوط طوط ويرد بعد 5 دقايق وبعد ما تأكدت ان الرحلة صحيح تأجلت طلبت المشرف وبدأ يتلعثم الرجال ثم قال شوي ورجع وقال المشرف معه خطوط ثانية ولكن يقول التأخير إما بسبب امني او بسبب سوء الأحوال الجوية وأحط حرتي في ها الموظف المسكين :112::112::112::112:وقلت الله يرحم والديك المكالمة مسجلة خل السلتوح المشرف يسمعها ثم طفش مني وقال طيب تبي اكنسل الحجز دامك قافلة معك قلت احمد ربك ان بيني وبينك السماعة والا كان عضيت اذنك شوفو الشحططه حجز الفنادق انحاس البرنامج انحاس كل شيء انحاس وفي الأخير بكل بساطة تأخير في الرحلة بدون اي سبب مقنع حسبي الله عليهم
عزالله شعارهم "" نعتز ببهذلتكم """
عموما عسى في الأمر خيره