في طرق كثير ... ويفرق حسب اعمار الابناء
لكن رايي الشخصي بالسيارة
ومن روما الى ريتشوني على طريق الساحل المسافة 400 كيلو
ممكن المبيت في المنتصف وبعدها الى فلورانس وبيزا وميلان وبعدها الى سويسرا ولا تنسون توقفون في لوقانو
بالتوفيق

جعل ربي يسلمك وما قصرت يا الهلالي لكن شرلأيك انزل بميلانو ممكن تكون اقرب اواي مقترحات اخرى علما باني مخطط اقعد برشوني 7 ايام واغطى المناطق القريبه منها طالما انه عندي سياره وبعدها انترلاكن بسويسرا 7 ليالي وبعدها جنيف وا جاورها اسبوع وعيالي اعمارهم 15 و 11 و 10 و 5 سنوات الله يخلي لك عيالك فاذا عندك مقترح لسيره الرحله اكون لك ممتن ومن الشاكرين

ما شاء الله اعمار مناسبه للسفر والله يخليهم لك ويحفظهم
من ميلان الى ريتشوني 350 كم تقريبا ومدينة بولونيا في النص تقريباً
وانت راجع رايح لسويسرا خذ طريق ثاني وتمر منها على فينيسيا وسيرميوني ( بحيرة قادرا ) وممكن تاخذلك ليلتين
الطريق رقمه A13 باتجاه الجنوب - الشمال (تأكد من رقم الطريق ) وهو يتفرع عند وصولك بولونيا
رحلة موفقة ان شاء الله

تسلم يا الهلالي على تجاوبك الحين السالفه اني بقضي لي 7 ليالي في رميني وممكن تكون طويله بس بحكم اني عندي سياره اقدر اطلع للأماكن القريبه من هالمدينه بمعنى اروح اول الصبح وارجع بالمسا ولذلك حاب اعرف ايش المناطق اللي تستحق الزياره وبالذات اللي فيها الالعاب ومرح للعيال لاني بعدها باروح انترلاكن او مناطق جبال الالب اللي بين فرنسا وسويسرا واللي هي بالغالب تصلح للكبار لذلك ابغي اشبع رغبه العيال من الوناسه انا كنت افكر اني اجزأ الوقت لمدينتين على الاقل بس تحاشيا للنقله من شنط وخلافه فحلو تستقر بمكان وتغطي المناطق القريبه والنقطه الثانيه الفندق حيرني الخيارات كثيره وما ادري وين اسكن اذا عندك مقترح او احد من الاخوان باكون شاكر مع خالص شكري وتقديري لتجاوبك معي والله يسلم لك غاليك

قسم المدة بين ريتشوني وبين سيرميوني (بحيرة قادر) وقريبة منها العاب قاردا وعلى طريق سويسرا في الشمال
هذا الرابط بيفيدك الجزء الثاني :
https://artravelers.com/p/re/165541

زعيمنا الهلالي ما قصر.. وبالتوفيق ان شاء الله
لكن ممكن تجرب طريق ثاني .. توصل على فينيسيا ومن المطار تستأجر سيارة وتاخذ يوم او نص يوم فيها ثم الى ريميني 270 كلم
وتجلس في ريشموني افضل مدة 3 ايام .. ثم تمسك طريق ميلان وتجلس يومين في باسكيرا لاجاردا وتتمشى في هالبحيرة الرائعة .. بصراحة اروع ما شفت في ايطاليا بحيرة كبيرة وشواطئها قرى متشابكة تقريبا وفيها مدينة العاب كبيرة وستديو حلو زي ما كتبوا الاعضاء هنا .. ثم على ميلان للتسوق .. وعلى طول لكومو او لوجانو يومين ثم انترلاكن ....الخ معليش مستعجل
المهم ان سن عيالك مناسب .. يعني مافي اقل من 3 سنوات .. الله يحفظهم لكم ويخليكم لهم.. وعلى فكرة هناك تنسى تعب الخطوط اللي نعاني منه في ديرتنا انا كنت امشي معدل 250 كلم تقريبا في 16 يوم وما كني مسافر

هلا ابو فيصل كلامك صحيح والسفر بالسيارة في اوروبا روعة ... و اخونا حدد روما او ميلان ومن ثم هدفه سويسرا فيفضل تكون البداية من الجنوب للشمال واذا في رحلة لفينيسيا مباشرة فيكون اقتراحك رائع و طيران الامارات لها محطة في فينيسيا لكن القطرية ما اعتقد