و عليكم السلام و رحمة الله و بركاتة ""
ممكن هذة المنتجعات تناسبكم
Malisa Villa Suites -- Banyan tree Phuket --Impiana private villa katanoi

أنا مع اقتراح الأخ الحمادي
شخصيا قضيت 5 أيام في هذا المنتجع
منتجع ماليسا
هدوء واسترخاء وسعرة ممتاز مقارنة بالمنتجعات الأخرى
ويكفي الحمام ودك ماتطلع منه
لكن يعيبه أن المنطقة هادئة ليست بصخب الباتونغ وربما تكون ميزة لمن يبحث عن الاسترخاء

شكرا جزيلا للأخوة حسن الحمادي و Muallim وجزاكم الله خير
وخاصة موضوع الحمام مهم جداً ههه
بس كأنه بعيد عن اي مول او مكان حيوي ولا ايش رايكم ، افيدوني

هو قريب من شاطئ الكاتا
لكن مافي مجمعات أو مولات كل اللي حوله بسطات و محلات عادية
والمهم قريب منه سيفين إليفين
والمطاعم قريبة بس ماهي حلال
ولو تبي تروح للباتونغ مشوارك 400 بات رايح وزيها راجع
اقتراحي لك تخليها آخر 3 أيام في هذا المنتجع
لأنه حرام انك تتسبح و تتمشى في الرحلات وأهلك مايقدرون هذي فرصتهم
والموقع مايستاهل انك تقعد فيه أكثر من كذا
بمناسبة الحمام
كبير جدا وفي دش داخلي ودش في الهواء الطلق و جاكوزي داخلي
والإفطار يتم إعداده داخل الفيلا