السلام عليكم
وعليكم السلام ورحمة الله وبركاته
وانا بروح جزيرة جيجو و سيؤول بس
وهي الافضل بكوريا من وجهة نظري
كم عدد الايام في كل منطقة ؟؟
اللي فهمته ان عدد ايام الرحلة 8 ايام
لكن هل الثمانية ايام مع يوم الذهاب والعودة
او ثمانية ايام بدون يوم الذهاب والعودة
عموماً اذا ثمانية ايام بكوريا
اقترح 3 ايام سيول
3 ايام جيجو
يومين سيول
او 4 ايام سيول
3ايام جيجو
يوم سيول
انت تقدر توزعها على ما تبي
الاهم اليوم الاخير يكون في سيول من اجل الرجعة لدولتك يكون عبر مطار انشوان الدولي بسيول
و افضل الفنادق و افضل ما يتعدى سعر الليله 500 ريال ..
و ابغاه قريب من محطة مترو يعني بالكثير يبعد 5 او 6 كيلو
يعتبر 5 كم بعيد جدا
فيه فنادق على نفس مخرج محطة المترو ساذكر الاقرب للمحطة
https://www.booking.com/hotel/kr/sejong.ar.html?aid=1300939
هذا قريب جدا للمترو سعر الليلة 364 ريال
https://www.booking.com/hotel/kr/hotel-prince-seoul.ar.html?aid=1300939
هذا قريب للمترو سعر الليلة 352 ريال
https://www.booking.com/hotel/kr/lotte-seoul-seoul.ar.html?aid=1300939
هذا اللوتي ويعتبر من افضل الفنادق ولديهم اسعار مغرية الليلة 639 اذكر اقل سعر عندهم 900 طبعاً خمس نجوم
https://www.booking.com/hotel/kr/ibis-myeong-dong.ar.html?aid=1300939
هذا قريب من فندق اللوتي وسعر الليلة 500
طبعاً اخترت لك افضل الفنادق في افضل منطقة بسيول وهي قريبة للمترو يعني ما تبعد إلا امتار قليلة لا يتجاوز ابعدها نصف كيلو
وابغى خريطة للمترو ربي يسعدكم
انصحكم تاخذون خريطة من مطار سيول تحصلون شيء باللغة الكورية وشيء انجليزي
و الجو انا عارفه انه شتاء و مبسوطه بس كيف شتاهم ؟؟
انا رحت بشهر ابريل وهو وقت الربيع لكن الجو بارد
يحتاج تلبسوا الدولاب كله
و هل لازم فيزا ؟؟؟
الفيزة تسونها وانتم بالطائرة
قبل توصلون بيعطونكم اوراق تعبونها هذي هي الفيزة
و افضل الاماكن في سيؤول و جيجو ؟؟
ليت تاخذ فرة على مواضيع الاستفسارات اللي قبل موضوعك وتشوف اغلب الخبراء ذاكرين افضل الاماكن
فقط ادخل موضوعين او ثلاثة من مواضيع اللي يستفسرون وسجل المعلومات
ايش الاشياء الضروريه لازم ناخذها مو متوفره هناك ؟؟
اهم شيء الاكل تاخذون معكم اللي يكفيكم
كل اكلهم يعتمد على لحم الخنزير
والدجاج مذبوح بغير الشريعة الاسلامية
وفيه مطعم قريب من الفنادق اللي انا ذكرتها لك اسمه الزعفران لكن سعره عالي شوي
افضل المطاعم الحلال و الكوفيهات
المطاعم الحلال اغلبها في منطقة ايتوان
افضل مطعم جربته انا هو مطعم دبي
اما الكوفيهات متوفرة بكل شارع
و الافضل الاسواق الشعبيه اللي تبيع اللبس الكوري
اسواقهم كثيرة وبكل منطقة وشارع فيه اسواق
والفنادق اللي ذكرتها لك قريبة من الاسواق
بالنسبه للنقاب و اللون الاسود
شيء طبيعي
قبل اسافر اغلب الخبراء كانوا يحذرون من لبس النقاب
زوجتي لبست النقاب والعباءة ولم اشاهد ما يستفز او اي شيء
فقط يستغربون اننا خليجيين وجاين سياحة
حتى اني شفت مصرية وكوريتين متنقبات بمنطقة ايتوان
اياك وان تتنازل عن النقاب
والشعب الكوري ودود
عيبهم الاغلبية ما يعرف اللغة الانجليزية
والعيب الثاني روائحهم كريهة كنك داخل شوق خضار
و من وين اقدر احجز تذكرة جيجو ؟؟
من موقع طيران جيجو اير هو الارخص هذا ربط الموقع
https://www.jejuair.net/jejuair/ko_EN/main/main.jsp
و ابغى محل الميك اب ايتيتد هاوس وين احصله
ما راح اقول لك موقعه الا بشرط
انك تجيب لزوجتي هدية منه
حقيقة ما اعرف وشو ذا بس فهمت انه بتاع مكياج
بس اظن فيه بسوق اللوتي
ربي يوفقكم و يسعدكم
اللهم امين
نحن لا نريد من الاعضاء إلا الدعاء لنا بالتوفيق وحسن الختام
انصحك تحمل برنامج مواقيت الصلاة
وافضلها برنامج صلاتك من اجل اخبارك باوقات الصلاة بكوريا
الفرق بيننا وبينهم 7 ساعات تقريباً
اتمنى لك رحلة سعيدة

