- واليوم الرابع الذهاب الى فرنسا عن طريق جنيف
السلام عليكم اعضاء منتدى المسافرون العرب
حبيت استشيركم لسفرتي الى انترلاكن خصوصا اني اول مره اروح هالمنطقه وشيبت وانا ابحث عن عن الفنادق لكن احترت بين اثنين
الاول
Lindner Grand Hotel Beau Rivage
والثاني
Hotel Interlaken
ورحلتي الى الانترلاكن 3 ليالي
وبعد البحث والتمشيط والتفحيط
قرر الاتي
اول ليله الوصول الى انترلاكن الساعه الواحده ظهرا وخليتها يوم مفتوح لاكتشاف المنطقه المحيطه وشفت في كذا تقرير عن سوق ميجروس بروح له بس شلون اروح له ؟؟؟؟
ثاني يوم الذهاب الى jungfraujoch اعلى قمه في اوربا
بس المشكله شلون اروح هل في مكاتب سياحيه نفس تايلند مثلا احجز قبلها بيوم وثاني يوم يمرني الباص ويوديني من الصبح واحط ببطني بطيخه صيفي ويكون كل همي هو الاستمتاع بالثلج واخلي الذهاب والعوده عليهم
ام انه لازم انا اروح بنفسي ومن قطار لي قطار ومن باص لي باص
اليوم الثالث الذهاب الى البحيره الزرقاء blausee ومنها الى بحيرة oeschinensee وهم نفس السؤال شلون اروح ؟؟؟ وهل اقدر اني اروح بنفس اليوم الى الزحليقه الصيفيه heimwehfluh
وهم بكون طماع وابي اسال عن القفز بالمظلات وين يكون ؟؟؟ حسب الي شفته انه يكون بنفس منطقة البحيره الزرقاء يعني من هناك اقدر اروح ؟؟
و بخصوص الفندقين هل هم قراب من السنتر يعني يكون يمهم محلات تجاريه و كوفي شوب
واليوم الرابع الذهاب الى فرنسا عن طريق جنيف
وتخطيط الرحله بيكون ( كويت - دبي ترانزيت ساعتين - زيورخ ثم الذهاب الى انترلاكن بالباص وبيكون حجزه من المطار البقاء في انتر لاكن 3 ليالي ثم الذهاب بالقطار الى جنيف وتبديله ومنه الى فرنسا والبقاء في كنكورد لافيت 4 ليالي ثم الذهاب الى يورو ديزني لاند والبقاء ليلتين ثم الذهاب الى عن طريق القطار لندن والبقاء 4 ليالي ومنها الى دبي ومنها الى ارض الوطن الكويت ) ودمتم بخير
هذي بتكون رحلتي الى انترلاكن انصحوني بما عندكم من خبره ومعرفه ودمتم بخير
اخوكم : بوعبدالعزيز
مع تمنياتي لك بقضاء اجازة سعيدة