منت ناوي اساعدك بس لاب توبي مدري شفيك كل ماكتب شي 30 ثانيه وينمسح بنفسه مادري شسالفه
خل اشوف الموضوع وش سالتفه وارد عليك

اترك عنك النايسبوري
وخلك مع النوري
تفضل هالموضوع راح تلقى فيه الإجابات الوافية لكل اسألتك وأكثر
ماعدا طبعا طريق الدمام لاني ماأسافر إلا بالطيارة والموضوع حق عموم المسافرين مب حق السعوديين علشان أعنى بمثل هذي الموضوعات
https://artravelers.com/p/re/489656

الطريق الى الدوحه من الدمام تقريبا مابين 350 كيلو الى 450 كليو يعني تمشي فى السياره 120 توصل فى اربع ساعات
اما بخصوص الفنادق تتراوح اسعارها مابين 350 إلى سعر 850 ريال
الاماكن عندك سوق واقف وعندك اللؤلؤه وعندك القرية الثقافية وكذالك بعض المجمعات مثل الستي سنتر والاند مارك والفيلاجوا وغيرها
عندك فندق شرق اي منتجع شرق وعندك شاطئ سيلين وغيرها من الاماكن
المطاعم عليك بسوق واقف نظيفه جدا بس سعرها شوي سياحي
وسلامتك
تقبل مروري

مشكورين يا اخوان ..
بس عندي استفسار بخصوص العملة .. لا بد احول أو يمكن استخدام العملة السعودية ..
ولو بغيت احول من فين في الدمام ..
عارف اني كثرت الاسئلة بس اصبروا عليه ..
وشكراً ..

أعتقد هالسؤال لازم ينطرح في السعودية

النوري مشكور اخوي .. ما قصرت ..
لكن ممكن اني استخدم العملة السعودية في قطر .. او لا بد احول للعملة القطرية

لا لازم تحول العملة السعوديه
وأعتقد ال 100 ريال سعودي = 97 ريال قطري
يعني فرق بسيط

الطريق من الدمام إلى قطر أفضل من أول
تطلع من الدمام لطريق بقيق باتجاه الهافمون اذا ما تدل
تدخل للهفوف بعد مصنع الاسمنت
تجيك لوحة مكتوب عليها قطر والامارات تروح معها ، هذا طريق دائري جديد يوديك إلى منفذ سلوى ومنه لأبو سمرة فالدوحة
العملة تحولها من فروع الراجحي اللي اسمها تحويل أو انجاز والصرافين في وسط البلد كثير
وتقدر تحول في قطر عند الصرافين
وبالتوفيق ورحلة سعيدة إن شاء الله