ابو سومه
11-09-2022 - 06:25 am
السلام عليكم وحمه الله وبركاته انا ناوي ان شاء الله على سفره لماليزيا قريبا وعندي عده استفسارات
وش افضل موسم للسفر لماليزيا شهر اكتوبر او فبراير
وش الافضل مابين الخطوط السعوديه او الماليزيه لانه يهمني تكون الرحله دايركت من جده ولقيت اسعار متقاربه والماليزيه ارخص بشي بسيط
وش تنصحوني بالنسبه للفنادق علما اني من قراتي لمواضيعكم رشحت بعض الفنادق ابي تقولولي وش الافضل وش مميزات كل واحط عن الاخر
سيلانجور صن وايلاقون
لانكاوي بيلانجي بيتش ًً"وش رايكم فيه وكيف الاكواخ فيها خشرات ونوخشه او لا'او ويستن او الدانه وهل ترشحولي الاكواخ او الغرف في الفنادق الاخرى
بيننغ بارك رويال او شنقريلا وش مميزات كل واخد
كوالامبور تريدرز او حراند ملينيوم او رويال شلون وش الافضل بالنسبه للموقع والقرب من الاماكن السياحيه وهل تريدرز في شارع العرب واذا فيه خيار افضل ماعندي مانع تصحوني
وهل الكاميرون تستخق السفر او لا رحلتي تقريبا من 15 الى 16 يوم
شهر اكتوبر أفضل من نوفمبر الأسعار ممتازه والزحمه اقل والأمطار اكثر
بشكل بسيط و بالعاده تكثر في التخفيظات بعكس فبراير اللي بدايته اعياد الصينيين
بالنسبه للخطوط الماليزيه والسعوديه الماليزيه افضل الف مره حتي لو السعر اكثر شوي مو بس أقل
بالنسبه للفنادق
سيلانقور اكيد الصن واي لاقون هو الأفضل
لنكاوي الأفضل الويستن إذا ماتبون حشرات وطبعا هو والدانا مبني عادي مو أكواخ
بس انهم فخمين ومميزين و ذا دانا جديد وغرفه روعه وكبيره بس كمنتجع كامل الويستن الأفضل
والبلانجي بعد ممتاز كأكواخ وكشاطئ تقام عليه النشاطات البحريه والألعاب
بينانق فيه أكثر من شنقريلا اي واحد تقصد؟ فيه الراساسايانق وهو افضل فندق في بينانق
و يتبع للشنقريلا بس شوي غالي وفيه القولدن ساندس وهو ممتاز ومجدد قبل سنتين
والبارك رويال ممتاز يعني لو اخترت البارك رويال او القولدن ساندس كلهم نفس المستوي مافيه فرق كبير
والبارك رويال افضل كنجوم خمس نجوم اما القولدن اربع نجوم بس اي واحد تختار فلن تندم إن شاء الله
في كوالالمبور تريدرز ممتاز بس لازم غرفه مطله علي الحديقه والبرجين بس هو قريب البرجين
اما لو تبي قريب المطاعم والأسواق والسهر فعندك الأفضل الويستن و الماريوت ثم القراند ملينيوم
و رويال شولان ممتاز بس مو علي شارع العرب بالظبط بس قريب جدا وهو افضل من كمستوي
من القراند ملينيوم ولا هو بعيد منه كثير مسافه حوالي ثلاث دقائق مشي تقريبا
يعني لو بغيت قريب البرجين تريدرز ولو بغيت قريب شارع العرب رويال شولان ووسط شارع العرب الويستن و الماريوت