ام^^حمني
22-12-2022 - 03:15 am
السلام عليكم ورحمة الله وبركاته
يشرفني ان اكون عضوه في هذا المنتدى الاكثر من رائع واشكر القائمين عليه
المهم احنا نويينا نسافر لدبي من 18 لما 26 -8 ابي اسال عن الفنادق الزينه للعائلات الي ما يكون فيها ديسكو
وودي اسال عن الشقق الفندقية النظيفة والزينة للعائلات
ادري مصختها بس ودي احد كريم يسوويلي جدول حق الرحلة يعني وين نروحح من مطاعم والعاب حق الاطفال
ادري ماراح تقصروون معاي
مع الف شكر
ام حمني :smile127:
بالنسبة لسؤالج ياريت لو نعرف المبلغ الي حاطينه للسكن عشان نقدر نساعدج
في فندق جديد اسمه كمبنسكي في مول الامارات يعني لاصق فيه
هذا النظام جميل لاسباب لأنه اذا الاطفال ملو من جلسة الغرفة ساروا المول
والمطاعم قريبة ما يحتاج مشاوير بالتاكسي للغذا والعشا
وطبعاً اكيد التسوق بالنسبه لج شي مهم ومول الامارات اغلب المحلات موجودة فيه
في فندق جديد اسمه تشلسي على شارع الشيخ زايد فيه نظام الشقق الفندقية
ومدحه الاخ الوطواط في موضوعه
ويقول ان الاسعار بالانترنت ارخص بكثير
https://artravelers.com
وعندج بعد مدينة جميرا اكيد سمعتي عنها
بس انا ما انصحج فيها لأن الجو حار والممرات المائية الي فيها تزيد الرطوية
وفي شقق فندقيه جديدة اسمها ميد ويست للشقق الفندقية midwest
وهي قريبة من مركز برجمان واسعارهم في الموقع حلوة
http://www.asiatravel.com/uae/midwest/index.html
ومن الافضل اختي تقرين مواضيع الاخوان والخوات الاعضاء في المنتدى عن زيارتهم لدبي
لأنك اكيد بتستفيدين منها
وحياك الله مرة ثانيه