هلا اختي مون
انا بعد اللي اعرفه جزيرة الفطيسي
وشاليهات شاطئ الراحه
اختي ما اعرف شو اللي سمعتيه عن اللي يستوي في الشاليهات بس ترا كل واحد في حاله وبالليل كل واحد في شاليهه وقافل على عمره الباب

mooon15
ياهلا فيك
أعتقد جزيرة الفطيسي الأنسب ك سمعه
أخوك
SadSmile

شاليهات جزيرة الفطيسي ..
او شاليهات شاطىء الراحة
او شاليهات فندق شانغريلا مريحه و بعيده عن الضوضاء و عائليه وشي سوق صغير تابع للفندق اسمه سوق قرية البري .. شانغريلا فيه نظامين .. نظام الغرف الفندقية و الشاليهات .. خذي الشاليهات
https://artravelers.com/p/re/292071

الغالية " بنت الشيخ زايد "
الي سمعته إن فيها بار وإزعاج في الليل وفيه مناظر ما تناسب للأطفال ..
الغالية ياليت تتكلمين عن شاطئ الراحة يعني وش فيها وكيف الشاليهات وكم تكفي من شخص ..
الله يجزاك خير ..
أخوي " sadsmaile "
الله يعطيك العافيه ع الرد ..
أخوي " السراب "
شفت تقريرك الصراحة المكان ممتاز ومناسب
بس البحر الي حوله كله مباني يعني مافيه أمواج ؟؟
وأيضاً إذا تعرف عن شاليهات شاطئ الراحة ياليت تتكلم عنها ..
الله يجزاك خير ..

هلا اختي
شاليهات شاطئ الراحه ما دخلتها بس شفتها من برع وفيها نظام فلل ع البحر بعد بس مبين انه شي راقي
جزيرة الفطيسي .... كنا حاجزين فيه بس الله ما اراد لانه كنا بنودي عمي وبس تعب عليه
حبوبه حتى الفنادق فيها بارات بس انتي ما بتدخلين البار صح انتي الفلليل تدشين الشاليه اللي حاجزتنه وماعليج من اللي يستوي برع على الاقل في جزيرة الفطيسي الشاليهات مسوره وسمو بسم الله وارقدو
عيل نحنا كذا مره حجزنا في شاليه من شاليهات الفجيره اول مره كانو في الشاليه اللي ورانا شباب وفي البدايه خفنا منهم لان نحنا اغلبنا بنات كبار وبس مالنا دخل باللي يستوي برع سكرنا شاليهنا ويلسنا داخل
والمره الثانيه خذنا شاليهين وخذنا راحتنا والفليل نحنا يالسين عند البحر وفجأه هجم علينا ثعلب من الجبال اللي ورا الشاليهات ,,,,بس المسكين بدل ما هو يركض ورانا نحنا اللي ركضنا وراه

^
^
الله يجزاك خير الحين ريحتيني
الله يريحك ..
وفجأه هجم علينا ثعلب من الجبال اللي ورا الشاليهات ,,,,بس المسكين بدل ما هو يركض ورانا نحنا اللي ركضنا وراه
بسم الله
ثعلب مكآآآآآآر
لو أنآ مكآنكم كآن طبيت في البحر ما أحب الأكشن