1. وفي ناس تحب المعقول

وعليكم السلام
اخوي سعود الله يوفق وتنبسط ان شاء الله
الامور بسيطه ان شاء الله
اما اماكن معزوله ههه ماليزيا كلها بشر وناس وياكثر السعوديين فيها المطاعم والمقاهي عد واغلط من كثرها بكل شبر مطعم ومقهى
بالنسبه للفنادق ادخل موقع اجودا واختار مايناسبك ويناسب مزانيتك
اما وش تختار بينانج ولا لنكاوي
عن نفسي اشوف جمال ماليزيا بزيارة لنكاوي واعتبر الي زار ماليزيا بدون لنكاوي كانه ماسافر ماليزيا
لنكاوي اجمل شي زرته بماليزيا بس حياتها كلها بنهار باليل نوم مافي احد لكن انت بنفسك راح تنام من تعب النهار والتجول لانك تقوم من 7 صباح الي المغرب تجي الفندق وانت طافي تبغى النوم
لنكاوي فيها كل شي حديقة الفواكه حديقة الطيور التلفريك اه اه منه ههه بغيت اموت من الخوف
الفورميلا يعني سباق سيارات الشلالات رحله المنغروف اجمل رحله في حياتي تركب في قارب ويتجول فيك في النهر والبحر وتشوف قرود خفافيش طيور وغيرها وغداء وسط البحر سمك وربيان طازج وه بس ذكرتني
عندك البرشوتات البنانا الدبابات البحريه محل الشكولاته والقهوه وغيرها
اما المصروف والله حسب يختلف من لشخص لاخر فيه ناس تحب الفخامه والصرف على الفاضي والمليان

وفي ناس تحب المعقول

وفي ناس اسم اني سافرت عشان اكشخ عند ربعي وجماعتي بعد مايجي من السفر عشان يقولون فلان سافر يعني يسكن فنادق مشي حالك ياكل مشي حالك تلاقيه طول الرحله حاكر عمره مايقدر يصرف عشان الميزانيه انا مايعجبني هاذا النوع اجل ليش سافرت اجلس في بلدي ابرك مادام الدعوه مشي حالك ولازوم فشخره عند الجماعه عشان بس ياخذ سمعه انه سافر
شف انت نفسك من ايات ناس ولا تقول ابغى شي حلو بس اقتصادي هالكلمه ترفع ضغطي يعني وشلون تجي شي حلو و راقي وفخم بسعر اقتصادي الي يبغى الزين لازم يدفع في اي مكان فالعالم
يعني مثلا ماركات السيارات عندك سيارة الروز رايز تقدر تاخذها بسعر اقتصادي طبعا لا لا لا ليش لان الزين غالي فيه فرق بين سيارة الروز رايز وسيارة شركة الهوندا صح
وان شاء الله اكون افتدك

شكرا ام صقر
انا قصدي في معزول يعني اذا بغيت اروح مكان لازم تكسي انا الي احبة مثل هوليدي ان في بينانج كل حاجه موجوده عندي