كلامك صحيح طال عمرك
القاعدة بإختصار ، عشان تعرف السالفة تمام
إذا ما فهمت الاعلان سواء باللغة التركية أو الإنجليزية
راقب الناس اللي حولك
إتبع تصرفاتهم
وسلامة قلبك
هذا الموقف تحديدا يتكرر مع كباتاش
في حال فقط صار تأخير
يعني لو تاخرت جدولة الترامات لأية سبب
تتجمع الترامات في محطة كباتاش وهذا بلا شك راح يسبب زحمة مالها داعي
فيقومون بعمل ترتيب سريع
بحث إنه هذا الترام يوصل حد إمينونو وبيطلع للمسار الآخر
وينزّل الركّاب ويطلب منها التوجه حيث الترام التالي
لإنه هذا الترام راح يرجع عكس جهة كباتاش من اجل تنظيم السير وتخفيف الزحمة اللي حدثت في كباتاش لأي سبب كان
( يارب تكون الصورة وضحت )
على كل حال ، أوقات الزحمة دائما في الصباح وبعد فراغ الناس من اعمالهم
وقبلها ، بعد الإنتهاء من دوام المدراس
وطبعا لا تشيل هم ، إركب مع العالم في أي وقت وراح تحصل لك مكان
لو لا ، أنتظر للي بعده وسلامة قلبك
قبل ما أختم
أذكر صارت لي سالفة مثل كذا
تكلمت السواق بالتركي في بايزيد الظاهر
المهم ما فهمت من السالفة
بس شفت العالم كلهم نزلوا
لحقتهم وسالت وحدة تحكي أنجليزي
قالت أنه في حادث
وفعلا مشينا مسافة وحصلنا سيارة مسوية حادث مع شخص كبير في السن وتوقف الترام
ولهذا واصلنا حتّى وصلنا إلى المحطة اللي بعدها وكملنا الطريق
وفقكم الله

دائما تحصل في أمينون حتى في غير أوقات الزحمه
راح تسمع المذيع الداخلي ان هذي آخر محطه
وعليك النزول والتبديل للجهه الأخرى
والناس كلها بتنزل امامك
ايضا في الصباح وقت الزحام تغير في محطة بايزيد
ومحطة شامبرلين تاش
بنسمع المذيع الداخلي والركاب كلهم بينزلون
والافضل انك تسال اول ماتركب الترام

اها الحين فهمت الموضوع .. يعطيكم الف عافيه كفيتوا و وفيتوا

مشكورين الاخوه حاولوا التفسير لكن الموضوع بكل بساطه كل شيئ مجهز سلفا ومنظومه مرتبه مافيها مفاجئات بالنسبه لامينونو وكاباتاش ولأجابة سؤالك بكل سهوله تقدر تعرف مسبقا اذا هذا الترام سيذهب الى كاباتاش او فقط الى امينونو والعوده بأن تقرأ المكتوب على مقدمة الترام هل هو كاباتاش ام امينونو فهو مكتوب بمقدمة الترام باللوحه المضيئه