السلام عليكم ورحمة الله وبركاته
الاخوة الاعزاء
ياليت ترشدوني الى الفنادق او المنتجعات او الشقق المناسبة في اسطنبول وتكون 4 أو 5 نجوم واسعارها اذا امكن
يهمني في مكان السكن خدماته والنظافة ومستوى أمان المنطقة وقربة من الأماكن السياحية
شاكر تعاونكم

أفضل فنادق اسطنبول (إن كانت الميزانية مفتوحة): كمبنسكي شيريغان، سويس أوتيل، فور سيزونز االبوسفور، فور سيزونز السلطان أحمد، ثم فنادق تقسيم وهي كثيرة.
يمكنك البحث بالإنترنت عن مواقعها الإلكترونية واختيار ما يعجبك.

اخي ابو صالح
قبل سنتين رحنا استنبول
وأخذنا في فندق جولدن هورن السلطان احمد
في منطقة السلطان احمد
غرف مع طلة
الفندق نظيف وموقعه اكثر من رائع
واهو اربع نجوم
سعره مناسب لخدماته مع موقعه
الترام يمك وطلته على جامع الازرق
وعلى بحر مرمرة
احنا حجزنا عن طريق الانترنت
اذا تبي تحجز قول لي اعطيك الايميل الي نراسل عليه الموقع
ونتعامل معاهم
صراحة في بعد وايد فنادق
دور على الانترنت في موقع booking.com
وغيرها
بس اذا تبي منطقة راقية ، هادية ، الاسواق مو بعيدة ، حديقة توب كوبي بعد مو بعيدة بالترام
تقدر تروح الميناء بالترام يم السوق المصري
فخذ الفندق بالسلطان احمد
على الشوارع الرئيسية

اشكر جميع الاخوان على ردودهم المفيدة
وماقصرتو
وأي إضافة أكون لكم شاكر

Zohd aldonia
شكر خاص لك اخوي على المعلومات المفيدة وشكلي بسوي مثلك
اخوك أول مره يروح لاسطنبول وحاب استفسر منك اخوي هل فندق جولدن هورن قريب من تقسيم
وياليت ترسلي ايميل الحجز
الف شكر لك اخوي مره ثانية ما قصرت على المعلومات المفيدة وان شاءالله نخدمك في أماكن اخرى سبق اني زرتها

هذا الشخص اللي نتعامل معاه
من خلال الايميل
Cetin Ozturk
Reservations and Sales Rep.
Phone: +90 212 475 0985
Fax: +90 212 475 2461
http://www.discounthotelsinturkey.com
هذا موقع الفندق من خلال الشركة
http://www.discounthotelsinturkey.com/accurahotelistanbul.asp
اهو مو وايد قريب من تقسيم
بس تقدر تروح تقسيم عن طريق
التاكسي
او الترام (نوعين من الترام) اتوقع
بس هذه المنطقة غير عن تقسيم (السلطان احمد)
هدوء وجو حلو ومنطقة عالية وطلة عجيبة
وأمينة وخاصة بالليل للعوائل
اصلا ما في وايد حركة بالليل
وبجانبها المطاعم من كل مكان
خذ خريطة الترام بالعربي وروح فيها حلو ورخيص وممتع
حياك في اي شيء تبي