السلام عليكم ورحمه الله وبركاته
بدايه اسال المولى عزوجل ان يجزي عننا كل خير للاخوه والاخوات الكرام بها المنتدى اللي يكرسون نفسهم للمساعده لاخوانهم بالمعلوماتوتسهيل امورهم في حلهم وترحالهم
لكم كل الشكر والتقدير واسال الله العظيم ان يجعلك الجنان مثوانا ومثواكم وكل مسلم يارب العالمين
مالكم بالطويله يااخوان
انا لي تجارب سابقه اوربيه كانت بسويسرا واريافها ومدنها
وولما نويت اروح تصفحت هالمنتدى الغالي وجوجل ايرث
وعرفت وش ابي ووين اروح كل شيء واضح ومفهوم
والحمدلله تكللت الرحله بنجاح بفضل الله
وهالسنه قررت انا والحبيبه ( زوجتي )
نروح لتركيا وتم الحجز لمده 14 يوم في موسم الصيف القادم واشتريت تذاكر على الخطوط التركيه
وقررت بعدها اسوي بحث واتصفح واتطلع لاجمل الاماكن والمدن
لكن تفاجئت ان تركيا قاره ماهي دوله
متناثره وكبيره
والاماكن السياحيه عناء وكرف
شفت اسطنبول ومدنها بورصه وتقسيم
وشفت طرابزون وازنجول وشفت سابنكا ومرمريس وانطاليا ويلوا و
لكن تشتت مخي
مدري وين اروح
ابعطيكم فكرتي واللي ابي وانتم باذن الله بتفهمون الجوحقي
انا احب الاسواق والمدام ايضا ونحب الارياف والطبيعه والرحلات البحريه والنهريه والقمم الجبليه والمطاعم المطله على البحيرات من اعلى الجبال
( وخصوصا ازنجول ودي اجلس بها بالقليل يومين بس قهر مافيه فنادق ) سمعت بعض الاخوه يقدر يسوي حجز فنادق لها عن طريق معارف له هناك
وايضا سمعت انه فيه فنادق او انديه صحيه ممكن تاجرك بركه لك وعائلتك فيها مياه النبع الحاره وتكون ساعتين بمبلغ معين
ارجوكم يااخوان اي شخص ينصحني بالمدن والفنادق والامكان السياحيه وطرق التنقل بالباصات واللقطارات
والله امنيتي تكون رحله روعه ومشموله واقتصاديه
ادري اني تعديت الحد في الطلبات والتشرط
والله اني اثق بالله ثم بكم ولولا طيبه قلوبكم وحبكم للفزعات اللي تدل على طيب اصلكم والله ثم والله مابربرت هالبربره كلها
لن انتم كريمين وحنا نستاهل
اتمنى من الله اني الاقي قبول منكم
جزاكم الله كل خير والسلام عليم