وعليكم السلام و رحمة الله و بركاته
الأخ الكريم خفايا
تروح و ترجع بالسلامه إن شاءالله
و بالنسبه للمواقف اليوم سعره ب 48 ريال و عليك الحسبه
فالحل السهل الممتنع على قولتك
إنك تستأجر سياره من الشركات المتوفره بالقصيم
ومتوفره بالمطار و تسلمها بالمطار و اذا رجعت نفس الشي
تاخذ السياره من المطار وتسلمها بالقصيم
و الشركات هي يا الغالي
هلا
ذيب
بدجت
هانكو
المفتاح
الأفضل
بن هادي
أبو ذياب
بتكون أوفر عليك و أريح لوجع الراس ولا تشيل هم كسر و سرقه لا سمح الله
تحياتي لك و تمنياتي لك بسفره سعيده،،،

طيب مافي احد من اقاربك او زملائك يوصلك للرياض ؟
فكرة الايجار اعتقد انها مناسبة بس تأكد كم المبلغ اللي راح يأخذونه زيادة .. واحسب حسبتك ..

المطار الساعة بريالين
وعليك الحساب
ياخي رح لاي مكان امن ووقفها مثلا بيت احد يقرب لك
او اي مكان عام
المطار غالي

emperador
والله ادري ان المطار غالي وليش اسأل ههه
بس المكان العام تخاف من سرقة السياره
اذا بيت قريبي والله ماعرف الا قليل ومابي احرج احد
ومخليه خيار ثانوي عسى الله يسهلها ان شاء الله

ياخوان حتى سما موقفه وناس مالها رحلات من القصيم للرياض
اعوذ بالله وش ذا الاحتكار مابه الا باص السعودية ههه

صباح الخير
بالنسبة لمواقف مطار القصيم
اليوم ب 28
يعني ال 10 أيام ب 280
وعلى العموم
لو ما فيه رحلة مباشرة وبدون إنتظار ظويل في مطار الملك خالد
فالسيارة أفضل حل
وعادة لما يكون عندي موقف مثل هذا
أطلع بالسيارة للمدينة المطلوبة ...
وأوقف السيارة عند الأقارب وتاكسي ع المطار والسلام
بالتوفيق

ماجد الفهد
الله يعطيك العافيه وهذا اللي بيصير ان شاء الله مشكور اخوي

اهلين خيو
وقف سيارتك بمواقف بفندق صحارى مجاناً او وقف سيارتك بمواقف المحطه اللي مقابل فندق صحاري
المكان هناك زحمه وحركه على طول وامان ومابه سرق وبتلقى كثير من المسافرين يوقفون سيارتهم هناك
اصلا بتلقى المحطه فل سيارات مسافرين وبعدين لا وقفتها خذ لك لموزين ب 10 ريال للمطار من هناك والرجعه كذلك ب 10 ريال يعني طلعت الحسبه كلها 20 ريال والوضع امان ان شاء الله وانت راح تشوف بعينك وتقتنع
واسئل احد من الشباب عن كلامي وراح يريحيك اكثر ويقولك امان

نواف الشوق 888
حلو كلامك وين فندق صحارى قدام المطار ؟ وين موقعه