تروح وترجع بسلامه
ماتحتاج فيزا تسويها قبل في الطياره يعطوك ورقه الفيزا وتعبيها
ثانيا ماانصحك تسكن في فندق دزني لاند لانه يكفيها يوم كامل وهي تعتبر بعيده حبتين عن الاماكن السياحيه الثانيه بس لاتفوتها تستاهل العنوه
ثالثا انا سكنت في فندق ناثان اعتبره مناسب لنوم فقط اثاثه عادي لاجديد ولا قديم ونظيف بس موقعه جدا ممتاز لانه قريب من كل شي والاستقبال محترمين وخدومين
الاماكن السياحيه
اوشن بارك دزني لاند شارع النجوم (كورنيش كولون ) ذا بيك فكتوريا
معبد بوذا. متحف الشمع
والتقارير الاعضاء بتفيدك لانه ماتغيرت كثير وانا رحلتي كانت قبل شهر وافادتني كثير *

مشكور اخوي
بخصوص فندق ديزني لاند .. لازم بنسكن فيه يومين لان عندنا اطفال ومافينا عالبهدله ..
ونحن رايحين مخصوص عشان ديزني ....
والفندق شكرا على اقتراحك ... بس مب حابه ابدا اني احجز في فندق عادي ...
لان من عادتنا ان نقعد فالفندق وننزل السوق .. ما نطلع من اول الصبح لين اخر الليل بره البيت ...
اليهال ما يتحملون ومثل ماقول دايما نحن رايحين نرتاح ما رايحين نتعذب لول ..
انتظر باقي الاعضاء

اخوي سعد ..
الحين انا اللي بسافر ولا منو !
انا سالتكم عن الفنادق والاسواق ....
ليت تفيدني في هالاشياء ...
نحن رايحين سياحه ونرتاح مارايحين نعذب عمارنا من الفجر نطلع لين اخر الليل

اتوقع ديزني تكفيها يومين يوم راحه في الفندق ويوم تجول في المنتزه
وجهة نظر لا غير

وراك معصبة الله يهديك الجماعة يعطونك الي هم يرون انه صح انتي اذا اعجبك ولي ردي بطريقة اهدي من كذا
تحياتي

zoomyat
كنت راح ادلي بدلوي و اكتب لك كل شي تحتاجيه من الالف للياء حتى ادق التفاصيل كنت راح اشرحها لكم
بس بكل امانة بعد ما شفت اسلوبك الله يهديكي جدا جاف مع الاعضاء
تذكري دائما ( لا يشكر الله من لا يشكر الناس )

1. فندق الفايف اليمنت


2. الفور سيزون

zoomyat
ما تعودت اشوف استفسار في حاجة افهم فيها و ما ارد
المهم
هونج كونج لا تتطلب فيزا من الخليجيين و يكفي بمجرد وصولكم تعبون الاستبيان و تدفعون رسوم الفيزا الي يتم استخراجها من المطار و هو مبلغ رمزي
الفنادق الممتازة
الانتركونتيننتل الواجهة البحرية كأفضل اطلالة في كل هونج كونج
فندق البنينسيلا " شبه الجزيرة " تحفة معمارية في هونج كونج
ايكون ICON كاعلى تفييم في مواقع السفر مصنف خمس نجوم و سعره جدا معقول
Garden Royal الدور التنفيذي 16 مميز و سعره فيه
W hotel من سلسلة Starwood متميز و رومنسي و رائع جدا
ماركو باولو و شنغيريلا كاولون
كل هالقائمة في منطقة كاولون المطلة على ناطحات السنترال
في السنترال هونج كونج يوجد عدة فنادق متميزة مثل
ماندرين اورينتيل باطلاله رائعة
فندق الباسيفك بارك

فندق الفايف اليمنت

الفور سيزون

نرجع لنقطة مهمة 4 ايام على ديزني بهونج كونج جدا جدا كثيرة و لو راح تجاوبين اختي الكريمة انكم رايحين عشان ديزني لاند راح اقول لك هونج كونج ليست الخيار المناسب لزيارة ديزني و غيرو وجهتكم لديزني لاند لوس انجليس بكاليفورنيا او ديزني لاند اورلندو بفلوريدا بالولايات المتحدة الامريكية اما بقية مدن ديزني لاند بفرنسا و هونج كونج و طوكيو لا تكاد تذكر لا مساحة و لا تنوع
يوم واحد كفيل بالاستمتاع بكل ديزني لاند من الصباح الى المغرب و لا فيها لا تعب و لا شي في التنقل الوسائل متاحة و متوفرة و رخيصة
اوشن بارك اكثر تميزا من ديزني لاند في هونج كونج
قبل التوجه لهونج كونج ارغب منك اخذ وقت بسيط لتصفح موقع ديزني هونج كونج و موقع اوشن بارك
http://park.hongkongdisneyland.com/hkdl/en_US/home/home?name=HomePage
الاماكن الي تقدرون تزورونها نفس الفي في التقارير ما تغيرت هونج كونج كثير من 2008
اهم الاسواق
Harbour City
Times Square Hong Kong
Sogo Hong Kong
Miramar Shopping Center
Fa Yuen Street
Five Elements
Pacific Place
اهم مدن الالعاب
اوشن بارك
ديزني لاند
اهم المواقع
ممشى النجوم " ستارز افينيو "
الواجهة البحرية " فيكتوريا هاربر "
القمة the peak و المجمع التجاري هناك و متحف الشموع مدام توسو
الخليج البحري
اهم المناطق للبازرارت
الجيد ماركت
الليدي ماركت
مونك كوك
الثيمبل ستريت " تشاينا تاون "
النيثن سترين
هوليود ستريت
ايضا بالامكان زيارة
ميدان الحرية
اكبر بوذا نحاسية و الاستمتاع بالطريق الطويل لها عن طريق ركوب الكيبل كار " التلفريق " لمدة تفوق ال 45 دقيقة
و امور جدا متنوعة كلها مذكرورة في تقارير الكثير من الاعضاء و العضوات
و ايضا بامكانكم زيارة الموقع السياحية الي تشرح زيارة هونج كونج
http://www.lonelyplanet.com/china/hong-kong
دمتي بود سالمة

مشكور حياة التميز استفدت كثير منك
بعد اذن صاحبة الموضوع