وعليكم السلام ورحمة الله وبركاته::
عفوا اختي في يوم بالضبط راح تكونون في انترلكن..تاريخ اقصد ؟؟؟
ابي اروح زيورخ عشان شارع البانهوف اي يوم يكون مناسب من الثلاثاء للسبت ترشحون اي يوم ووش اسم محطة القطار اللي توصلني من انترلاكن على شارع البانهوف مباشره؟؟؟
يعتمد على التخطيط في اي يوم ..يعني ثالث او رابع يوم لكم في انترلكن.
بكون في جنيف يوم احد وين اروح الصباح هل كل شي مقفل؟؟و هل فيه رحلات لمصنع الجبن الصباح وارجع الظهر عشان رحلتي للعوده العصر او فيه مصنع جبن اقدر اطلع له من انترلاكن؟
الاسواق تقريبا مقفلة يوم احد ..لكن الحدائق والمنتزهات والرحلات البحرية مفتوحة.
بالنسبة لمصنع الجبن ..ما انصح للذهاب له في هذا الوقت القصير.
لو انا مكانكم اروح لمدينة انسي الفرنسية...واقضي بقية اليوم فيها.
ومن انترلكن بإمكانكم الذهاب الى مصنع الشوكولاتة عبر القطار البانورامي.
قريت عن قطار بخاري في مدينة روثورن كيف اوصله من انترلاكن او مايستاهل ويقولون فيه قطار يلف على انترلاكن كيف اوصله؟
مثلا ..يبدأ اليوم برحلة بحرية في بحيرة برينز ..ثم النزول في قرية برينز .
والصعود الى قمة روثورن بالقطار البخاري ..واذا ودكم تزورون متحف البالينبيرج.
اهم شي قبل يوم 21 اكتوبر.
مرفأ البحيرة خلف محطة انترلكن الشرقية ..قريب جدا.
وقرية هايدي تستاهل العنوه كثير ماشجعوني ولو تستاهل كيف ممكن اوصلها بالمترو من انترلاكن؟؟
وانا واحد من الناس اللي برضو ما يشجعك.
لأنها مشوار عن انترلكن.
===========
انا في انتظار تاريخ الوصول الى انترلكن

باذن الله بكون في تاريخ 16 اكتوبر الصباح الى 20
ميدو الله يوفقك اشرح لي بالتفصيل جعل عمرك طويل ايش الاماكن اللي اروح لها وكيف اوصلها بالمترو
اكثر مكانين متحمسه اروح لهم البلاوسي وبحيرة ثون عشان الجوله في القارب بس ماعرف كيف اوصلها؟؟
زيورخ ابي اروح لها من محطة انترلاكن ويست يوم الجمعه واسم المحطه القريبه من البانهوف هي زيورخ hb صح او لا؟
ومن انترلكن بإمكانكم الذهاب الى مصنع الشوكولاتة عبر القطار البانورامي
مافهمت كيف اروح له ووين هالقطار البانورامي وتذكرته لحاله او يكون فري لان بيكون معي ان شاء الله سويس سيفر باس وكم يبعد عن انترلاكن وتشجعني اروح له او لا لان زوجي يقول مصنع جبن اوتشوكليت وقرية هايدي مانبيهم

1. نعم اسم المحطة الرئيسية زيورخ بانهوف.

ما شاء الله ..التاريخ ممتاز ...
من 16 الثلاثاء الى 20 السبت
ميدو الله يوفقك اشرح لي بالتفصيل جعل عمرك طويل ايش الاماكن اللي اروح لهاوكيف اوصلها بالمترو
هذه بسيطة ان شاء الله.
اكثر مكانين متحمسه اروح لهم البلاوسي وبحيرة ثون عشان الجوله في القارب بس ماعرف كيف اوصلها؟؟
جولة بحيرة ثون بالباخرة ..خليها مرة وحدة ايضا لزيارة كهوف ساينت بيتس ثم الذهاب الى مدينة ثون وقضاء بقية اليوم فيها.
المرفأ بجوار محطة قطار انترلكن الغربية
وهذه احداثياتها
6-6822,7.850718
زيورخ ابي اروح لها من محطة انترلاكن ويست يوم الجمعه واسم المحطه القريبه من البانهوف هي زيورخ hb صح او لا؟

نعم اسم المحطة الرئيسية زيورخ بانهوف.

