توقعت احد يرد علي بس خلاص الله يعطيكم العافيه
كان منتدى ممتاز بس صار الحين فاشل

وعليكم السلام ورحمة الله وبركاته
اهلا وسهلا بك
وش بك زعلان ياخوي مايمديك كتبت الموضوع وبعد اقل من ساعتين تتوقع الرد ( ياخوي احيانا نكون مشغولين وماندخل المنتدى)"
عموما اهلا بك في منتداك
سؤالك نوعا ما غامض ؟ يعني وش بتدرس لغة او جامعة
ايش معناته اختيارك لأتاوا
الدراسة ممتازة والشعب طيب ومتعاون
الديرة غالية نوعا ما ( ليست مثل بريطانيا )
اذا كان هدفك لغة فقط انصحك تذهب للولايات الوسطى ( لان اغلب سكانها من المتحدثين الاصليين للغة)
ولانها ارخص في الضريبة ( البرتا الضريبة 7% )
وفقك الله وناسف على التاخر في الرد

wooden
الله يعطيك العافيه اخوي
بس الي حرق دمي شفت المشاهدات 12 ومحد رد
اخوي انا بروح ادرس لغه وجامعه
هل فيه سعوديين هناك (قصدي كثره )
ولك تحياتي

نعم موجودين السعوديين هناك ولكن ليست بالكثرة مثل تورنتو وفانكوفر
عموما الله يوفقك

لا تزعل مني لكن عنوان موضوعك لا يشد الانتباه .. الامر الاخر لو تعمل بحث في المنتدى انا متاكد بتحصل طلبك
وفيه منتدى اسمه مبتعث يفيدك بخصوص الدراسه والجامعات والمعاهد

اشكرك اخوي
ولكن بقعد ادور وادور بكتب اسهل والمحترمين بيردون
وياطويل العمر اذا ما نزلنا اسئله ماراح احد يستفيد ونقفل المنتدى احسن
نحط اسئله واجوبه وخلاص
عالعموم الله يعطيكم العافيه

أسئل أخوي ويدن عن المدن الوسطى وش تقصد أي مدن ، وش أفضل المدن ، بحيث أتعلم لغة بالصيف وتكون قريبة من المدن الكبيرة يعني لو حبيت أتمشى مثلاً ،يعني قريبة من فانكوفر ولا اتاوا ولا تورنتو ،
يعطيك العافية ،

المقاطعات الوسطى هي البرتا ومانيتوبا وساسكاتشاوان
طبعا افضلها واكبرها مدينتي كالجاري وادمنتون في مقاطعة البرتا
هذه المدينتين قريبة من بانف ونوعا ما قريبة من فانكوفر
الله يوفقك

شوحطه
احس من كلامك ان المشرفن لازم يكنون 24 ساعة في المنتدي
عشان ياخذون رواتب من مدير المنتدي
ياخي في سلوب للكتابة...انت المحتاج ماهو المشرفن محتاجن.
بس الصراحة المشرف wooden كان مرة متسامح مع سلوبك الي استفرني.
مع اني اول مرة ادخل بوابة كندة