1. في السعوديه اصرف دولار واذا رحت هناك اصرف بات تايلاندي

السلام عليكم ورحمة الله وبركاتة
وعليكم السلام ورحمة الله وبركاته
معكم أخوكم بدر عندي ان شاء الله رحلة شهر عسل الى تايلند خلال اليومين الجايات
يا هلا والله ببدر لا تكون ولد اخونا ابو بدر
حجزتها عشر ايام اي تسع ليال انا والمدام ( شهر عسل )
الله يهنيك فيها يوفقك
صراحة ماقد سافرت لمها عشان كذا عندي كم استفسار معليش بثقل عليكم
افا عليك بس امر تدلل بدال الواحد راح يرد عليك 10
1/ هل تايلند تحتاج لفيزا والفيزا ذي من وين اجيبها من السفارة يعني قبل بكم يوم من الرحلة والا بنفس يوم الرحلة من المطار
ايه نعم تحتاج
وتجيبها عن طريق السفاره او عن طريق مطار بانكوك وانا اخذتها من مطار بانكوك ب 1000 بات يعني 100 ريال وعادي اول ما تنزل من الطائره اسال عن visa surveys
تلقاه مكتب صغير تعبي لك كم ورقه اسمك رقم جوازك امور سهله وفيه بجنبه كشك للتصوير ب 5 دقايق
2/ حجزت عن طريق مكتب فندق (أمير أتريوم ورويال برادايز) طبعا هذولي ببانكوك وفوكيت ياليت اذا احد قد زارهم او شافهم يعطيني انطباعه عنهم
صراحه الاول ما عندي خلفيه عنه
اما الثاني شفته من برا برج طويل لكن عيبه انه مو قريب من البحر مره يعني 5 دقايق بالتاكسي او التوك توك
واذا تقدر تكنسل انا انصحك انك تكنسل
وتاخذ لك فندق قريب من البحر اللي على شارع الباتونج
3/ الصرفية بتايلند بحدود كم لليوم الواحد (أقصد معيشة فقط ) يعني لرجال مع زوجتة مثلا
ابعطيك حسبه تقريبيه

• رحله ما بين 1000 الى 2000 بات
• تاكسي مابين 500 الى 1000 بات
• غدا + عشاء ما بين 2000 الى 3000 بات ( مطاعم عربيه شوي غاليه) ( اما المطاعم العالميه رخيصه)

فقط هذي اللي تستحق الذكر وتعتبر يوميه في مصروفات شبه يوميه من البقاله والعصيرات والكيك
هذي ما تكلفك شي
معلومه : 1000 بات تقريبا 100 ريال
4/ تنصحوني اصرف عملة دولار والا تايلندية

في السعوديه اصرف دولار واذا رحت هناك اصرف بات تايلاندي

5/ وش الاماكن اللي ممكن ازورها ببانكوك وفوكيت ياليت هذي النقطة بالذات شرح تفصيلي يعني اللي يعرف يحدد المكان والشارع يكون احسن
بانكوك / السوق العائم: عباره عن منطقه تقع فوق النهر تتمشى انت والمدام بقارب خشبي على ارجاء هذه المنطقه وتمرون اسواق وقوارب ثانيه لبيع الفواكه الاستوائيه اللذيده وخاصة الاناناس والمانجو وتمرون كذلك معبد لهم قيمتها كاني ما نسيت 2000 بات
2- دريم ورلد : مدينه ملاهي ترفيهيه فيها العاب مثيره والعاب عاديه وفيها مطعم كنتاكي وافضل شي اعجبني فيها عرض هوليوود اكشن وعباره عن فلم اكشن على الطبيعه مدته نصف ساعه تقريبا
وكذلك عروض الخدع البصريه
3- سيام بارك- كذلك مدينه ترفيهيه يميزها عن اللي قبلها انها تحتوي على العاب مائيه
4- سفاري ورلد : حديقة حيوانات وفيها ركوب على ظهر الفيل وعدة عروض
فوكيت :
1- رحلة جيمس بوند : عبارة عن رحله تبدا الساعه 8 صباحا وتنتهي 5 العصر تمر عدة جزر
الاولى لرؤية الكهوف داخل البحر ,,

• اكتب باليو تيوب ( جزيرة جيمس بوند 2008)

الثانيه للتجديف والسباحه تركب انت وزوجتك قارب خشبي وتجدف بالبحر حتى توصل الى الشاطيء
الثالثه : للتصوير بجانب الصخره الكبيره المشهوره في فلم جيمس بوند وكذلك شراء اللؤلؤ وغيرها
الرحله مع قروب وتشمل الاكل والمشروبات الغازيه والكوفي طوال الرحله والفواكه الاستوائيه كذلك
2- رحلة الرافتنق : عباره عن رحله تشمل عدة مراحل :
الاولى : الذهاب الى نهر كبير في سد حديدي قابل للفتح واذ تجمع الماء بهذا السد يركب القروبات
ابحث باليو تيوب ( rafting thailand )
بقوارب على النهر ومن ثم يفتحون السد الحديدي حتى يندفع الماء بقوه وعاد شف فله الحجاج ( شطحات لغويه)
الثانيه الركوب على ظهر الفيل
الثالثه : زيارت الشلالات والسباحه فيه ( ترا المويه مهي بارده مره على طول طب)
3- رحلة مسائيه الى فنتازيا شو
هذي ما رحت لها بسبب تذمر بعض الاخوان في المنتدى منها
4- رحله الى جزيرة بي بي ايلاند
الرحله لم يسعفني الوقت لزيارتها لكن اللي اعرفه عنها تحتاج لجهد بدني وتستغرق رحلتها ساعتين
5- رحله الى عدة اماكن قريبه من بعض ونفس الوقت قريبه من شارع الباتونج اللي فندقك فيه
تشمل ( سباق السيارات - الدبابات - عروض الثعابين - الرماية والتصويب - سوق المجوهرات - )
وهالرحله هذي تحصل تايلانديين يحملون اوراق وصور بشارع الباتونج تشمل هذه الرحلات
تكلفة الرحلات السابقه ما بين 1500 بات الى 2000 بات بس بشرط انك تكاسر ما عليك من اللي مكتوب
بالاوراق واللوحات
اتمنى اني شرحت بالتفصيل
وجزاكم الله الف خير
واياك اخوي
انتضر ردودكم