عبادي الامارات
حبيبي عبادي الامارات
الله يحييك في منتداك بين اخوانك ...
بالنسبه لفندق بلانجي بيتش في جزيره لنكاوي .. ماعليه كلام .. الكل يمدحه.
بالنسبه لفندق رينيسانس في مدينه كوالالمبور.. ما ادري عنه صراحه .. بس عندك فندق ترايدز الجميع اجمع على فخامته ونظافته وروعته..
وتقبل مني كل الحب والتقدير
:36_3_15:

السلام عليكم ورحمة الله وبركاته
اخوي عبادي حياك الله بين ربعك واخوانك في منتدانا الجميل والرائع
انا اقول مثل ما قال اخوي الصقر بيلانجي بيش يمدحونه بصراحه انا ما جربته بس انه روعه من موقعه على النت وكلام الاخوان في المنتدى
اما بالنسبة لفندق ترايدرز فأنا احدثك الان من نفس الفندق تراه اكثر من ممتاز واكثر من فخم (بس اختار غرفه ديلوكس على الحديقه والبرجين او افضل حسب الاستطاعه ) وعيش التجربه تراها جميله جدا
وتحياتي للجميع

اشكر الصراحه كل من رد عليي اخواني لكم جزيل الشكر استانست من تفاعلكم ويايي . .
ام بس نحن حجزنا على الرينيسانس وكنت ابا اعرف راي المسافرين فيه . .

اهلين اخوي عبادي
والف اهلين بحبايبنا اهل الامارات
انا سكنت فندق الرينسانس عام 2004
وكان راقي جدا وفخم
وايضا قريب من البرجين ( وبامكانك تتاكد من مواقع الفنادق وقربها من البرجين عبر موقع جوجل ايرث .. )
في عام 2004 نصحوني بعض الاعضاء بان يكون حجزي بالرينسانس بالبرج الجديد
لانه عبارة عن برجين قديم وجديد وبالفعل خذينا في الجديد وغرفة مطلة عالبرجين ولا احلى ..
وفي تلك السنه - ايضاً - كان معاي الوالد الله يحفظه وكنا نروح للبرجين مشي على رجولنا والوالد عمره 70 سنة تقريبا
اسف على اطالتي وذكري لبعض التفاصيل
الا انني ارى ان هالفندق بالذات ماحد جاب له طاري مع انه خمس نجوم ومطل عالبرجين
ووقتها سعر غرفتنا سريرين + سرير ثالث مطل عالبرجين 380 ريال تقريبا ان لم تخونني الذاكرة + الافطار
واذكر عندهم فطور عربي يعني فول وحمص و..و..
وجدار المطعم معلقين عليه شمغ فلسطينية اسود وابيض زي شماغ الراحل ياسر عرفات كديكور
واي استفسار عن هالفندق المظلوم انا في خدمتك - بعد اذن المشرفين طبعا ؛ )

الصراحه مب قادر اعبر لك عن فرحتي بتشريفك ل موضوعي حبيبي وردك على استفساري وفعلا لاحظت هالفندق محد يرمس عنه او يتكلم اش عنه ؟ ؟
اخويي انا وايد اشكرك وبالعكس لا اطلت علي ولا شي ارتحت . . واذا بعد انته تامر بأي مساعده حياك اخوك موجود عبادي

ام ماشفت آراء أعضاءنا . . الباقيين

مرحبا أخويه عبادي
من خلال تجربتي ال6 مرات الى ماليزيا.... انا سكنت في رينسسانس أول مره وكان وايد فخم وحلو وما عليه كلام خاصه حوض السباحه الكبير جدا اللي فيه بس فيه عيب واحد وهو الموقع يعني اذا بغيت مطعم قريب ما بتلاقي وبتضطر انك تركب تكسي لين شارع العرب.
لإانا انصحك انك تدور فندق قريب من شارع العرب عشان المطاعم والكوفيات والمولات.

الصراحه يكفي اني شفت مكان اقامتك .. استانست والله لنك اماراتي الفخر نفسي
اشكر لك رايك ال غ لا بنحاول انغير الحجز ومب عارفين

اخوي عبادي
كلام بو سيف صحيح
انصحك بفندق في شارع العرب ,, بل هو في قلب شارع العرب
جي دلبيو ماريوت
5 نجوم ,, ومن اجمل فنادق كوالا ,, من ناحية الاسعار مقبول ,, ومن ناحية الخدمة جيد جدا
,, ومن ناحية مكان الفندق اقولك ممتاز ,,