1. والعوده تقريبا بعد 15 يوم او 20 يوم


2. المهم قالولي انه شهر 11 تكون غاليه

السلام عليكم
يعطيكم العافيه
انا انشالله بروح الصين تاريخ 8-11-2010

والعوده تقريبا بعد 15 يوم او 20 يوم

المهم قالولي انه شهر 11 تكون غاليه

وبقولون انه بعد بشهر 11 مو وقت سفره حق الصين وتكون مافيها اشياء وايد بالتسوق وانها تكون غاليه وبعض البضايع المفرد ما احصلها ومادري انا قالولي جذي طقيت برييك وخفت احجز هل وقت لانه هل وقت الوحيد الي اقدر اسافر فيه الصين
وعلى فكره انا مسافر الصين لغرض مشتريات بصيطه نوعا ما شخصيه ونوعا ما تجاري يعني تقريبا عندي كذا شي معين من المشتريات باخذ منهم كميه بحدود 12 حبه الى 200 حبه نقدر نقول جمله
يعني السفره تجاره بسيطه اصرفهم بين الاهل والربع واعرض بعضهم بالمنتديات التجاريه واغراض شخصيه وهدايا
ومنها سياحه
يعني 40 بالميه تجاره واغراض شخصيه و 60 بالميه سياحه
وانا رايح هونك كونك بقعد جم يوم وكوانزو اخر الايام حق المشتريات
حبيت تقولون لي وتنصحوني انه مثل ماقلت لكم طريقت سفرتي وابيكم تجاوبون عليها بالتالي
1- اسعار المفرد والجمله نفس اسعار الاشهر الباجيه او فيها اختلاف بسيط
2- اسعار الفنادق والتكاسي نفس ما اهيه المعترف فيها حاليا
3- هل يوجد سلعات متنوعه مثل الاشهر العاديه غير شهر الي يصير فيه معارض بكوانزو
4- تقريبا بروح مابين 15 الى 20 يوم الى الصين كم يوم تنصحوني اقعد بهونك كونق وكم يوم اقعد بكوانزو علشان اخلص مشترياتي واشحنهم بكوانزو
5- هل تنصحوني بديزني لاند الي بهونك كونك او انها مالت اطفال فقط ؟؟ هل تكفي يوم واحد ام كذا يوم علشان اخلص الديزني لاند
6- تفضلون اروح اي يوم من ايام الاسبوع الي مافي زحمه بديزني لاند
واشكركم لانكم استحملوتني بالاسئله بس الفضل يعود لكم انتوا راح تنقذوني اني اسافر ولا لأ انا اهم شي عندي المشتريات والبضاعه القليله نوعا ما
ناطر ردكم لاهل الخبره