وعليكم السلام و رحمه الله و بركاته
تكلفة القطار تقريبا من امسترادم إلى كوبنهاجن درجة ثانية 135 يورو للشخص
يرتفع و يقل السعر على حسب الوقت و اليوم
و يستغرق الوصول حوالي 15 ساعة
موقع القطار الاوروبي
http://www.raileurope-gcc.com/
راجع المواضيع بخصوص الطيران الاقتصادي
https://artravelers.com/p/re/248310
بالتوفيق

بعد اذن صاحب الموضوع
الريم عندي لج جم سؤال
انا دخلت على الموقع الي ذكرتيه سابقا عن القطارات
وحاولت اعرف تكلفه التذاكر بس ماعرفت وياريت لو تذكرينهم لي اذا ماعليج امر
ابي سعر تذكره من
باريس - بروكسل
بروكسل - امستردام
بروكسل - بروج
وطبعا في هالحاله بكون استخدامنه لقطار Thalys اذا مو غلطانه صح؟
م اي وحبيت اسأل بعد هل بالنسبه لقطار Thalys اذا كان العمر اقل من 25 سعر التذاكر غير؟؟ لان كأني شفت شي جذي وحبيت اتأكد
انا قاعده ارتب رحله لنهايه شهر مارس فحابه اعرف التكلفه النهائيه للسفره فيعني اذا تذكرت سؤال راح اييج وراح اعور راسج ادري بس استحمليني
واسفه على الاطاله حبوبه

ثلوج بارده
سعر التذكره يختلف على حسب الأعمار و عدد الأشخاص يعني لو المسافرين Group يكون في خصم
و أيضا على حسب اليوم و متى قاطعة التذكرة يعني قبل بفترة أو نفس يوم السفر
بشكل عام الأسعار تتراح ما بين 50 إلى 70 يورو للشخص (درجة ثانية - ذهاب و عودة عن طريق قطار ثايلس )
باريس - بروكسل (ساعة و عشرين دقيقة)
بروكسل - امستردام (تقريبا ساعتين)
أما بروكسل - بروج فالسفر يكون عن طريق قطارات بلجيكا http://www.b-rail.be/main/E/و التكلفة تقريبا 18 - 20 يورو للفرد ذهاب و عوده
و يمكنك السفر عن طريق محطة نورد Nord أو محطة ميدي Midi و المدة المستغرقة للوصول ساعة
(ملاحظة القطار يوقف في أكثر من مدينة لتنزيل الركاب و صعود آخرين
يجب التأكد من الشاشة أنتي في أي مدينة)
لا تترددين إذا عندج اسئلة ثانية
بالتوفيق

مشكوره حبيبتي ماقصرتي والله
عندي سؤال بالنسبه للمترو في بلجيكا
اذا تطلب مني تغير أكثر من مترو
يعني مثال لو كنت في منطقة Lousie وبروح Parc
وهالشي راح يتطلب مني تغيير اكثر من مترو صح
زين السؤال هل لازم كل مره اشتري تذكره عشان اغير فيها المترو ولا التذكره نفسها استخدمها اكثر من مره
لاني بصراحه استفدت من موضوعج وايد وكل الاماكن السياحيه الي في بجليكا خذيتها من تقريرج
وتقريبا فهمت شلوون طريقة المترو
بس هالسؤال الي محيرني

ثلوج بارده
هلا أختي
لا إذا بتغيرين ماله داعي تشترين تذكره يديده ،، نفس التذكره لأن أصلن ما بتحتاجين تختميين في
الجهاز البرتقالي مره ثانية ،، بس في العوده تحتاجين تذكره يديده
بالنسبه لنا أحنا كنا ناخذ تذكرة القروب (5 أشخاص) ليوم كامل تستخدمينها كثر ما تبغين و أعتقد كانت ب10 يورو
وإذا عددكم أقل من 5 أو 4 و بتنتقلين بالمترو أكثر من 3 أو 4 مرات في اليوم تقدرين
تاخذين تذكرة يوم كامل للشخص تطلع أوفر ب4.50 يورو
https://artravelers.com/p/re/302033
بالتوفيق و رحلة سعيدة