صقر على كف صقار
05-09-2022 - 05:21 pm
السلام عليكم ورحمة الله وبركاته ...
انا مرة صقر ^^^ يحظك
بس استاذنت من ابو صقر والحمد لله اذن لي ^^^ مؤدبه
عندي موضوع محيرني ابي الله يعافيكم الكل يعطين تجربته ولا حد يقوول ليه قويه بعد خ
ابي الي زر دول اوروبا او اي دول يفيدنا باسعار كل من :::
الماء ( القاروره الصغيره ام ريال )
الببسي ؟؟
طبعا سؤالي عن الي موجود في البقالات مو تجون تتفلسفون وتحطون اسعار الفنادق والمطاعم
واسعار الفاست فود مثل ماكدونالز وكنتاكي وطقته الوجبه العادي مثل سبايسي وغيره
لحديقول سخيفه لان الموضوع مهم مره مره اهم من ماتتوقعون لان الواحد لما يسافر وهو ملحط ومايبي يتسوق ولا يكثر الهجوله بس يبي ينستر في الفندق ويويق مع الاوندو ويتمشي ويشم هو ببلاش ماراح يخسره الا هالاشياء الي تقولون عنها سخافه ^^^ تتغدا فيكم قبل لا تتعشون فيها
لانك اذا سافرة راح تحجز الطيران والفنادق من ديرتك وتستخرج الفيز يعني مايبقا الا اسعار الاكل وشرايكم فيني ذكيه
هاه بس لا يكثر ياليت تجاوبوني لاني ماكتبت الا بعد الحاح لان زوجي يقول عيب المره تكتب في اماكن مختلطه وحدك عالم حواء بس ابشركم كنه شوي تتطور
ياكثر الصور بس كنهن جازلي ...
يالله تجاربك لا هنتو ....
ههه والله اسلوبج تحفه
عزيزتي انا اقول لو اتحددين لنا الدول يكون احسن وانا رديت على موضوع مشابه قبل فترة وبقولج الي اتذكره لاني ناسيفبنسبة للندن الي انا عايش فيها فيختلف الوضع يعني في دكامين الي هي البقالات الصغيره فيكون والله سعر البيبسي العلبة ب 40 بنس يعني 3 ريال او اقل اشوي اما الغرشة اتكون بباوند او باوند وعشرين بنس يعني 6 ريال
بنسبة للماي فيكون بباوند يعني 5ريال ونص واما الجمعيات الكبيره او المعروفه مثل تسكو وسنسبري وازدا وسسابارو فتكون اسعارهم اعلى بشوي يعني زيدي نص ريال او ريال
بنسبة للوجه في ماكدونالز حجم كبير اتكون مابين 4باوند ونص الى 5 باوند ونص يعني مابين ال 28 ريال الى 35 ريال وتوصل 40 ريال واما برجر كنغ فاغلى اشوي بكم ريال وماكدونالز يعتبر ارخص شي
بنسبة للخليج فنفس اسعار السعودية يمكن ازيد بكم ريال بس
بنسبة لستراليا فكان الماي بنص دولار يعني بريال ونص او بريالين ونفس الشي البيبسي واسعار الوجبات نفس الي عندنا مافي فرق ونفس الكلام على ماليزيا وسنغافورة بعد
بانكوك ارخص يعني الوجبات والماي والبيبسي ارخص من عندنا بس مومتذكر بظبط
بجنيف الماي بفرند يعني ريالين ونص ونفس الشي البيبسي والوجبات اعلى من اسعارنا بشوي يعني ب 20 ريال او 22 ريال
وبنسبة للمانيا والنمسا وبلجيكا وفرنسا فسعارهم متقاربه يعين الماي 1 يورو يعني 4ونص والبيبسي ب 3 ريال ونص
والوجبات مابين ال 25 ريال الى 33 ريال لشخص الواحد
بنسبة لدول العربيه ماتذكر لان من زمان مارحت لهم
تقريبا انا هذي هي الدول الي زرتهم
واي استفسار احنا لخدمة واتظل لندن اغلى دوله لان تكاسيها نار المشوار الواحد عادي 20 باوند يعني فوق المية ريال