مافهمت كيف اروح له ووين هالقطار البانورامي وتذكرته لحاله او يكون فري لان بيكون معي ان شاء الله سويس سيفر باس وكم يبعد عن انترلاكن وتشجعني اروح له او لا لان زوجي يقول مصنع جبن اوتشوكليت وقرية هايدي مانبيهم
القطار البانورامي ..ما دام معاك السويس باس ..مجاني ..لكن الاهم انكم تحجزون المقاعد عليه .
كيف يعني؟
يعني عشان تضمنون الصعود عليه ولا يقولو لكم القطار مليان.
كيفية حجز المقعد؟
عن طريق الانترنت
http://www.goldenpass.ch/CMS/default.asp?ID=252
او عن طريق اي محطة قطار .
كيفية الصعود للقطار البانورامي؟
من محطة انترلكن (الغربية او الشرقية) من الساعة 09:00 صباحا الى زويسمين ثم الى مونترو ..ومن مونترو الى قرية بروك اللي فيها مصنع الشوكولاتة نستله.
العودة بالقطار العادي.
لي رد على القطار الذهبي (البانورامي) في هذا الموضوع راح يفيدكم
https://artravelers.com/p/re/749587
==========================
راح يكون التفصيل اليومي على حسب طلباتكم كما يلي:
اليوم الاول الثلاثاء 16
يوم الوصول ..نفترض انه من جنيف ..النزول في الفندق وزيارة مطل الهاردر كلم.
HarderKulm
اليوم الثاني الاربعاء 17 :
بالباخرة ..زيارة شلال الجس باخ + مدينة برينز + جبل روثورن.
اليوم الثالث 18 الخميس:زيارة مونترو ومصنع الشوكولاتة نستله عبر القطار الذهبي.
اليوم الرابع الجمعة 19
زيارة زيورخ والتسوق
اليوم الخامس 20:الذهاب الى بحيرة البلاوسيه + من قرية شبيتز الانطلاق الى مدينة ثون بالباخرة..ثم العودة الى انترلكن
اهم شي تعرفون مواعيد الباصات والبواخر ..واخر ساعة عمل لهم .
اما بالنسبة للتفصيل..نتفق على الانشطة بالاول ثم نجي لكيفية الذهاب لها...أوكي؟
==================
هذه مواضيع مهمة جدا يجب الاطلاع عليها ..بالاضافة الى تنزيل الملف اللي في المرفقات: http://www.aboaziz.net/blog/?p=961
==========في انتظاركم

الله يوفقك ماقصرت جعل عمرك طويل
بكون راجعه من رست باذن الله الى انترلاكن
مخططك يجنن اول يوم ورابع يوم عارفه كيف اوصلها
والباقي برنامج حلو اخر يوم تتوقع يسمح لي الاوتيل اسوي شيك اوت واخلي شنطي عندهم من الصبح لحد ماارجع من الرحله؟
شاكره لك كثير

