عادي تدخله بس من الباب الخلفي و ليس من الباب الرئيسي ،،
وفيه مقاهي و مطاعم و محلات داخل الفندق و بإمكانكم التجول فيه على راحتكم ،،
أما عن دخولكم لمشاهده الغرف فما عندي علم ،، يمكن يستوي و يمكن لا ،، !!
ويا مرحبا الساع ،،

عادي تقدر تدخله من بوابه الفندق طبعا مش من البوابه الرئيسيه الكبيره وفيه كوفي ومطاعم واسعار الغرف باليله حول 1500 درهم

حياك الله
الامر جداً عادي
عن نفسي انا واهلي
دخلنا الفندق من الباب الرئيسي وترحيب من كل واحد ,( وتفضل قهوة وتفضل اي خدمة وعلى هل المنوال ).وتمشينه فيه بكل مكان ولا احد تكلم معانا . ........... واصور منيه مناك ....... الصراحة فندق حلو وجميل ومتعوب عليه
طبعاً حبينا نتغدمة فيه بس بحسبه بسيطة انا مع الاهل والاولاد تقريباً قريب الالف ردرهم .....اولادي صغار ...استغليتها الصراحة .........ممكن لو انا والاهل فقط ممكن .........فيه اكثر من مطعم ( ايراني , ايطالي ,مغربي ..)
فيه على الطاير كافيه
ممكن قعطنه اكثر من ساعة
لا والسيارة بالمواقف بالقرب من سيارات الدول الخاصة .....بيأم واودي ومرسيدس وسيارة الفندق روزرايس
لا تخلي روح له تونس
فيه شغله حلو حصلت لنا
وهي اننا لبينا لنداء الطبيعة في الفندق وقلنا فرصة نشوف الحمامات فأكتشفنا ان في واحد بالحمامات وضيفته ان يكون جاهز لك بعد ما تطلع من الحمام وتغسل ايدك يقدملك الفوطه والعطر وكريم وينظف ملابسك ويهتمك فيك ويبتسم لك ....الصراحة اعجبتني الحركه

فعلا فندق جميل ومميز واسم على مسمى تحس انك فعلا في قصر كنت حاجز فيه في شهر 7 اللي راح انا والعيال جناح وتكلف علينا تقريبا 3200 درهم شامل الفطور على الرغم ان عددنا مع العيال 6 اشخاص الا ان الجناح بعد كبير وفخم ويكون عندك في الغرفه ريموت كنترول بشاشه كبيره تقدر تتحكم بكل اضاءات الغرفه والتكييف والتلفزيون وفيه تلفزيون في الغرفه بشاشات بلازما 50 بوصه ويوفرون لك بعد psp لعبه للاطفال وفيه لاب توب والنت مجانا وفي الميني بار (الثلاجه) بعض من العصاير والماي والمشروبات الغازيه مجانا وسلة فواكه مشكله وكبيره وحاطين عصاير برتقال طازجه للاستقبال وزادونا سرير اضافي وسرير للبيبي مجاني ويكون عندك بعد خدمة الخادم الشخصي في اي وقت تتطلبه ونقضي وقتنا خاصه في المسا في المسبح عندهم مسابح متنوعه وكثيره للكبار والصغار باشكال حلوه شبيه بالالعاب المائيه فيها زحاليق مائيه وشلالات ونهر ساكن

طيب بكم سعر الغرفه ليليه وحده لشخصين ؟؟
اتمنى ازوره ..

مشكورين على الردود
بس ماقلتولي اذا ركبت التاكسي شنو اقوله
يعني اقوله ودني قصر الامارات الباب الخلفي؟
مابي اروح هناك وانحرج

عقب باجر طيارتي
وللحين ولا واحد رد على اخر استفسار لي
تكفون اللي عنده رد يساعدني
ومشكورين وماقصرتو يااهل الامارات

حياك الله
المكان واضحة جدا ولا فيه اي صعوبه
ممكن تقول للتكسي خله يوديك مارينا مول .......راح تشوفه الفندق على ايدك اليسار وانت راكب الجسر المؤدي للمول
وممكن تقوله ودني ((فندق قصر الامارات )) على طول
ترى ماكو باب خلفي شيله من بالك
للعلم ترى الفندق ملك الدولة يعني وقت المؤتمرات والمناسبات الخاصة للدولة الوفود و الضيوف راح يكون مسكنهم
روح ولا تحاتي
ترى الديره على بعضها ما تضيع ............. لا تخاف
ممكن تدش قوقل ايرث وتشوف الفندق على الطبيعة ....... ممكن هالرابط يفيدك
http://wikimapia.org/
الي بالوسط الفندق والي فوق مارينا مول .......................شفت ماكو باب خلفي
حياك

azzd
مشكور اخوي وماقصرت وعلى راسي انت واهل الامارات