الله يعطيك العافيه اخوي
كفيت و وفيت ماقصرت
جعله الله في ميزان حسناتك
بس عندي استفسار
بخصوص السفر من سيؤول لجيجو
ايش افضل مطار
يعني لما دخلت جيجو اير
شفت اني اقدر اروح من مطار غيمبو و مطار بوسان و مطار cheongju
مادري ايش الافضل من قربه لفندق Lotte mapo؟؟؟
الله يسعدكم يارب اجمعين

العفو
سيول فيها مطارين فقط
مطار انشوان وهو مطار دولي
الثاني مطار جمبو وهو داخلي
اما بوسان فهي مدينة تبعد عن سيول قرابة 300كم
انت اختر مطار جمبو

الله يعطيك العافيه من جد ماقصرت
بس عندي استفسار
الحين طريقة التنقل بالمترو هل هي صعبه
والا بوجود الخريطه بتكون سهله
ثاني شيء
هل هي بطاقات للمترو او تذاكر
وهل يعاد شحن البطاقه
والا تستخدم مره وحده
ومن وين اشتريها
و طريقة التنقل بالمترو كيف
يعني انا سمعت انه احتمال انك لو تبغى مكان
تاصل محطه بعدين تنزل من المترو الاخضر و تركب الازرق و و لين تاصل المكان اللي تبيه
و الشيء الثاني
اذا وصلت المطار ان شاءالله
هل يوجد مكاتب سياحيه
يعني يصير معي شخص يتنقل معي و يترجم لي
و بكم يكلف لو اخذ شخص
هل المترو يغني عن هالشخص
ربي يعطيكم العافيه جميعا
و بالاخص الزنون الله يسعدك وين ماكنت