الله يبقيك ويوفقكم في سفرتكم.
والباقي برنامج حلو اخر يوم تتوقع يسمح لي الاوتيل اسوي شيك اوت واخلي شنطي عندهم من الصبح لحد ماارجع من الرحله؟
.
عندكم ثلاثة خيارات :
يا تكلمون الفندق الاول وتقولون له حط الشناط عندك الين ما نرجع .
او تتفقوا مع الفندق الثاني وتقولون له خل الشناط عندك الين ما نجي.
او تحطوا الشناط في صناديق الامانات اللي في محطة القطار .
============
اليوم الاول :
تمام
اليوم الثاني:
اهم شي تكونو عارفين مواعيد الباخرة..جدول الرحلات يعني.
من مرفأ انترلكن لبحيرة برينز Interlaken Ost BrS
..خلف محطة القطار الشرقية..الذهاب الى مرفأ جس باخ Giessbach See
ثم زيارة الشلال.
بعد كذا الذهاب من نفس المرفأ الى مدينة برينز ..ثم من محطة Brienz BRB الى قمة الجبل.
والعودة من المرفأ في برينز الى انترلكن
اليوم الثالث:
يجب اولا حجز مقاعد القطار الذهبي فور وصولكم الى جنيف او انترلكن من اي محطة قطار ..تعطوه التاريخ وهو راح يحجز لكم
او عن طريق الانترنت .
القطار يتحرك الساعة 0905 صباحا ..يعني قبل هذا الوقت لازم تكونون في المحطة .
وراح يمر بمدينة زويسمين ..ثم مونترو.
ومن مونترو تطلعو الى مصنع الشوكولاتة .
اليوم الرابع :
تمام
اليوم الخامس:
الذهاب من محطة انترلكن الى محطة قطار فروتينجن
Frutigen
ثم من محطة الباصات اللي اسمها Frutigen, Bahnhof
الموجودة في محطة القطارات
الذهاب الى محطة باص البلاوسيه Blausee
يجب اخذ مواعيد الباصات ..مهم جدا .
عند العودة ..بالباص من محطة البلاوسي الى فروتينجن ..ومن فروتينجن بالقطار الى قرية شبيتز (هذه جاية بالمنتصف بين انترلكن وفروتنجن )
توقفو في محطة شبيتز (يعني لا تكملو الى انترلكن) ..ثم من مرفأ شبيتز تطلعون الى ثون بالباخرة ...وتتمشو فيها.
ثم من ثون الى انترلكن.
وايضا مهم تعرفون مواعيد المغادرة للبواخر.
=========
مراكز المعلومات السياحية متوفر فيها كل مواعيد الباصات والرحلات البحرية والقطارات والخرائط وكل شي ..وبإمكانكم الاستفسار عنها قبل المغادرة لأي نشاط وراح يشرحولك بالتفصيل عن اي شيء ودكم اياه.
========
الرجاء تنزيل الملف الموجود في المرفقات.
لمزيد من الاستزادة.>> لكن ليس محدث..للتواقيت .
ورحلة سعيدة باذن الله.

الله يخليك بسالك بالنسبه لجس باخ كله بالبحر من انترلاكن اوست الى مرفا جس باخ ثم من مرفا جس باخ الى برينز كله بواخر والعوده دايركت من برينز مباشره الى انترلاكن كذت صحيح ؟ ومن وين اعرف مواعيد الرحلات هل فيه مركز معلومات جنب محطة اوست؟
اليوم الثالث هل اقدر احجز من محطة القطار بجنيف قبل الرحله بخمس ايام واطلب منهم حجز على قولدن باس من انترلاكن ويست وبس ؟؟؟ يعني معروف ان وجهته الى مصنع الشوكلاته او لازم افصل؟؟؟ ولمن يمر في زويسمن ومونترو يوقف او دايركت
؟؟؟
بالنسبه لليوم الخامس تتوقع يكفي الوقت ازور المكانين او لا وشوف فهمي في العوده من مرفا تشبيتز الى ثون ونتمشى في ثون ثم اخذ باخره تودي لانترلاكن صداع خ من وين ابعرف مواعيدها اخاف اتورط وانام عند البحيره
الله يعافيك زد لنا يوم 15 لانه بيكون يوم الوصول ان شاء الله تو شفت الحجوزات وانتبهت وش رايك وين نروح؟؟؟ وبسالك الزحليقه مقفله في وقتنا لانه برد؟؟؟؟
الله يوفقك ويسعدك ويحقق لك ماتتمنى
امين يارب تكون موفقه لاني زرت اوروبا بديسمبر متنا برد ان شاء الله هالمره يكون وسط يارب
وبسالك في سويسرا مثل الدول الاوروبيه اقدر اسحب بالراجحي العاديه لان عندي فيزا وعندي عاديه
وخلاص هذي الاسئلة الاخيره واسفه على ازعاجك

1. =========================


2. ثم من مونترو الى مصنع الشوكولاتة بالباص ...او بالتاكسي.


