نشر في فوكيت

استفسار عن مطار بانكوك

Fahd Alsaidan

14-09-2022 - 07:21 pm

السلام عليكم جميعاً ...
لو سمحتوا عندي شي مقلق بالي بصراحة
انا حاجز علي طيران القطرية الدمام - بانكوك
وقت وصول الرحلة 28/9 الساعه 19:00
وبعدها ع طول عندي رحلة علي طيران اسيا لفوكيت الساعة 21:20
يعني اتوقع قدامي ساعة ونص علشان اخلص امور الفيزا والجواز والعفش واروح اسجل دخول في الطيارة الثانية
هل تتوقعون وقت كافي!؟؟؟

التعليقات (9)

faisal_515

14-09-2022 - 10:52 pm

اخي العزيز يعتبر وقت مغامره
اذا تقدر تمدد بالوقت او تفيز من بلدك يطون افضل لان ساعه ونص اصلاُ العفش حق طيران اسياء يغلق قبل الرحله ب 45 دقيقه فا وين تلحق تفيز وتستلم عفش و تطلع للدور الرابع
اخي العزيز راجع نفسك بالوقت
تحيه

fahoood.1987

14-09-2022 - 11:53 pm

يعني شورك كذا عزيزي!؟؟
الله لايخسر ,,
طيب حصلت في طيران بانكوك الساعه 21:50
الشيك ان يقفل قبل 40 دقيقة
يعني فرق ساعتين وثلث بين الرحلة احجزها ولا ايش رايك!؟؟
بليز ابي رد اليوم علشان احجز

faisal_515

15-09-2022 - 12:54 am

اذا تبي تطلع الفيزا من المطار خل لك اقل شي 3 ساعات ونص الى 4 ساعات
المطار كبير ولو سمح الله حصل تاخر لك بالرحله كون عندك وقت كافي
تحيه

alirabea

15-09-2022 - 01:55 am

يا لحبيب عندك خيار ثاني انك تعمل web chek in من النت و تأخذ معك شنطة وحده hand bag و تحملها معك على كبينة الطائرة بكذا ما راح تحتاج الى الكونتر خله يغلق على كيفة انت عندك البوردنغ كارد فتتوجة الى بوابة المغادرة الى الطائرة .
هذا الاقتراح يصلح للشباب العزوبي

Fahd Alsaidan

15-09-2022 - 02:56 am

طيب حصلت 3 ساعات كافيه يا جماعة !؟
ولو فرضنا اني فيزت من الرياض < يكره الرياض مايبي يروح لها
الخيار الاول (اسيا اير) بيكون الوقت كافي!؟

Fahd Alsaidan

15-09-2022 - 03:57 am

بمعني آخر ... لو عندي الفيزا
ساعة ونص تكفي لتختيم الجوازات و استقبال العفش والذهاب الي البوابة!؟
صديقي alirabea شلون تروح تايلند معك شنط صغار
المشكلة احنا 4 شباب يعني انواع العزبة والاغراض ههه

Fahd Alsaidan

15-09-2022 - 04:58 am

امم جالس افكر لو ساعتين وثلث..
اقدر افيز واخلي احد من الشباب يمسك سرا في الجوازات شرايكم يمدي!؟

q8hunter

15-09-2022 - 05:59 am

المشكلة مو بس وقت الفيزا والجوازات .. المشكلة لا سمح الله اذا حصل تأخير من الطيارة نفسها وما طارت بوقتها .
نصيحتي لك خل ثلاث ساعات على الاقل بين الرحلتين . واخذ تذكرة مسترجعه .
ولاتنسى ان وصولك في الليل يعني اذا بتفيز من هناك أزحم من النهار .
رحلة موفقة .

Fahd Alsaidan

15-09-2022 - 07:00 am

يالصياد فديتك بقولك وضعي بالضبط وقول لي وش اسوي...
1- طيارتي من القطرية توصل بانكوك 18:55
2- طيارتي من اسيا اير تقلع 21:20
الخيارات الي قدامي.. اقدر اخذ الفيزا من السفارة اذا كان بيختصر وقت
اسيا اير مافي رحلة بعد 21:20
بانكوك اير عندهم رحلة الساعة 21:50
احنا 4 شباب يعني نقدر نقسم الطوابير بينا
وش رايك انت!؟

فوكيت المسافرون العرب

استفسار عن مطار بانكوك