فلفل شطة
27-11-2022 - 11:02 am
السلام عليكم ورحمة الله
حاولت من فترة اشترك بالمنتدي علي حساب ياهو وماقدرت وآخيرا اليوم نجح معي الايميل ولله الحمد
انا بإذن الله ناوين باريس وهذي اول زيارة لنا وبحثت كثير واستفدت كثير من هذا القسم لكن احترت في بعض الامور
انا وزوجي ومعنا 5 اطفال اكبرهم في الصف الاول ثانوي
ودنا نزور دوله ثانيه مع باريس ومحتارين بين بروكسل او سويسرا ومدنها لان لندن والمانيا سبق وزرناهم
فابغي رأي الخبراء
وبوضح لكم ليش محتارين اولا الزين في بروكسل انها قريبه من باريس بس ساعه وثلث بالقطار وماراح نتنقل كثير بس بروكس وجنبها بروج نروح ونرجع نفس اليوم فقط عشان القرب ومدينها ماقد زرناهل وعشان قلة التنقل
وبنفس الوقت ودنا بسويسرا عشان الطبيعة والجو بس المشكله التنقلات والتعب هو اللي شايله همه فاحترت هل ازور الديره الاجمل رغم التعب او اختار القريبه وارتاح من التنقل والتعب
وفيه نقطه زوجي ما يفضل استئجار سياره
فقلت اشاوركم وشوركم وهداية الله لان بالفعل احترنا
وفكرت بعد تقتصر سفرتنا بس علي فرنسا يعني باريس وستراسبورغ ومنها نروح يوم بادن بادن ويوم من باريس نروح روان
ارائكم الله يعطيكم العافية
ينقل للاستفسارات
كم مده الرحله والعوده من وين