انا مش من خبراء ميونخ
لكن حبيت أضيف وأشارك باللي أقدر عليه
ويمكن ما تكون معلومات جديدة
الموقع 10/10 وقريب من لي مريديان

الفندق الأحمر هو Courtyard Munich City Center
والسعر مقارنة بمواقع الانترنت رائع
تمنياتي لك برحلة سعيدة
ولا تنسينا من تقاريرك الرائعة اذا رجعتي بالسلامة

عزيزتي غلا الامارات
اعتذر عن مداخلتي لاني وللاسف مااملك اي معلومة عن هالفندق(اجل ليش داخله :112
بس بغيت منك خدمة صغيرة الله يخليك
ابغى منك اسماء وعناوين الشقق في ميونخ لاني راح اسافر في تاريخ 16-8 ولاحصلت الى الان شي يناسبناوعددنا4
اكرر اسفي واعتذاري وعلى قول المثل جيتك ياعبد المعين تعيني لقيتك ياعبدالمعين تنعان

اختي الغاليه غلا
انا سبق وكتبت عنه في احد ردودي بالتفصيل .. رد على احد الاستفسارات السابقه
لو تبحثي عن ردودي وفندق كورتيارد ماريوت راح تحصليه
انا مستعجل جدا لاني خارج السعوديه وجالس في لوبي الفندق ووقت النت قرب يخلص والا كان خدمتك
لو رجعت للرياض وماحصلتيه راح اعطيك اياه ان شاء الله
رحله سعيده

MBC_FM
يعطيك العافية اخوي ( MBC_FM ) .. و تسلم على الإفادة
بالعكس والله معلوماتك جديدة و مفيدة بالنسبة لي ^_^

هتونه
مرحبا عزيزتي هتوونه ..
عادي والله كلنا نعين و نعاون في هذا الصرح الرائع
بالنسبة للشقق اللي اعرفها بعطيج بعض الاسماء و ان شاء الله افيدج :
1- شتول بيرغ بلازا ( صاحبتها كاتيا و يمدحونها وايد في المنتدى و كلها عرب لكن ما جربتها )
2- شقق الماكسي ميليان ( سكنت فيها الاخت u.a.e123 و كتبت تقرير عنها )
3- ديراج برنسيس اليزابيث

Boby
يعطيك العافية يا مشرفنا ..
حتى في سفراتك و في عز انشغالك تقتطع من اوقاتك الخاصة للمنتدى .. شكراً من القلب ^_^
بالنسبة للرد بحثت عنه لكن ما لقيته و ان شاء الله بنتظرك بعد ما ترجع من السفر
ترجع بالسلامه يارب و رحلة سعيدة

السلام عليكم
بخصوص الفندق فهو متوسط. السعر ممتاز لانه في وسط المدينة. شقة مفروشة تكلفك ارخص بكثير.

بحمد الله ..توني واصل للرياض من دبي
وهذا ردي في احد المواضيع السابقه :
الفندق سبق وجربته .. مستوى الغرف جميل وراائع جدا بالمقارنه بسعره .. اربع نجوم لكن بمستوى الخمسه وبسعر رخيص
الغرف نظيفه وواسعه .. وتحتوي على خدمات جانبيه مساعده .. مثل طاولة كوي ومكوى ..وادوات تحضير قهوه وغيرها وكلها مجانيه مع الغرفه
موقع الفندق .. قريب من محطة القطار الرئيسي الهوبت بان هوف .. في منطقه يكثر فيها الاتراك نوعاما ..
المارين بلاتز .. قريب ويمديك تروح له على رجولك ..
المطاعم فيه العديد منها مقابل محطة القطار .. بجمب المريديان والسوفيتيل ..
يعيب الفندق شيء واحد .. وجود عدد كبير من الكازينوهات والبارات وعدد من المحلات المخصصه للكبار .. في المنطقه المجاوره له .. لكن رغم ذلك الوضع في الشوارع المحيطه آمن جدا في الليل .. ولايوجد منظر في الشارع يخدش الذوق العام
.. وفي آخر زياره لي كان الفندق مليان عوائل خليجيه .. كانك في الخليج مو في اوربا ..
في الفندق مطعم جميل يقدم ماكولات من البحر المتوسط .. يعتمد على الزيتون وزيته في اغلب الاطباق ..
اذكر عندي عدد من الصور للفندق صورتها شخصيا .. راح احاول انزلها هنا او في موضوع منفرد ليستفيد منها الكل ..
رحله موفقه اختي

محمود-السيالة
و عليكم السلام و رحمة الله و بركاته ..
تسلم اخوي محمود على المرور و الإفادة ^_^