سوال اخر اخواني ,, سالته هنا لاني ماعرفت من وين يعدلون الموضوع
انترلاكن بكون متواجد فيها باذن الله من (21 الى 24 ) اغسطس قادما من ماينفيلد اللي بقضي فيها ليله فقط ,, ف وش اللي اقدر اسويه في انترلاكن في هالثلاث ليالي ؟ علما باني ساصلها صباح 21 يعني بادي اليوم من اوله ,, ف وش اقتراحاتكم عشان اسجلها واطبقها ان شاء الله

وعليكم السلام ورحمة الله وبركاته
اخي ابو زايد ,, زيورخ وايد عليها 4 ايام وانترلاكن قليل عليها 3 ايام وبقترح عليك الاقتراح التالي
بعد ان وضح لي مسار سيركم والاماكن اللي تريدونها ,,
اولا توزيع الايام ,, 5 انترلاكن و يومين رست (اليورب بارك )
ثانيا الجدول
اليوم الاول ,, مغادرة ماينفيلد والمرور على لوزيرن وممكن قبلها تمرون على التلفريك المكشوف كابريو وبعده تروحون لوزيرن ومن ثم الى النترلاكن
ولوزيرن بتكون على طريقكم
http://www.aboaziz.net/blog/?p=1367
اليوم الثاني ,, زيارة شلال تروميل باخ وقمة جونغفرو
اليوم الثالث ,, زيارة بحيرة الاوشن سي والاستمتاع بالزحليقة الصيفية فيها ومن ثم زيارة بحيرة البلو سي
وفي المساء ممكن تاخذون جولة بالباخرة في بحيرة برينز ومكانهم قرب محطة انترلاكن الشرقية
اليوم الرابع ,, زيارة شلال جيس باخ وبعده شلال ريشن باخ ومن ثم خوانق الار
اليوم الخامس ,, زيارة مصنع الشكولاته في بروك ومصنع الجبن في جريير وجبل ميلسون وكلهن قريبات من بعض
اليوم السادس ,, مغادرة انترلاكن الى رست في البداية تمرون شلالات الراين وساعتين تكفي الشلالات وبعدها تمرون على
فرايبوج الالمانية تتمشون فيها الى المساء ومن ثم تتوجهون الى رست والسكن في احد فنادقها او شققها
اليوم السابع ,, تخصصونه بالكامل لليوروب بارك
اليوم الثامن ,, مغادرة رست الى زيورخ والمسافة تقريبا 183 كم والوقت ساعه و50 دقيقة
وطيران الامارات رحلاته دايما المساء وبتلحقون على الطيارة على الراحة
العام الماضي واللي قبلة اخر ايامي تكون في رست ومنها اطلع لمطار زيورخ مباشرة على طيارة الساعه 3,45 المساء
والقرار الاخير راجع لكم ,,
وهذي بعض التقارير اللي ان شاء الله تفيدكم في انترلاكن
https://artravelers.com/p/re/601562
وكل الشكر والتقدير لكاتبيها
وبالتوفيق

مرحبا اخوي وجزاك الله الف خير على ردك الي زاد من فهمي للمسافات اكثر
اخوي انا بكون جاي من زلامسي اللي بكون قعدت فيها 4 ليالي ف احس ان 5 ليالي بانترلاكن ممكن امل
ف شرايك لو اقعد في انترلاكن 4 و رست 3 ليالي ؟ اول ليله لي في رست بتكون نوم على طول لاني بتبع اللي قلته امر على الراين والخ ,,
اليوم الثاني الالعاب والثالث ازور بادن بادن وستراسبورغ ,, هل تنصحني ؟ وهل في ضرايب طريق لما ادش من المانيا لفرنسا اللي اعتقد ان ستراسبورغ تتبعها؟

تسلم اخوي بوزايد ..
الامر راجع في ترتيب الجدول ,, وجدولكم الاخير ممتاز ايضا ,,
وانترلاكن ما بتحس فيها بالملل لو تقعدون اكثر من اسبوع فيها (وجهة نظر)
عند الدخول لستراسبورج من المانيا ما فيه ضريبة للطريق لان ضرائب الطريق هي على الطرق السريعه فقط
وستراسبورج على الحدود الالمانية وما فيها طريق سريع
وبالتوفيق