والله ياأفندي ده بيعتمد على مزاجك والمكان للي بترتاح نفسيا فيه اكثر0 بس انا اشوف انك تشتري في القاهره لأنها تنفع لجميع الأوقات وحلوه وماتنمل وعندك النيل مثل البحر ماشاءالله، في حين الأسكندريه مثل ماانت عارف حقت صيف وبحر0 اذا تبغى نصيحتي انت جرب تسكن بكل منطقه لمده 3 ايام وشوف المنطقه للي ارتحت فيها اكثر واشتري فيها

والله انت يا أخي ما قصرت في الردود على اسئلتي, هنا وفي قسم لبنان, واشكرك جزيل الشكر..
انت تقول مثل ما انت عارف ان الاسكندرية حقت صيف, وانا والله لا عارف ولا حاجة... بس ودي قبل لا اروح ( ان رحت ) اركز على منطقة معينة لانه صعبة تدور عقار في أكثر من منطقة وانت لسى تجربها....
هل الفرق بين الاسكندرية والقاهرة كبير لهالدرجة؟ يعني قاهرة وبس؟ والباقي ممكن بعد فترة بسيطة يكون ممل ا لا في اوقات المواسم؟ ووش رايك في مرسى مطروح لأني شفت الصور في المنتدى ودخت عليها؟
ميزة الاسكندرية والقاهرة انه فيه رحلات دايركت ( حسب موقع الخطوط السعودية ) بس لو مرسى مطروح شكله بيكون فيها مشاوير كل ما بغيت اروح واجي.

ايضا يمدحون منطقة المارينا, وش رايكم فيها؟ يمدحونها لي ويقولون مويتها زرقاء ونظيفة؟
في النهاية بصراحة ان كان "ثمن" البحر, البعد عن الناس ( يعني في غير الصيف طفش ) , ولا مشاوير بالسيارة اذا نزلت من الطيارة, بلاش بحر....
مشكلتي ما اعرف عن المناطق كثير, وان شاء الله لي سفر استكشافي بس قبل لا اروح ودي يكون عندي فكرة..

هلا اخوي عبدالفتاح ولاداعي للشكر اخدمك بعيوني لواقدر00
اول شي ياأفندي لازمك تحدد الشي اللي تحس انك ترتاح له00يعني هل انت من الناس اللي هواه بحري او لا مع انه ماشاءالله النيل في القاهره كأنه بحر0
انا حسيت من كلامك انك من الناس اللي ماتحب التنقل ولا لك جلد عليه وعلى كذا لو أخذت في الأسكندريه او مرسى مطروح راح تضطر تنزل للقاهره يوم ما لأنها القاهره وهي العاصمه وأكيد فيها اشياء غير موجوده في باقي المدن وكذا راح تتعب يمكن0
من وجهه نظري كل الأماكن اللي قلت عليهم حلوين وكل منطقه تتميز بخاصيه تنفرد بها عن باقي المدن ويبقى الخيار الأول والأخير لك00بس لو كان الأمر راجع لي راح اخذ بالقاهره واذا حبيت التغيير طلعت على الأسكندريه او مرسى مطروح يومين ورجعت0 لكن انا راح اسألك عن كل منطقه وارد عليك قريبا ان شاء الله0