ياهلا DANTELLA
حظك حلو
انا لي أسبوع جالس اجهز برنامج لكوسموي ، لاني مسافر لها انشالله بعد ثلاث اسابيع .
الشاطئ الحيوي في كوسموي هو ( chaweng ) والمطاعم والمقاهي الكبيرة موجوده فيه
وفيه فنادق عديدة ومتنوعة وجميع الاسعار والفئات .
ياليت تحددين لنا متوسط السعر المناسب لكم ، بحيث نخدمك بأسماء الفنادق وعناوينها .
كل التوفيق

ما قصرت اخوي على سرعه الستجابه
احنا بنقعد في كوساموي ثلاث ايام و محتاجين لفندق تكون ليلته بحدود 100 دولار او أقل مو زايد و تكون خدماته زينه حق العوائل أنا عندي خبر انها غاليه بس نبي بحدود المعقول
و يعطيك الف عافيه و موفق بسفرتك

ناطرين ردك اخوي عقاب لاتتاخر علينا

ابشري الحين اجهزها لك
دقايق بس .

المعذرة على التأخير دانتيلا
طبعاً الفنادق اللي راح اذكرهم لك
عرفتهم من خلال نصائح الأخوان بالمنتدى
وبالخصوص
الأخ ( كول ) والأخ ( ياخي افهم ) .
وبعض التقارير الخاصة في كوسموي .
أول شي هذي خريطة كوسموي ، ومبين عندك شاطئ (chwang) وجميع الفنادق الموجوده عليه .
وحسب ماعرفت أن الحركة والمطاعم وستار بوكس موجودين في نصف الشاطئ
في المساحه بين فندق ( Malibu Beach Resort) وفندق ( Montien House ) حسب مافهمت .
هذي الخريطة أولاً :
http://www.samui.org/map/samuiflash.html
وتحصلين شاطئ chwang على يمين الخريطة . وهو أكبر شاطئ .
بالنسبة للفنادق : ( حسب النصائح وليس تجربة شخصية )
بحط لك أسم الفندق ، وتحته الصفحه الخاصة به بموقع http://www.asiarooms.com/
بحيث تشوفين الاسعار ، لان الفندق يختلف اذا شخص واحد ، او شخصين ، او ثلاثه ، او اثنين مع طفل .
لان هالشي ماوضحتيه لي هنا .
عموماً سهله راح تشوفين الفترة التاريخ ، وعدد الاشخاص والسعر موجود عندك . ونوع الغرفة اللي تبين

• =-

Malibu Beach Resort ( ثلاث نجوم )
http://www.asiarooms.com/thailand/koh_samui_island/malibu_beach_resort.html
الأخ كول قال عنه :
(انة سكنت فية مرة وحدة و موقعة ممتاز المعاملة ممتازة
و سعرة وقت الصيف )

• =-

Montien House
( ثلاث نجوم )
http://www.asiarooms.com/thailand/koh_samui_island/montien_house.html
قال الاخ كوول عنه :
سكنتة مرتين و موقعة مقابل ستاربكس و قريب من برغر كنج

• =-

Baan Chaweng Beach Resort & Spa
ثلاث نجوم
http://www.asiarooms.com/thailand/koh_samui_island/baan_chaweng_beach_resort.html

• =-

Banana Fan Sea Samui
( ثلاث نجوم )
http://www.asiarooms.com/thailand/koh_samui_island/banana_fan_sea.html
هذا يوصل سعره االى 107 دولار بشهر سبعه .

• =-

طبعاً كل الفنادق هذي مقيمة انها ثلاث نجوم.
واسعارها مختلفه
من 40 دولار الى 100 دولار .
يعني مو شرط انها 3 نجوم تكون نفس الاسعار
وانتي تقدرين تشوفين وقت الروحه وعدد الاشخاص والسعر ونوع الغرفة كله موجود عندك .
هذي الفنادق بناء على تجربة الاشخاص بالمنتدى وليست تجربة شخصية .
وانا انشالله بعد ثلاث اسابيع بسافر لها ، واجيكم بتفاصيل اكثر وتجربة للفنادق هذي .
كل التوفيق

مشكور اخوي عقاب والله انك على راسي ماقصرت والله يعطيك العافيه وادري اني اذيتك
ردك مكفي وموفي
حبيت اسئلك بالنسبه لرحلتك حق كوساموي اكيد بتاخذها طيران داخلي بالنسبه لحجز الرحله بتحجز التذاكر من ديرتك ولا من من مطار بانكوك ؟؟؟

dantella
هلا دانتيلا
العفو اختي ، وبالخدمة دائماً .
بالنسبة لي ، كنت مقرر اني احجزها من هنا عن طريق ( الانترنت )
ارخص لي ، واريح .
لاكن لأن حنا رايحين ( عزاب ) فما عندنا مشكلة لو حجزنا من هناك .
واعتقد ان حنا راح نخلي الجدول مفتوح ، ونقرر هناك ، ونحجز من المكاتب هناك .لان بنجلس في بانكوك كم يوم قبل نروح كوسموي
بالنسبة لكم _
اما تحجزون من الانترنت اذا كان جدولكم جاهز .
او تحجزون من هناك
واتركو مكاتب السفريات اللي موجوده بالخليج كلها نصب .
سفرة موفقة

مشكور اخوي عقاب وماقصرت على هالمعلومات الطيبه
واتمنى لك سفره حلوه وتروح وترجع لنا بالسلامه وتضبطلنا ذاك التقرير الحلو الي اتوقع ان كل المنتدى بكون بانتظاره.

الأخ عقاب
مقدما تروح و ترجع لنا بالسلامه