السلام عليكم ...
حياكِ الله اختي الوتين وان شاء الله تكوني رتبتِ اوراقك .
عن نفسي اقدرلك انكم حتصرفوا في اليوم 700 ريال ....
بما انكم بالغان و3 اطفال الله يحفظهم ...في بعض الايام حتكون صرفيتكم
اكثر.. خاصة ان كنتم بالملاهي او يوم ما ودكم تروحون لنكاوي وحتلاقون
ايضاً في بعض الايام انه هناك فائض من المبلغ ...فهذه تغطي على هذيك .
700*12=8400 ريال ...ان شاء الله يكون فيها فائض .
كأنه ماعجبك فكرة روحتك للنكاوي ...ان شاء الله مرة ثانية تروحوا وتباتوا فيها
وتقدري من فندقك ببينانغ تنسقي رحلة لمدة يوم من بينانغ للنكاوي
يسمونها استكشف لانكاوي .. المواصلات عليهم وكل شيء عليهم في
التنقلات والفرد ب125-150 ريال ...لكن دخولكم للحدائق والتماشي والاكل
كلها من فلوسكم ....يعني لا تروحوا فاضيين وخل معاكم فلوس ...في ناس
يحسبون كل شيء على الشركة ويجيب معاه 50 ريال ويتورط هناك ..
تروحوا الصباحية 7 ...لاجل تلحقوا الفيري وترجعوا من هناك قبل المغربية
وعبال ما توصلوا يكون عدا العشاء ...لكن فيري والله يعين الاطفال .
قبل ايام كنت اتناقش مع اخ عزيز ...قال وش رايك بأسعار ماليزيا ..
صراحة اسعارهم عادية ...الفرق موجود لكن بسيط ...الاكل السريع عندهم
ارخص من عندنا لكن الملابس فرقه بسيط ...والعطور اشوف انه عندنا ارخص
انا اقصد الماركات العالمية ...عندك عطر شانيل تشانس عندنا 100 مل
ب250 ريال ...هناك قريب 300 ريال...يعني شيء عن شيء ..ما ابغاكِ
تروحِ هناك وتنفجعي وتقولِ اهل المنتدى يحبون الركب ترى امزح ...
انتِ اعلى من كده واهل المنتدى فيهم الخير الرخص في بعض الاشياء
ويعضها غالي بشهادة الماليزيين نفسهم ...لانهم يدفعون ضرائب للبضائع
المستوردة ...اشياء مصنعة عندهم تلقينها رخيصة ...وترى في ملابس
ماركات وحلوة ويصنعوها ببلادهم وتلاقين اسعارهم حلوة .
موفقة اختي ولا تستحي ان بغيتي تسألي اي شيء ...ودنا تروحون هناك
وانتم مبسوطين وكل شيء منسق ومرتب وترجعوا لنا بالسلامة .
والسلام عليكم