حياكم الله
السكن في لندن غالي جدا وخاصة في الصيف ووجود شقة بيوفر عليكم الكثير
ممكن تطلعون الصبح الى لندن وماترجعون الا بالليل
منطقة ومبلي فيها الجاليه الهنديه اما اذا امام النادي اعتقد جيدة
واي خدمه

الله يعينكم علي ، اليوم فاضي وببط راسكم قرقه
أخت نوف إذا كان قصدج يوفرها ببلاش ..... فأنا أشوف أنها فرصة ممتازة لأن السكن بالقرب من الأوكسفورد والهايدبارك غالي جداً ومكلف مادياً .... لكن إذا قصدج تأجير لازم تسوين مفاضلة بين القرب من منطقة الأسواق ومركز العاصمة وبين التكلفة ....... عموماً المسافة بين ويمبلي (تحديداً أمام أستاد ويمبلي الرياضي) وبين ميدان أوكسفورد ما بين 50 إلى 60 دقيقة وليس 20 دقيقة كذلك ليس هناك باص يأخذك من ويمبلي إلى شارع أوكسفورد مباشرتاً دون الوقوف بمحطة أخرى (يعني أقل شي باصين) ........ الخلاصة إذا كانت الشقة ببلاش أو بسعر مغري توكلي على الله وأخذيها ومثل ما قال مشرفا تخلون طلعتكم وحده يعني تطلعون الصبح وتمٌشون وترجعون بالليل ..... أما إذا كانت تأجير وفرقها بسيط عن أسعار الشقق بمركز العاصمة فأنا أشوف تدورون شقة قريبة أفضل (يا ويلكم مني يا منتدى المسافرون العرب ....... اليوم فاضي وباقيلي 99 مشاركة بعد
)

لا طبعا مو ببلاش
قالي بيوفرلي شقتين 7نجوم كل وحده غرفتين 1800 الر 2000 باوند للثنتين
انا محتاجه شقه 3او 4غرف نوم بس ماحصلت قريب
اذا عندك خيرات ثانيه ساعدني بس ميزانيتنا مايزيد عن 1800 او 2000
3او 4 غرف

وحنا قاعدين شهر 4اسابيع بالضبط

ويمبلي بالإندر قراوند قريبه جداً من الإجوارود
تقريباً ربع ساعه او 10 دقائق
من محطه ويمبلي الى محطه بيكر ستريت ثم تغيرين الى محطه إجوارود
انا نصيحتي اذا تعرفون سمسار ثقه ( اسكنوا في ميدا فيل )
خلف الجسر اللي في آخر إجوارود
انا بكره راح اسكن في شقه جديده انا اول من يستخدمها
السعر ثابت مافيه إرتفاع

اذا بتدفعون 2000 باوند قربو على الاكسفورد

nouf khaled
والله يا أخت نوف ما عندي خبر عن أسعار الشقق بلندن حالياً لأني صارلي سنتين ما رحت ....... لكن اللي يفيدج فيها المشرفين وما أعتقد انهم يقصرون ، لكن الحل الأسلم أنكم تحجزون يومين أو ثلاثة في أي فندق أو شقق فندقية وبعدين تروحون للشقة بنفسكم وتشوفون تعجبكم وإلا لا .

كايد قطر
أخي العزيز كايد قطر ...... الأجوارود ما فيه شي يستاهل العنوه غير المطاعم وهي متوفره بكافه لندن ...... أما بخصوص المسافه فأعتقد أن حساباتك غير دقيقة ويمكنك التأكد عبر الموقع http://journeyplanner.tfl.gov.uk/user/XSLT_TRIP_REQUEST2?language=en

موادع1
مشرفنا العزيز ..... ترا الأخت مشاركتها غير واضحه هل الشقتين ب 2000 باوند للشهر أو للإسبوع ؟؟؟ وهل السعر للشقتين أو للواحده ؟؟؟