انا سكنت فى الماريوت قبل اسبوعين بالضبط واخذت الغرفه بسريرين مع انى لوحدى ب 580 رنقت ماليزي ..
انا حجزت مباشره رحت للريسبشن وقلتلهم ابي غرفه واخذت 4 ايام واليوم الخامس قالولى الفندق فل وفي حجوزات ولكنهم جابولى غرفه فى الفندق اللى وراهم مباشره اسمه ريتز-كارتون فخم جدا وغرفته اخذتها ب550 رنقت ..
يالله انا اعطيتك التسعيره وانت دبر عمرك وشوف الحجزوزات .. انا طبعا طلعت من عندهم والان ساكن مع اصحابي فى شقتهم الشهر ب 1000 رنقت ومريح راسي

حلو السعر
بس طريقة الحجز تخوف تعرف انا شهر عسل صعب اروح كوالا واحجز بنفس اليوم
انا بحجز عن طريق النت عشان اتأكد وماشيل هم الحجز
الف شكر لك

تكفون اسعفوني بسالفة الماريوت لاني لقيت حجز عند مكتب غرفة ديلوكس ب 4700 4 ايام
احسه غالي مره قلت امكن احصله في النت ارخص

نودي
إش معنى بس ماريوت ؟؟ طيب وبقية الفنادق كيف بتحجزها؟
أخي الغالي لازم تعرف طريقة الحجز لكل الفنادق ممكن تحجز عن طريق مواقع الحجز المعروفة وممكن أيضا عن طريق موقع الفندق وبالنسبة للدقع يختلف من فندق لفندق بعضها يخصم حالاً وبعضها الدفع عند الفندق لما تصل
تفضل هذي مواقع الحجز الموصوقة تقدر تحجز منها
http://www.agoda.com
أو من موقع الفندق نفسه
https://www.marriott.com/hotels/travel/kuldt-jw-marriott-hotel-kuala-lumpur/
لكن نصيحة قبل الحجز أن تأخذ جولة في البوابة لأنه يبدو لي أنك ماعندك فكرة كافية عن الحجز عن طريق الإنترنت
فلا تستعجل حتى لا تجيب العيد
تمنياتي لك بالتوفيق

نودي
4 ليالي ب 4700 ريال ؟!!!! يعني الليلة ب 1175 ريال ؟!!
صاحب المكتب هذا سكران
شوف الآن من الإنترنت الغرفة الديلوكس ب 500 رنقت يعني = 625 ريال
4 ليالي = 4 * 625 = 2500 ريال فقط !

اخوي المغادرون الف شكر على ردك
انا قلت الماريوت بس لان الفنادق الثانيه اللي انا حاجزها كلها ممتازه الا كوالا حاجز على فندق prince عشان كذا حاب اغيره للماريوت والمكتب يقولي 4 ايام غرفة ديولكس شامل الافطار 4700 ريال
انا بصراحه شفتها كثيره بالمقارنه مع مواقع الحجز عن طريق النت
لاتخاف حبيبي اخذت جولات مره كثيره على المنتدى وفادني كثير الحمدلله وشفت طريقة الحجز سهله جدا
بس استفساري كان هل سعر الليله اللي تكون موجوده بمواقع الحجز شامله للضرائب ولا لأ ؟؟
معليش حأتعبك معايا
والف شكر لك مره ثانيه

طيب طمنتني ياغالي .. معليش سامحني أنا بس من خوفي عليك !
بالنسبة للأسعار المعروضة في مواقع الحجز بدون الضرائب لكن لكي تعرف القيمة أضف عليها 16% ماعدا في لنكاوي أضف 10% فقط
علماً بأنك إذا اخترت الفندق واستمريت في عملية الحجز يضيف لك الضرايب في آخر خطوة ويعطيك السعر الإجمالي
تمنياتي لك بالتوفيق دائماً
وتصبحون على خير

عفوا فيه خطأ بعدد الايام انا كنت كاتب انها 4 ايام
والصح انها 6 ايام ب 4700 ريال اسف على الخطأ بس وربي من التعب والنوم لخبطت وانلحست
هل السعر مناسب ولا احصل ارخص في النت ؟؟

حتى لو 6 ليالي برضه السعر غالي
عندك سعر الليلة اضربه في 6 وشوف الفرق كم عن سعر المكتب