3. ==============================

الله يخليك بسالك بالنسبه لجس باخ كله بالبحر من انترلاكن اوست الى مرفا جس باخ ثم من مرفا جس باخ الى برينز كله بواخر والعوده دايركت من برينز مباشره الى انترلاكن كذت صحيح ؟ ومن وين اعرف مواعيد الرحلات هل فيه مركز معلومات جنب محطة اوست؟
نعم صحيح.
مواعيد الرحلات من نفس المرفأ تاخذونها.
او من هذا الموقع
http://www.bls.ch/e/schifffahrt/fahrplan.php
وهذا خط السير:

=========================

اليوم الثالث هل اقدر احجز من محطة القطار بجنيف قبل الرحله بخمس ايام واطلب منهم حجز على قولدن باس من انترلاكن ويست وبس ؟؟؟ يعني معروف ان وجهته الى مصنع الشوكلاته او لازم افصل؟؟؟ ولمن يمر في زويسمن ومونترو يوقف او دايركت
؟؟؟
نعم بإمكانك الحجز من محطة قطار جنيف ..في تاريخ الذهاب من انترلكن الى مونترو عبر القطار الذهبي (البانورامي او الجولدن باس)
تقولوا له القطار البانورامي او قولدن باس ..لزيارة مصنع الشوكولاتة ...حجز مقاعد فقط.
القطار راح يعمل تبديل في زويسمن zweisimmen
ثم الاتجاه الى مونترو.

ثم من مونترو الى مصنع الشوكولاتة بالباص ...او بالتاكسي.

==============================

بالنسبه لليوم الخامس تتوقع يكفي الوقت ازور المكانين او لا وشوف فهمي في العوده من مرفا تشبيتز الى ثون ونتمشى في ثون ثم اخذ باخره تودي لانترلاكن صداع خ من وين ابعرف مواعيدها اخاف اتورط وانام عند البحيره
ههه وش دعوة..
الفكرة كانت انكم تتمشون في بحيرة ثون ..والا عادي من محطة فروتنجن بإمكانكم الذهاب الى ثون بالقطار .
او ترجعون الى انترلكن.
كل الخيارات امامكم .
واذا راحت عليكم الرحلة الاخيرة في الباخرة وانتم في ثون ..عندكم القطار يرجعكم الى انترلكن.
====================
الله يعافيك زد لنا يوم 15 لانه بيكون يوم الوصول ان شاء الله تو شفت الحجوزات وانتبهت وش رايك وين نروح؟؟؟ وبسالك الزحليقه مقفله في وقتنا لانه برد؟؟؟؟
اوكي..فوق مكتوب يوم الوصول وزيارة كطل الهاردر كلم ..خلوه ليوم 15.
ويوم 16 :
وش رايكم تزورون لوزيرن ؟؟ Luzern
الجسر الخشبي وتمثال الاسد ..مدينة رايقة وجميلة.
مثلا لو تخلونها في اخر يوم لكم في انترلكن.
بالنسبة للزحليقة الصيفية :
يوجد مطل الهيموفلج Heimwehfluh
في انترلكن ..وتوجد فيه زحليقة صيفية.
لكن لابد من زيارته قبل يوم 21.
وبسالك في سويسرا مثل الدول الاوروبيه اقدر اسحب بالراجحي العاديه لان عندي فيزا وعندي عاديه
وخلاص هذي الاسئلة الاخيره واسفه على ازعاجك
نعم بإمكانك بشرط ان اي علامة من العلامات الموجودة خلف البطاقة ..موجودة على نفس الجهاز الصراف.
واي استفسار اخر نحن حاضرين ...لا ازعاج ولا تعب ولا هم يحزنون.
اهم شي تكون رحلتكم مرتبة وانتم على علم ويقين بالاشياء الضرورية في سويسرا.
وبالتوفيق

ههه وش دعوة..
الفكرة كانت انكم تتمشون في بحيرة ثون ..والا عادي من محطة فروتنجن بإمكانكم الذهاب الى ثون بالقطار .
او ترجعون الى انترلكن.
كل الخيارات امامكم .
واذا راحت عليكم الرحلة الاخيرة في الباخرة وانتم في ثون ..عندكم القطار يرجعكم الى انترلكن
ايوه قطارات احسن يكفي ثاني يوم بواخر
كيف يعني العوده من باص البلاوسي الى محطة فرونتجن بعدين محطة ثون اطلع منه للمرفا اتمشى و بعدين من محطة ثون الى محطة انترلاكن كذا اوكي ؟ بس السؤال وش اسم محطة ثون عشان اطلع مواعيدها وهل المحطة قريبه من المرفأ
اوكي لوزيرن نزورها بس كيف نوصلها ووين نروح فيها؟؟؟
بسالك كم يساوي الفرنك من ريال وتعرف موقع يطلع باليوم كم يساوي؟؟؟
فورم السفاره عادي اعبيه بخط اليد يشكل واضح او لا ؟؟؟
وزوجي بيجدد جوازه انتهى يعني بالفورم مااحط الشنغن السابقه حقته؟؟؟
الله يحقق لك ماتتمنى
الحجوزات جنيف الورويك
انترلاكن hotel du nord
,
hotel beausite
والقطار سويس سيفر باس كم يكلف 8 ايام لشخصين واخر يوم اللي هو التاسع ماراح يشمله راح ادفعه من انترلاكن لمطار جنيف كم سعر التذكره تقريبا انا حطيت ميزانيه 2000 ريال لهم

