وعليكم السلام
حياك الله أخوي
طالما إنها 10 أيام تقريبا فأقترح عليك الجدول التالي
يوم 7 يكون الوصول وتستأجر سيارة من الجانب الفرنسي في المطار
ثم تتجه إلى ديفون أو تواريه الفرنسية والتي تبعد عن المطار 16 كم تقريبا وتسكن فيها
خصوصا إنه السكن فيها رخيص يصل إلى أقل من 400 ريال تقريبا
يوم 8 تتجه إلى آنسي الفرنسية وزيارة بحيرتها وأسواقها وترجع بنفس اليوم
يوم 9 تتجه إلى شامونيه وترجع بنفس اليوم
يوم 10 تخرج من الفندق صباحاً وتسافر إلى رست الألمانية لزيارة ملاهي اليورب بارك
يوم 11 تزور ملاهي يورب بارك من الصباح إلى المساء
يوم 12 تخرج من الفندق وتتجه إلى انترلاكن ( تزور شلالات الراين على طريقك )
من يوم 13 وحتى يوم 16 تكون في انترلاكن
يوم 17 تخرج من الفندق صباحا وتتجه إلى الريف الفرنسي (ديفون أو تواريه ) مثلا
لتسكن في آخر ليلة قبل سفرك وتستعد للسفر لو حبيت تزور أسواق
نفس الخطة سويتها لصاحبي رايح شهر عسل إن شاء الله

بالنسبة لموضوع السيارة أو القطار أنصحك تاخذ سيارة
السيارة نصف متعة الرحلة وبها استقلالية تامة
وتكون حر نفسك لا تقيد بمواعيد قطار
وغير كذا فيه أماكن ريفية ما تصلها القطارات
ولا تتخوف من القيادة هناك فهي سهلة جدا

اول شي مشكور علي تفاعلك اخوي
وثاني شي احس المناطق واجد بحكم سفرتي الاولي واللغه موب جيده عندي
او عادي لن اواجه اشكاليه لين متخوف والله .. والفنادق او الشقق خصوصا انتر لاكن لين عجزت القا سكن مناسب
ودي ازور جنيف وخصوص اخر محطه هل هي قريبه من المطار لين رحلتي بالصباح تقلع ..
والسياره التماتيك غالي هل العادي متعب هناك ولا عادي ولقيت سينكست ويورب كارب اي افضل بحكم تجربتكوانا مقدر ادخل المانيا لين الفيزا الي معي ممن سويسرا بحكم النظام الجديد

ممكن سؤال كيف ماتقدر تدخل المانيا بحكم النظام الجديد وشوالنظام ؟؟ انا الي اعرفه فيه شنغن لدول الاتحاد الاوروبي كله ؟؟

ام ريمان صالح
النظام الجديد لازم يكون فيزتك على المانيا وتدخل الاتحاد الاوربي اما لما تكون فيزتك ع اي دوله ثانيه ماتقدر تخشها هذا الى سمعته من المكاتب

من قال لكم إنكم ما تقدرون تدخلون ألمانيا
التأشيرة بتكون من سويسرا لأنه رحلة الذهاب والعودة من جنيف
وتأشيرتك تسمى ( شنقن ) تقدرون من خلالها تدخلون دول الشنقن ال 32 كلها في هذه السفرية
ومن ضمنها ألمانيا وفرنسا وكأنك في دولة واحدة وحتى جواز سفرك ما ياخذونه ولا يختمونه
أحيانا يطلبونه من باب التأكد من الهوية فقط
وحتى لو لغتكم الانجليزية قوية ، في اوروبا لا تحتاجونها كثيرا
والأمور سهالات لا تخافون

كلام غريق الشوق هو الي اسمع عنه واعرفه اما الي يقولونه لك المكاتب ما اتوقع صحيح ..

اخوي غريق الشوق انا المكاتب قالو لي لما تفيز ع اي دوله ماتخش المانيا ذا النظام الجديد لابغيت المانيا حطها بلد الوصول ورح لي ديره وراك وانا مادري والله

التنقل بالسيارة أفضل الطرق بأوروبا
وخطة الرجال جيدة ويمكنك تغيرها على حسب ذوقك لان الناس اذواق فيه أماكن يمدحها ناس ولم تعجبني بتاتا والعكس
ضع بالمخطط مسارات أحتياط بحيث اذا لم يعجبك المقترح بالرحله تغير وجهتك
بخصوص اللغه لا تهتم أي دولة بالعالم الا بلغتها وان وجدت من يتحدث الانقليزيه فلا يتكلم اللغه بشكل جيد
أنا رحت دول ورجعت وكانت لغة الإشارة هي المتعامل بها في سفري
اللغة الانقليزيه رسميه فقط في الدول المتحدثه بتلك اللغه وبعض الدول الاوروبيا كهولندا والدول الاسكندنافيه
عموما توكل على الله وترا الدعوه سهالات
بالتوفيق