الاستفسار صعب لها الدرجة ؟؟؟
صراحة غريبة

Khaldi
قلت لك اخي ابو سعد في استفسارات سابقة لك..
انت تسأل اسئلة لن يجاوبك عليها الا من مر بالتجربة شخصياً..فمن اين لنا ان نعرف سبا المنتجع فيه رجال وحريم وكيف الوضع داخل الا اذا رحنا وشفنا الوضع بعيونا..
يعني الحين مثلاً لو سألت الحين يخت منتجع الدبليو فيه ثلاجة من داخل وهل ما يوجد فيها من مشروبات مجاناً ضمن سعر استئجار اليخت ام لا وهل فيه وجبات وكم اسعارها..
هل تتوقع فيه احد بيجاوبني يا ابو سعد الا من جرب بنفسه..

بالنسبة للسبا لا تخاف ، يوجد دائما نساء ورجال ، واذا كنتم كبلز اخبروهم ان ترغبون ان يقوم بالمساج نساء ، في اغلب البلدان 70% من الطاقم نساء ، قليل جدا الرجال الذين يعملون في السبا . توكل على الله ، سفرة موفقة

هي مو مشكلة خوف وتطمين
لابد ان تعرف طبيعة هذا النوع من المساج وانه مو مضمون انك تحصل الجنس اللي تبيه حتى لو حجزت بكير
ومثل ماقال اخوي فهد مستحيل تجزم بشيء ما جربناه
وحتى اللي مجرب عدة مرات مثل حالاتي مو شرط تضمن نفس النتيجة في كل مرة
لان السبا مو شرط توفر الجنس اللي تحدده
مساج الكبلز ممكن يكون نساء او رجال وفي معظم الاحيان نساء
وفيه زوجات تسمح وتمشي الموضوع لازواجها
وفي بعض الاحيان الزوجة تصر على وجود رجل لعمل المساج لزوجها
هذي الحالة صادفتها مع احد النزلاء (شكلهم عريس وعروسه)
وكان مبين ان الزوجة هي سي السيد
ماشاهدناه كان عبارة عن فيلم دراما هندي مع اكشن برازيلي
بعد ما وافقوا وجابوا لهم من تحت الارض راجل يعمل مساج لزوجها
حصلت مشكلة ثانية وهو ان الزوج والزوجة ماكانوا يعرفون ان الكبلز مساج معناه ان الزوجين ينامون في غرفة واحد فيها سريرين و في نفس الغرفة
وقتها اعترض الزوج قال لا مايصير رجال يكشف على زوجتي لانه طبعا مافي الا منشفة تسترهم
طبعا حنا خلصنا من المساج وشربنا شاهي زهورات ونمنا على كراسي الاسترخاء وصحينا ومساكين المشكلة ماحلوها لهم
اعتقد للحين ماحلوها
اعتذر منكم جميعا وخاصة أبوسعد على المداخلة
وتوكل على الله روح وجرب كل شيء
روح وشوف بعينك واللي ماترتاح له لا تعمله