الحين طريقة التنقل بالمترو هل هي صعبه
اذا اول مرة تستخدمه راح يكون صعب شوي
اما اذا قد استخدمته فاسهل منه ما فيه
اذا لم تستخدمة ابد فاول يوم راح يستصعب عليك ثاني يوم خلاص يسهل عليك
الاهم يكون معك خريطة للمترو بالانجليزي
اذكر اول مرة ركبته بحياتي كان صعب
لكن ثاني مرة فهمته وصرت استخدمه دائم
هذي خريطة لسيول فيها خطوط المترو
هل هي بطاقات للمترو او تذاكر
فيه بطاقات وفيه تذاكر
لكن الافضل تاخذ بطاقة اريح لك
اما التذكرة كل ما نويت تروح لمكان تروح للجهاز وتختار المحطة اللي بتروح لها ثم تودع فلوس بالجهاز ثم تطلع لك التذكرة
وكل مكان تروح له لازم تسوي نفس الطريقة
اما البطاقة تاخذها وتشحنها اي مبلغ وتستخدمها بكل مكان
للمترو والباصات والسوبر ماركت
مكان البطاقات اما بالسوبر ماركت او بمحطات المترو
والافضل اللي بمحطات المترو وانصحك بها
مترو سيول تحت الارض اذا نزلت له تحصل فيه مكائن مثل مكائن البيبسي او مكائن الشوكولاتة التي تكون عند الفنادق او المستشفيات
اذكر سعر البطاقة 2000 ون يعادل 7 ريالات تقريباً
ثم تشحنها من نفس الآلة بالمبلغ اللي تبي وبعدها تمررها على منافذ المترو وآلياً ينخصم المبلغ
ومتى ما خلص المبلغ تشحنها مرة ثانية
وتقدر تشحنها من السوبر ماركت
و طريقة التنقل بالمترو كيف
يعني انا سمعت انه احتمال انك لو تبغى مكان
تاصل محطه بعدين تنزل من المترو الاخضر و تركب الازرق و و لين تاصل المكان اللي تبيه
شوف هو على حسب مشوارك
احياناً مشوارك على نفس خط المترو اللي عندك
يعني تركب واحد من اول المدينة لاخر المدينة بمترو واحد
لكن احياناً يكون مشوارك بعيد ويحتاج تركب مثلا المترو رقم 1 ثم بعد محطتين تنزل وتركب مترو رقم 5 وكذا
لكن صدقني اذا فهمت شغلة المترو راح يكون اسهل من شرب المية
هذا رابط لمدينة سيول وفيها خطوط المترو
http://www.johomaps.com/as/korea/seoul/seoulmetro.html
اذا وصلت المطار ان شاءالله
هل يوجد مكاتب سياحيه
يعني يصير معي شخص يتنقل معي و يترجم لي
و بكم يكلف لو اخذ شخص
هل المترو يغني عن هالشخص
المرشدين السياحيين تقدر تحجزهم من مكاتب السياحة ببلدك
يعني هم ينسقون لك ويدبرونك
لكن هذا مكلف جداً
يعني ما راح يقل يوميته عن 800 ريال
التنقل بسيول سهل اذا صار معك خريطة المتر
انت اذا وصلت المطار بتشوف فيه منشورات كثيره باللغة الكورية والانجليزية
خذ لك خريطتين او ثلاثة للمترو وميزة خريطة المترو اللي بالمطار ان المحطات مرقمه بارقام
وخذ منشورات العروض
الاهم انها باللغة الانجليزية
بعدها اذا نويت تروح مشوار خلي موظف الاستقبال بالفندق يخبرك وين مكان مشوارك وخله يأشر لك بخريطة المترو
يعني يأشر على مكان المحطة اللي بتروح لها وكذا بيسهل عليك المشوار
وبعد خل معك دائماً مذكرة صغيرة ع شان يكتب لك اسم المكان اللي بتروح له باللغة الكورية حتى اذا اخطيت المكان تسأل اي شخص

نصيحة الفنادق في سيول ibis اللي بشارع ميونغ دونغ شارع تسوق ويجنن بتلقين كل اللي بخاطرك فيه وقدامه مباشرة محطة المترو بس عيبه غرفة صغيره ومو فخم
وجزيرة جيجو إذا ميزانيتكم تسمح فندق اللوتي مره روعه وقريب من متحف الدببه والشوكولاته وغيرهم

الزنون ربي يوفقك و يسعدك وين مارحت
صراحه من بعد الله معلوماتك راح تفيديني كثير
الله يعافيك و يوفقك دنيا و اخره
و ييسر لك جميع امورك
لين الله يعافيك اختي
اول ما نوصل باذن الله
راح ناخذ فندق اللوتي مابو في سيئول
و بعدها اخذنا
ذه شيلا في جيجو
و بعدها ibis في سيئول
ربي يسعدك
الله يسعدكم دائما و ابدا
ربي يوفقك
اكتبوا لي الاماكن القريبه من الفنادق اللي ذكرت ؟؟؟
واسمائها باللغة الانجليزيه ؟؟
الزنون وقفتك لن انساها ربي يسعدك و يجزاك كل خير
و بالنسبه للمترو جربت مترو دبي فقط

متحف الدببه / متحف الشوكولاته / صدق او لا تصدق
الموجودات في جيجو
اسمائهم بالانجليزي
و بعد
حديقة المتاهات / الكهف / ذروة الشمس
و فوهة البركان كيف اروح لها و اسمها بالانجليزي
الغواصه كيف طريقة الحجز ؟؟
و بالنسبة لسيئول
ايش افضل مدينة العاب
ايفر لاند
او لوتي وورلد
و القصور الاثريه يوجد اثنين كبيرين ايش افضل واحد
و نهر الهان كيف اروح له عن طريق المترو والا لازم تاكسي ؟؟
و هل النافورة في نهر الهان تصير مغلقه يوم من الايام ؟؟
برج سيئول ايش اسمه و اروح له عن طريق المترو والا عن طريق تاكسي ؟؟
اسواق نامدمان / الاوت لت / نام دايمون / دونغ دايمون / سوق كوكس
الاكواريوم ؟؟
هذي الاماكن هل هي افضل شيء
والا فيه غيرها
و بعد
ابغى اسماء كل شيء كتبته بالانجليزي

و من جد الله يعطيكم العافيه
وجعله الله في ميزان حسناتكم
الله يوفقكم
تعبناكم معنا كثير