الله يسلمك ..كل رحلاتكم يا باص او قطار..خلو يومين بواخر ..مافيها شي يعني ..عادي..
كيف يعني العوده من باص البلاوسي الى محطة فرونتجن بعدين محطة ثون اطلع منه للمرفا اتمشى و بعدين من محطة ثون الى محطة انترلاكن كذا اوكي ؟ بس السؤال وش اسم محطة ثون عشان اطلع مواعيدها وهل المحطة قريبه من المرفأ
العودة يا طويلة العمر لكم عدة خيارات:
لكن الشي الاساسي في كل الخيارات ..هي ان العودة من البلاوسي الى فروتنجن بالباص.
الاول:
من فروتنجن الى شبيتز بالقطار...ثم من شبيتز الى ثون بالباخرة.
الثاني:
من فروتنجن الى ثون بالقطار.
عاد من ثون الى انترلكن ..يا باخرة يا قطار ..ما يبيلها.
وهذه اسم محطة القطار في ثون
Thun ThS
وموجودة خلف محطة قطار ثون.
اوكي لوزيرن نزورها بس كيف نوصلها ووين نروح فيها؟؟؟
لوزيرن مدينة اكبر من انترلكن ..وهادئة وجميلة ..وتوصلوها بالقطار من انترلكن .
ويوجد فيها الجسر الخشبي وتمثال الاسد ..وطبعا بحيرتها غنية عن التعريف وحديقة قليتشر جاردن (الحديقة الجليدية قريبة جدا من التمثال)
Kapellbrücke Lion Monument
gletschergarten
بإمكانكم زيارة التلفريك المكشوف ..كابريو..وهذا تقرير من العمدة عنه:
التلفريك المكشوف 46.958347,8.363318 http://www.aboaziz.net/blog/?p=1367
او زيارة قمة بيلاتوس
Pilatus Kulm 46.955499,8.277178
او زيارة قمة تتلس الثلجية .>>> بعيدة عن لوزيرن ..يعني بين انترلكن ولوزيرن ..بيلاتوس اقرب.
titlis
6-818109,8.3981
وهذا رابط لمزيد من الانشطة.
معلومات سياحية عن لوسيرن http://duwal.com/ar/travelguide/europe/switzerland/Lucerne/things-to-do-list
=================
اها جينا لأسعار الصرف...افضل موقع للايفون واللابتوب هذا الموقع:
http://www.xe.com
ويوجد له تطبيق في القوقل كروم.
وسعر الصرف الان الفرنك حوالي 4 ريال
واليورو 4.71 ريال.
=================
قيمة السويس باس سيفر لشخصين ..من محطة القطارات تاخذوه طبعا ...لمدة 8 ايام درجة ثانية ب
3CHF
اذا كانت اعماركم فوق 26 سنة .
اذا اقل راح تحصلو على 15 % خصم.
على هذا الموقع
http://www.swissrailways.com/userdata.php?passid=1&affiliateid=23&system=CH&lang=en
وسعر التذكرة من انترلكن الى جنيف لشخصين ب
9فرنك .......توقف واحد يعني تبديل في بيرن.
على موقع القطارات السويسرية:
http://www.sbb.ch/en/home.html
(((على فكرة يوجد عرض على الاربع ايام ..ب 226 فرنك درجة ثانية لشخصين ..يعني لو تاخذون بطاقتين من ابو اربع ايام...ترى بس ماقد احد جربها))
===============
وبالتوفيق